San Mateo 4:8 - Koreguaje

^8-9 Jã'a cho'o pi'nisirʉmʉ vati ai repaʉ'te Jesure cuhacho aikũtina rʉa ʉmʉ pa'ikũtina sa mʉa teana te'erʉmʉ peore chejña pãi pa'ichejñana'me repachejña pa'imajñarʉã re'oja'chere ñokʉ ija'che i'kaasomʉ: —Mʉ'ʉpi chʉ'ʉni, “Peore masikʉ'mʉ mʉ'ʉ”, chiiʉ ro're ñu'iʉ pojoru mʉ'ʉni peore ĩsija'mʉ chʉ'ʉ ichejña —chiniasomʉ vati.

San Mateo 4:8 Iomraidhean Croise

San Mateo 16:26

Pãi cu'amajñarʉã si'ache paanapi chʉ'ʉre cuasamaneni, repana jũnisõ vati toa saisirʉmʉ ũcuana paacheji ro'i eta Dios pa'ichejana saicu'amʉ.

San Mateo 4:5

Jã'a i'kacuhasirʉmʉ vati ai repaʉ'te Jesure Dios neejoopo Jerusalén vʉ'ejoopona sa Dios vʉ'e sẽ'sevʉna mʉa ija'che i'kaasomʉ: —Dios chʉ'o aperʉmʉ tocha jo'kasi'e ija'che kʉamʉ: Dios, mʉ'ʉni kuirajʉ mʉ'ʉ tuã'ito repana jʉ̃jñapi chẽaa'jʉ chini, ángele'te raoja'mʉ, mʉ'ʉpi tuãni asi cho'omanea'kʉ chini, chiimʉ. Jã'ajekʉna mʉ'ʉpi Dios Mamarepakʉ pani ichejapi chejana chã'ijʉ̃'ʉ. Dios i'kasi'epi ũcuarepa pa'ito ichejapi chãni asi cho'omaneja'mʉ mʉ'ʉ —chiniasomʉ vati ai.

San Juan 5:20

Ja'kʉ chʉ'ʉre rʉa chiimʉ. Repaʉ cho'oche peore ñomʉ chʉ'ʉre. Na'a rʉa masiche ñoja'mʉ Repaʉ chʉ'ʉre. Ñoʉna chʉ'ʉpi ũcuare cho'okʉna ña jñanojanaa'me mʉsanʉkona.

1 San Pedro 1:24

Dios chʉ'o tocha jo'kasi'e ũcuare ija'che kʉamʉ: Pãi ũcuanʉko u'cha pa'icheja'che pa'ime. U'chara'ñʉrʉã jeerʉmʉ pa'ima'ñe na'mi phã'pha jũnisõmʉ. Korosi'e ũcuachi'a rʉa re'oja'che koro ño na'mi tuã'tuasõmʉ. Pãi ũcuaja'che ũcuanʉko jeerʉmʉ pa'ima'ñe na'mi jũnisõme. Repana rʉa masisi'e ũcuaja'che si'asõmʉ repana jũnisõto.

El Apocalipsis 11:15

Ũcuarʉmʉ chʉ'ʉ jo'e chekʉpi ángelpi cuhacho juhikʉji repaʉ trompetavʉ'te jukʉna chʉ'o rʉa ʉjachʉ'o cʉnaʉmʉpi ija'che i'kache'te asasi'kʉa'mʉ: Maire Paakʉ Dios Repaʉ cheja Raosi'kʉ Cristona'me pãi cheja pa'inare ũcuanʉkore cuhama'ñe si'arʉmʉ chʉ̃'ʉkʉ pa'ija'mʉ, chiisi'kʉa'mʉ.