San Mateo 5:3 - Koreguaje

³ —Pãi Diore masi cuasamanata'ni Repaʉ'te masi cuasañu chiito Diopi paakʉ cho'okaija'mʉ repanare. Ũcuaʉji cho'okaiʉna Repaʉni masi cuasajʉ jũnisõsirʉmʉ Repaʉ pa'ichejare ai sani pa'ijanaa'me repana.

San Mateo 5:3 Iomraidhean Croise

San Mateo 11:25

Reparʉmʉ Jesús, Pʉka'kʉni pojokʉ ija'che i'kasi'kʉa'mʉ: —Ja'kʉ, mʉ'ʉ cʉnaʉmʉ pa'inana'me cheja pa'inare peore chʉ̃'ʉkʉ'mʉ. Pãi, “Mʉ'ʉ chʉ'o peore masinaa'me chʉkʉna”, chiijʉ cuasanare chʉ'ʉ che'choche mʉ'ʉ chʉ'o asamasiche ʉ̃semʉ mʉ'ʉ, repanapi asavesʉa'jʉ chini. Jã'ata'ni pãi chĩiva'naja'ñe vesʉjʉ, “Dios chʉ'ojẽ'e vesʉnaa'me chʉkʉna”, chini cuasanarechi'a mʉ'ʉ chʉ'o asamasiche jo'kakʉ'mʉ mʉ'ʉ, repanapi asamasia'jʉ chini.

San Mateo 11:6

Pãi chʉ'ʉre cuasache ũhasõma'ñe cuasajʉ pa'ina pojojʉ pa'ijanaa'me”, chiijʉ sa kʉajʉ̃'ʉ repaʉ'te Juanre —chiisi'kʉa'mʉ Jesús repanare.

San Mateo 13:16

’Mʉsanʉkonata'ni chʉ'ʉ cho'okʉ pa'iche ñajʉ chʉ'ʉ chʉ'vachejẽ'e asamasijʉ, “Dios cho'oche'me jã'a”, chiijʉ masijʉ pojojʉ pa'ime.

San Mateo 19:14

Jã'aja'ñe cho'ojʉna Jesús chʉkʉna'te i'kasi'kʉa'mʉ. —Chĩiva'nare raiʉ̃semanejʉ̃'ʉ mʉsanʉkona chʉ'ʉni raapʉ. Iva'na chĩiva'naja'ñe pa'ijʉ chʉ'ʉre masi cuasanapi Dios chʉ'o asa chẽajanaa'me —chiisi'kʉa'mʉ repaʉ.

San Mateo 24:46

Sani pa'isi'kʉpi na'a pa'isirʉmʉna jo'e rani ñato repaʉ'te cho'oche cho'okaiva'ʉ, repaʉ chʉ̃'ʉ jo'kasi'e re'oja'che cho'okaiʉ paniasomʉ. Jã'aja'ñe re'oja'che cho'okaisi'ere co'i ña repaʉ'te paakʉ pojokʉ repaʉ paache peore ũcuaʉni jo'kaasomʉ, chʉ̃'ʉkaiʉ paaʉ chini.

San Mateo 25:34

Chʉ̃'ʉ pi'ni chʉ'ʉ Pãi Ũcuanʉkore Chʉ̃'ʉkʉ ʉjajʉ̃tʉ cakã'ko pa'inare ija'che i'kaja'mʉ: “Raijʉ̃'ʉ mʉsanʉkona, chʉ'ʉ Ja'kʉ Dios re'oja'che cho'okaicojñona. Mʉsanʉkonare chʉ'ʉ neenani jo'kara chini chuta'a cheja cho'omarʉmʉna Dios care'vasichejare Repaʉ pa'ichejare sani re'oja'che pa'ijʉ̃'ʉ.

San Mateo 8:11

Na'a pa'isirʉmʉ pãi judío peona chʉ'ʉre cuasanajejʉ ʉ̃sʉʉ mʉikã'kona'me ʉ̃sʉʉ na'ikã'kopi jainʉko rani Dios chʉ̃'ʉkʉ pa'ichejana sani Abrahamna'me Isaana'me Jacobna'me pojojʉ pa'ijanaa'me.

