San Juan 1:12 - Diosichi Pila

¹² Weyan weyanla mantimini yaca tennato yabe cayailainue. Junni yalaca Diosichi nalala ino podeisa mantá cuwanue.

San Juan 1:12 Iomraidhean Croise

San Mateo 10:40

Junsi Jesús capánato itsantie: —Nulaca facariminlari lacanan facarimin cuwenta jolajochunae tie. Junni laca facariminlari laca mantamincanan facarimin cuwenta jolajochunae.

San Mateo 12:21

Israelita itonlanan yaca tennato meralarachunaeque chuteca joe. Isaías Jesuca tsanque pila chuteca jominue Diosichi Pilabi.

San Mateo 18:5

Nalala tsanlaca lachi tenchi seque quiminlari laca seque quimin cuwenta jolajochunae tie.

San Juan 1:11

Ya quica tobi manpatanan, yachi tsachilanan yabe cayailaitunue.

San Juan 1:7

Yari tsen suwaminca cuenta polarichun jominue yape jeralela junca meráto tsen suwaminbe cayailaisa.

San Juan 11:52

Junsi israelítalachi tenchisiri puyano itominue. Uyan tobi chumin tsachilanan, yalanan Diosibe cayaino jominlanue. Junni yalachi tenchinan Jesús pepuyano jominue jerale Diosichi tsachilaca layasuwato, yape man bolonni jolajosa.

San Juan 2:23

Junni aman casa ma fiestate Jesús Jerusalenbi duque wepanato quirantsancari seque quede nenaminue yape tsachila miilaisa. Junni duque israelítala junca quirato, yabe cayailaie.

San Juan 20:31

Weyancari pila quiyoe yape nula in pilaca quirato Jesuca quereilaisa. Jesús Diosi wenteca Cristo tinun joe. Ya Apa Diosichi Nao joe. Junca quereiminlari yachi mantate yabe numatotiya sonnato polelaiichunae. Junni nulanan junca jera quereilaisa, in pilaca quinayoe.

San Juan 3:18

Yabe cayaiminlacari culpa itonla joe timin joe. Yabe cayaituminlacari numa culpa quica jochunae Diosichi mancari Naobe cayaitunun tenchi.

Mantá Tanla 3:16

Junni in jancan jomin tsachi ya Jesuca tennanue tinue. Jun tenchi Jesús yaca sonba wiruisa carinue tinue. ¿Inni jancan jomin tsachi joco? Aman Jesuca quereito, jera manseinue tinue. Jeralela quiranilaquede! tinue.

Románolachi 8:14

Diosichi Tencabe nenamin tsachila yachi nalala jolajochunae.

Románolachi 8:16

yachi Tenca chiquilachibi miisa carinae yachi nalala jolajoeque.

Románolachi 8:19

Meralaquinana! Titiya Diosi quica jun cosala jera yucapiyaca joe. Tenca mánta yucapiyaca itoe. Diosi tsachilachi jutsa tenchi ya cosalaca jera yucapiyarintsan joe tito yucapiyarinue. Junni yucapiyarinayoe titonan, tsanleri yucapiyaritunue. Inale jera manse suwachunae. Junni jera manseino mate natiyanan yucapiyatumin, ni petenan itumin jochunae. Diosichi nalala jera senhinan, titiya Diosi quica jun cosala jun tsanquenan jera manse jochunae. Junni jun mate Diosi yachi jerale nalalacanan quirawochunae senla jonunca. Junni Diosi quica cosala jera meralarae yape Diosi yachi nalalaca quirawosa. Yalaca quirachique duque meralarae jera manseichun.

Galácialachi 4:6

Junni nulari Diosichi nalala jonan, Diosiri yachi Naochi Tencaca ereto nulachibi wisa carinue. Junbi witobi, Apa Diosica lachi Apa timiyamin joe.

Colósalachi 2:6

Junni aman Miya Jesucrístobe cayaicala joe. Jun tenchi yabe man parejori nenalarana!

2 Pédrochi 1:4

Junni yari chiquilabe tsaracari sen fiquica cuenta quinato, chiquilaca se suwanae ticae. Aman jun sen fiquica quereito, se ino podeilaiyanae. Diosica tennatuminlari yalachi tenca munate nenato jelenquira nenaminla joe. Chiquila mantimini Diosica tennatuminlachile nechi se loto, Diosibe man junni ino podeilaiyanae.

1 Juanchi 3:1

Seque meralaquede! Apa Diosi chiquilaca duque laquirato, yachi nalala jolajoe ticae. Junni tsanla joyoe. Junni uyanlari yaca miitotori, chiquilacanan miitolajochunae.

1 Juanchi 3:10

Tsanque miintsan jochunae mola Diosichi nalala jonunca, mola yucanchi nalala jonunca. Seque nenatuminlari Diosichi itolajochunae. Acolaca laquiratuminlanan Diosichi itolajochunae.

1 Juanchi 3:2

Nulaca laquirato payinayoe. Numa Diosichi nalala jolajoyoe. Juntonan Jesucristo manpatanasa niya quiraque jocaichunanque camiitolajoyoe. Incari miralarayoe: Ya quirainasa, chiquilanan yaca seque quirato, ya cuwentanan jocaichunaeque.

1 Juanchi 3:23

Yachi mantá mantimini itsanque joe: Beco beco laquiracaato, yachi Nao Jesucrístoca quereintsan joe. Aman Jesucrístonan jun tsanquenan mantanue.