San Juan 1:9 - Diosichi Pila

⁹ Tsen suwamin mantimini tobi pataca jominue. Yari jeralelachi tencabi tsemin joe. Tsachilachi tencabi yasiri tsaracari tsemin joe yape miralarasa.

San Juan 1:9 Iomraidhean Croise

San Lucas 11:36

Aman Diosi nulachi tencaca jera tse suwanari, jera mirato seque nenalarachunae tinue lanparinbe nenamin cuwenta. Jesús tsanque micarinue.

San Juan 1:4

Yari tsachilaca sonnasa carimin joe. Tsachilaca sonnasa carito, tencabinan tsen suwamin joe.

San Juan 1:7

Yari tsen suwaminca cuenta polarichun jominue yape jeralela junca meráto tsen suwaminbe cayailaisa.

San Juan 12:46

Junni tsachilachi tenca nemen jominbi tse suwabi patacayoe tie. Labe cayaiminlachi tencaca nemenbi nechi laribi patacayoe tie.

San Juan 14:6

Junni Jesuri itsantie: —Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie.

San Juan 15:1

Junto Jesuri itsantie: —La sen uba sili joyoe tie. Nulanan uba ali jolajoe tie. Lachi Apa Diosiri uba wita cuidaimin joe.

San Juan 6:32

Junni Jesús yala pánanunca meráto itsantie: —Nulabe tsarasica pachinayoe tie: Moisés maná tinunca cuwatonan, yari Diosichibi nechi jonunca cuwamin itominue. Lachi Apa Diosiri jamochi nechi tsara sen finunca cuwano joe.

San Juan 7:12

Yaca nosa duque cuenta quinaminlanue. Weyanlari yaca sen joe tinaminlanue. Weyanlari te, seitoe; tsachilaca encanamin joe tinaminlanue.

1 Juanchi 1:8

Jutsa itoyoe timinlari tsarasi paca fiquica miitoto, palaque tenca caminla jochunae.

1 Juanchi 2:8

Junni man quiraque patori, ya mantaca casan mantá tintsan jochunae. Jesucristo ya mantaca casanle nechi paca joe. Nulanan casanle nechi meralaquee. Tsanque mantá cuwato, nulachi tencabi jera tsen suwanae nemen jominca jera piyarito.

1 Juanchi 5:20

Junsi man fiquicaman miralarayoe. Diosichi Nao patato, chiquilachi tenca cuwaca joe yape tsa Diosica mirano podeilaisa. Chiquilari tsa Diosibenan, yachi Naobenan, penenaminla joyoe. Yari tsa Diosi joto, yasiri numatotiya sonnato polesa carimin joe.