San Marcos 10:14

Ʉ̃sepi'rajʉna ña Jesús pe'rukʉ i'kaasomʉ repanare. —Chĩiva'nare chʉ'ʉre raiʉ̃semanejʉ̃'ʉ mʉsanʉkona, chʉ'ʉni raapʉ. Iva'na chĩiva'naja'ñe pa'ijʉ chʉ'ʉre masi cuasanapi Dios chʉ'o asa chẽajanaa'me.

San Lucas 11:28

Chikona i'kaasomʉ repaʉ. —Ũcuarepaa'me jã'a. Pojoko pa'imo repao. Jã'ata'ni Dios chʉ'o asa jachama'ñe cho'ona repao'te na'a rʉa pojojʉ pa'ime —chiniasomʉ Jesús repao'te.

San Lucas 18:14

Kʉacuha jo'e i'kaasomʉ repaʉ. —Asarepajʉ̃'ʉ mʉsanʉkona. Sẽni pi'ni eta repana vʉ'ñana co'iasome repana. Kuri kookaikʉji ũcuaʉji meñe, “Cu'ache pa'ikʉ'mʉ chʉ'ʉ”, chiiʉ Dioni sẽkʉna repaʉ cu'ache cho'osi'e tʉnosõkani, “Cu'ache cho'osi'e ro'iche peomʉ ikʉre”, chiniasomʉ Dios. Chekʉreta'ni repaʉji, “Re'oja'chechi'a cho'okʉ'mʉ chʉ'ʉ”, chikʉna repaʉ cu'ache cho'osi'e tʉnokaimaneasomʉ Dios. “Repaʉ cu'ache cho'oche kʉamanesi'e ro'iche pa'imʉ ikʉre”, chiniasomʉ Dios. Pãi te'ena, cu'ache cho'onata'ni, “Re'onaa'me chʉkʉna”, chiime, chekʉnapi asa, “Re'onaa'me jã'ana”, chiapʉ chini. Repana cu'ache cho'oche'te Dioni kʉamapʉna repana cu'ache cho'oche tʉnokaima'mʉ Dios. Diopi ñato cu'anaa'me repana. Jã'ata'ni chekʉna pãi, “Cu'ache cho'okʉ'mʉ chʉ'ʉ”, chini cuasa Dioni kʉajʉna repana cu'ache cho'oche tʉnokaimʉ Dios, repanani oiʉ. Diopi ñato re'onaa'me repana, cu'ache cho'oche tʉnosõcojñosinajejʉ —chiniasomʉ Jesús repanare.

San Lucas 22:29

Ja'kʉ chʉ'ʉre pãire chʉ̃'ʉa'kʉ chini jo'kasi'kʉa'mʉ. Chʉ'ʉ ũcuaja'che mʉsanʉkonare chʉ'ʉ neenare pãire chʉ̃'ʉa'jʉ chini jo'kaja'mʉ.

San Lucas 22:30

Pãi chʉ̃'ʉnare jo'kaʉna chʉ'ʉ pãi ũcuanʉkore chʉ̃'ʉrʉmʉ chʉ'ʉna'me ãu ãijʉ ũkujʉ ñu'ijanaa'me mʉsanʉkona. Ũcuaja'che pãi chʉ̃'ʉna ñu'isaire ñu'ijʉ Israelpãi, docerepavãjʉ jojosinani chʉ̃'ʉjanaa'me mʉsanʉkona —chiniasomʉ Jesús repaʉ neenare.

