San Juan 13:1 - Diosichi Pila

^1-3 Junni casa ma fiesta nasi nacá caitosanan, Jesube chiquilabe man parejo ano pefilaquinamanyoe. Junni junnasa yucan Júdaca seiton tenca suwaca jominue. Ya Júdari Simón Iscariótechi nao jominue. Junni yaca Jesuca pa jominlachi cuwapono tenca casa carica jominue. Jesús mantimini jera miraminue Apa Diosi yaca jera mantá tan suwaca joeque yape jeraleca mantasa. Diosichibi nechi pataca jomin joto, Diosichicanan manlono jominue. Yacanan Jesús miraminue. Junni jamochi manlono ma quelo inaminue yachi Apa Diosichica manlono ma. Chiquila yachi tsachila joto mantimini, tote canenanonan jominlayoe. Junni aman Jesuri juncanan tenhinue ya jamochi manlono ma quelo inaeque. Junca tenhito, chiquilaca duque laquiramin joto, sen quito quirawoe duque laquiramin joeque miralarasa. Itsanquee:

San Juan 13:1 Iomraidhean Croise

San Mateo 26:45

Juntobi yabe penenaminlachica manan manjato, itsantinue: —¿Catson tsoniralarayun? ¿Cajasainiilainayun? Aman meralaquede! Laca cuwapono óra faca joe tie. La tsachi ica jun joto seitonlachi cuwapoichinayoe tie yape laca calaquisa.

San Mateo 28:20

Junto yalaca micarilaquina! tie la nulaca jera mantacaca meralaquisa. La mantimini nulabe ma cura peranae tie to jeraino fecári. Jesús chiquilabe tsantie.

San Lucas 22:53

Diosichi yabi ma cura nulachite micarito chuminca calaquitue. Tsanni amana nulachi óra joe. Yucan mantano óra joe tinue.

San Lucas 9:51

Junni Jesuri jamochi manlono ma quelo inasa, Jerusalenca jinonan joyoe tinue.

San Juan 11:55

Junni israelítalachi casa ma fiesta queloinaminhe. Junni casa ma caitusanan, duque israelítala Jerusalenca numa jera janaminlanue ya fiesta tenchi tenca manseichun.

San Juan 12:23

Junni Jesuri Felípela tsanque cuenta quinunca meráto, itsanque micarie: —La tsachi ica jun jonan, Diosi lachi tsara uraran mantá cuwano óra fachinae tie.

San Juan 13:29

Judas Jesube penenaminlachi calaca taminhe. Junni weyanlari tenca cato, fiesta ano fichun ticatiya casa mantaca jonhoe latie. O poperelachi ticatiya cato cuwasa tica jonhoe latie. Tica tsantica jonunca tsarasi miitominlanue.

San Juan 13:34

Nulachi casan mantá cuwachinayoe tie yape nula tala laquiracaalaquisa. La nulaca laquiranun cuwenta, nula talanan laquiracaalaquina! tie.

San Juan 14:28

¿Nulaca purato jito, inale manjanae tituan? tie. Lachi Apa Diosichica manlochinayoe. Yari laca fe mantá tan joe tie. Junni nulari laca jera laquiramanpari, son tino jominla jonhoe yachica lochinaeque.

San Juan 14:31

La niyanhinatotiya yucanchi mantate natiya tsanhituanae tie; Apa Diosichi mantaca meráto tsanhiyanae tie. Apa Diosica merámin joto, tsanhiyanae tie yape Diosica tennatuminla miilaisa la Apa Diosica laquiraeque. Jesuri tsanque pato, junto aman cupalaide! Jilaisa! tie.

San Juan 16:28

La Apa Diosichibi nechi patato, toca jacayoe. Junsi toca purato, Apa Diosichica manlochinayoe tie.

San Juan 17:1

Jesús chiquilabe tsanque cuenta quetobi, jamochi quirato, itsanque Diosibe rocaie: —Apa Diosi, óra fae tie. La nuchi Nao jonan, duque sen joeque quirawode! tie. Tsanquede! lanan nuca tsara sen joeque quirawochun.

San Juan 17:16

Lari nuca tennatuminlabe bolon peitomin jonan, inlanan la cuwenta ya tsachilabe bolon peitolajoe tie.

San Juan 17:26

Yalaca micariyoe yape nuca miilaisa. Nantanancari camicariyanae yape nuca fécari tennalarasa. Junni yalari laquiracaalaquichunae. Nu laca laquiranan, yala tala tsanquenan laquiracaanola joe tie labe man junni jolajoto. Jesús yachi Apa Diosibe tsanque rocaie.

San Juan 17:5

Junni amana, Apa Diosi, lacanan tsara sen joeque quirawode! tie. To caitosanan, lari nube chuto uraran tsente chumanyoe tie. Junni amananan nuchibi jun tsannan mansuwade! tie.

San Juan 19:28

Junni Jesús numa tenhinue titiya jera quino jonunca jerayoeque. Junto Diosichi Pilabi chuteca jonun fiquica manpato, pi muquee tie.

San Juan 2:13

Junni aman israelítalachi casa ma fiesta inasa, Jesuri Jerusalenca jie.

San Juan 6:4

Israelítalachi casa ma fiesta queloinaminue.

San Juan 7:30

Junni Jesús tsantinun tenchi, yaca cato dochi tinaminlanue. Tsanlatinatonan calaquitunue. Jesús doino óra caitominue.

San Juan 7:6

Junni Jesuri yachi acolabe itsantie: —Lari fiesta quirabi jino óra caitoe tie. Nulachi niyan óra jino muquinari, jinilaintsan joe tie.

San Juan 8:20

Jesús Diosichi yabi jun fiquica micarie cala canun postote. Jesús micarinasanan, yaca cano óra cafetunan, monantiya yaca cadolaquitunue.

Románolachi 8:37

Junni tsan jolajosatiya, Jesucristo chiquilaca laquirato tsaracari fe losa carimin joe.

1 Coríntolachi 1:8

Nulaca seque nenasa carichunae yape Jesucristo juisio quino mate culpa iton jolajosa.

Israelítalachi 3:14

Nulari Crístobe cayaitobi, yaca tennato pansi nenamin jominlae. Junni puyano fecári tsanque nenatori, Crístobe man junni jolajochunae.

Israelítalachi 3:6

Crístori merámin joto, yari Diosichi yabi mantamin jominue Diosichi Nao joto. Junni chiquilari Diosi chunun ya cuwenta jolajoyoe. Junto peleituto quereinola joyoe. Diosi chiquilachi tenchi seque quino jonunca son tito meralarayoe. Tsanque seque nenanoca puratutori, Diosi chunun ya cuwenta jolajoichunae.

Israelítalachi 6:11

Tsan joto nula meralarae yape Diosi nulachi tenchi seque quino jonunca quisa. Junni Diosichi tsachilaca ayudaichun tenfenatori, jun tsanquenan Diosibe seque penenachun tenfelaisa tenjae yape Diosinan nulachi tenchi jera seque quino podeisa.

1 Pédrochi 1:13

Junni seque tenca cato, sonban tenca ilaina! Jesucristo manquiraitobi, nulaca laquirato seque quichunae. Junni juncasiri tenca cato nenalarana!

1 Juanchi 4:19

Diosi chiquilaca casale laquiranan, yacanan laquiralarayoe.