San Mateo 8:13 - Koreguaje

¹³ Jã'aja'ñe i'kacuha sõtao chʉ̃'ʉkʉ'te ija'che i'kasi'kʉa'mʉ Jesús: —Mʉ'ʉ vʉ'ena co'ijʉ̃'ʉ. Mʉ'ʉ chʉ'ʉre, “Jesús chʉ'ʉre cho'oche cho'okaikʉ'te so'opi vasoja'mʉ”, chiiʉ cuasasi'e ũcuarepa cho'ocojñoja'mʉ —chiisi'kʉa'mʉ Jesús. Ũcuate'erʉmʉna jũ'iva'ʉ vʉ'e ũhiva'ʉ teana vajʉasomʉ.

San Mateo 8:13 Iomraidhean Croise

San Mateo 15:28

Chikona Jesús repao'te i'kasi'kʉa'mʉ. —Diore masi cuasamo mʉ'ʉ. Mʉ'ʉ chiiche cho'okaija'mʉ chʉ'ʉ —chiisi'kʉa'mʉ. Repaʉ jã'aja'ñe i'karʉmʉpi repao mamako teana vajʉasomo.

San Mateo 17:20

Chitena i'kasi'kʉa'mʉ repaʉ. —Dioni masi cuasamapʉna vatire eto saocu'asi'kʉa'mʉ mʉsanʉkonare. Mʉsanʉkonapi mostazara'karʉã rʉa jmara'karʉãja'ñe Diore jmamakarʉ cuasanapi, “Dios peore masikʉ'mʉ”, chini cuasajʉ ikũtire aikũtire, “Chekʉchejare kʉñʉ nʉkajʉ̃'ʉ”, chiito ikũti teana chekʉchejana kʉñʉra'amʉ. Mʉsanʉkonapi Dioni masi cuasarepato peore cho'ore'ochechi'a pa'ira'amʉ. Ũcuarepaa'me jã'a.

San Mateo 8:4

Repaʉ'te vasocuha Jesús ija'che chʉ̃'ʉsi'kʉa'mʉ: —Ñarepajʉ̃'ʉ. Chʉ'ʉ mʉ'ʉre vasosi'e pãi chekʉnare kʉamanejʉ̃'ʉ. Kʉama'ñe judío phairi'techi'a ñojaijʉ̃'ʉ mʉ'ʉ vajʉsica'nivʉ. Ũcuaja'che aperʉmʉ Moisés chʉ̃'ʉ jo'kasi'e cu'amajñarʉã sa ĩsijʉ̃'ʉ Diore, pãipi ña mʉ'ʉ vajʉsi'ere masia'jʉ —chiisi'kʉa'mʉ repaʉ.

San Mateo 9:22

Jã'ata'ni Jesús repaoji chẽaona chʉri ña ija'che i'kasi'kʉa'mʉ repao'te: —Mʉ'ʉva'o, pojoko pa'ijʉ̃'ʉ. “Ikʉ chʉ'ʉre vasoja'mʉ”, chiio cuasakojeko vajʉja'mo mʉ'ʉ —chiisi'kʉa'mʉ Jesús repao'te. Ũcuarʉmʉpi teana te'erʉmʉ vajʉasomo repao.

San Marcos 7:29

Chikona Jesús jo'e i'kaasomʉ repao'te. —Rʉa masi i'kamo mʉ'ʉ. Jã'aja'ñe cuasako i'kaona mʉ'ʉre re'oja'che cho'okaija'mʉ chʉ'ʉ. Mʉ'ʉ vʉ'ena co'ijʉ̃'ʉ. Mʉ'ʉ chĩiva'o sa'navʉ pa'isi'kʉ vati eta sanisõcuhasi'kʉa'mʉ —chiniasomʉ Jesús repao'te.

San Marcos 9:23

Chikʉna Jesús i'kaasomʉ repaʉ'te. —Mʉ'ʉ chʉ'ʉre cuasato vasokaija'mʉ chʉ'ʉ ikʉre. Pãi chʉ'ʉre cuasanare peore cho'okaimʉ Dios repanare —chiniasomʉ.

San Juan 4:50

Chikʉna i'kaasomʉ repaʉ. —Mʉ'ʉ vʉ'ena co'ijʉ̃'ʉ. Mʉ'ʉ chĩi vajʉcuhasi'kʉa'mʉ —chiniasomʉ repaʉ. Jesús i'kasi'e jachama'ñe cuasa repaʉ vʉ'ena co'iasomʉ repaʉ.