San Lucas 4:18

Dios Rekochoji chʉ̃'ʉmʉ chʉ'ʉre, chʉ'ʉpi pãire Dios chʉ'ore re'oja'chere chʉ'vaa'kʉ chini. “Pãire ija'che chʉ'vajʉ̃'ʉ”, chiimʉ chʉ'ʉre Dios Rekocho: “Chʉova'na pa'iva'nani Dios chʉ'ore chʉ'vajʉ̃'ʉ, Repaʉni cuasajʉ pojojʉ paapʉ. Ũcuaja'che Dios chʉ'o vesʉva'nare chʉ'vajʉ̃'ʉ masia'jʉ. Cu'ache cho'ocojñonare ũcuaja'che cu'ache cho'oche ʉ̃sekaijʉ̃'ʉ.” Ija'che kʉajʉ̃'ʉ repanare pãi: “Dios re'oja'che paapʉ chini vati ai paasinare pãi tʉa paaja'mʉ, vati chʉ̃'ʉñe'te cho'omanea'jʉ chini. Pãi ũcuanʉkore Dios re'oja'che cho'okairʉmʉ tĩ'acuhamʉ”, chiiche'te ñakʉ i'kaasomʉ Jesús, Isaías tocha jo'kasi'e.

San Juan 20:29

Chikʉna i'kasi'kʉa'mʉ repaʉ. —Chura chʉ'ʉre ñasi'kʉjekʉ jachama'ñe cuasamʉ mʉ'ʉ. Jã'ata'ni chʉ'ʉre ñamanapi cuasana mʉ'ʉre na'a rʉa pojojʉ pa'ijanaa'me —chiisi'kʉa'mʉ repaʉ.

Santiago 1:10

Ũcuachi'a kuriʉ Diopi repaʉ kurineesi'ere tʉasõʉna pojokʉ paaʉ; kurineena korosi'e si'asõñeja'ñe na'mi si'asõme.

Santiago 1:12

Pãiʉ vatipi repaʉni cu'ache cho'oche'te chʉ̃'ʉkʉna jʉvomasikʉ cho'omaneni pojomʉ. Jã'aja'ñe cho'o etajaisirʉmʉ repaʉji vati chʉ̃'ʉsi'e cuhekʉna Dios, “Chʉ'ʉre chiinare ija'chere ĩsija'mʉ chʉ'ʉ”, chiisi'ere, Ũcuaʉna'me ai re'oja'che pa'iche'te ĩsija'mʉ repaʉ'te.

Santiago 2:5

Chʉ'ʉ majapãijava'na, masi asajʉ̃'ʉ ie: Pãi icheja cheja pa'irʉmʉ chʉova'na pa'iva'nare repanapi Ũcuaʉni masi cuasajʉ, Repaʉ, “Chʉ'ʉre chiinare iere ĩsija'mʉ chʉ'ʉ”, chiisi'ere ĩsiʉna koo Repaʉ pa'ichejana sani Ũcuaʉna'me re'oja'che paapʉ chini chẽamʉ Dios.

El Apocalipsis 19:9

Ũcuarʉmʉ ángel chʉ'ʉre i'kasi'kʉa'mʉ. “Tochajʉ̃'ʉ ie: Jesucristo Ovejachĩija'iʉ romi vejache'te ja'me pojojʉ fiesta cho'oa'jʉ chini soicojñojana pojojʉ paapʉ”, chiisi'kʉa'mʉ. Chini jo'e cheke ija'che i'kasi'kʉa'mʉ repaʉ: “Chʉ'o ũcuarepaa'me jã'a, Dios i'kasi'ejekʉ”, chiisi'kʉa'mʉ repaʉ chʉ'ʉre.

El Apocalipsis 22:14

Pãi repana rekoñoã re'ojarekoñoã cu'a tʉnocojñosina repajoopo kaka pa'ijʉ vajʉsũkiñʉ kʉ̃isi'e ãijana pojojʉ paapʉ.

El Apocalipsis 3:17

Ija'che i'kanaa'me mʉsanʉkona: “Pãi kurina karama'ñe paacheja'che chʉkʉna chiiche peore paajʉ re'oja'che pa'ijʉna te'emakarʉjẽ'e karama'kʉa'mʉ chʉkʉna'te”, chiinaa'me. Jã'aja'ñe i'kanata'ni cu'ache pa'ijʉ mʉsanʉkona rekoñoã ñakocaã na'asõsinaja'ñe chʉova'na pa'ijʉ kãña peova'naja'ñe pa'inaa'me mʉsanʉkona. Jã'aja'ñe pa'inata'ni mʉsanʉkona rekoñoã pa'iche vesʉme.