San Juan 13:9 - Diosichi Pila

⁹ Tsantinunsile Simón Pedro itsantie: —Miya, nedecasiri tsaletude! tie. Tedecanan, misucanan tsalede! tie.

San Juan 13:9 Iomraidhean Croise

San Mateo 27:24

Junni Pilátori tenhinue tsachilari yaca natiya merátuto fécari firara tilatichinaeque. Junca tenhito pica tanjasa carie. Junsi jeralelachi cale tede tsalee Jesuca culpa quitiyoe tito. Tede tsaletobi, itsantie: —In tsachi culpa itoe. Yaca totenun tenchi la culpa itoanae tie. Nulari totechi timinla joto, nulanan totesa carilaquede! tie.

San Juan 13:10

Junni Pedro tsantinunsi, Jesuri itsantie: —Te, nedecari tsalentsan joe tie. Pucalete pipiyatobi, pucalete manpipiyano itoe; tobi nenato nedecari mantsaleto, pucalete manpipiyaca cuwenta manjolajochunae tie. Jun tsanquenan nulachi tenca jera tsaleca jolajoe tie. Junni nula jeralelachi tencaca tsaleca jun itolajoe tie.

San Juan 13:8

Junni aman Pedro itsantie: —Nuri lachi peyun itoe. Lachi nedeca numanan tsaletuchunae tie. Junni Jesuri itsantie: —Nuchi nedeca tsaletunari, lachi tsachi itochunae tie.

Israelítalachi 10:22

chiquilachi tencabi Diosichi cale jonola joyoe. Seque tenca cato, Jesuca tennato, Diosichi cale jono lurano itolajoyoe. Yachi asanca chiquilachi tencabi jera araleca joe yape jutsa itonla joyoeque tenhilaisa. Chiquilachi puca sen pichi pipiyanun cuwenta, yachi asan chiquilachi tencaca casimin joe.

1 Pédrochi 3:21

Pibi mumunhiminlari jun cuwenta se lolaichunae. Junasanan mumunhinun piri to midicaca cuwenta jutsaca mantsaletumin joe. Mumunhinaminlari Diosibe rocaiminla jochunae culpa iton joyoeque tenhichun Jesucristo mansonhica jonun tenchi.