San Mateo 3:4 - Koreguaje

⁴ Repaʉ Juan ju'ikãa camello rañapi cho'osikãa paniasomʉ. Corejakãa va'i ca'ni kãare tʉ̃niasomʉ repaʉ. Ãu, pũ'suva'nana'me airo pũji ãiʉ paniasomʉ repaʉ.

San Mateo 3:4 Iomraidhean Croise

San Mateo 11:18

Repana chĩi ũcuajanare cuhecheja'che cuheme mʉsanʉkona chʉkʉna'te, Juanna'me chʉ'ʉre. Repaʉ Juan Pãi Okoro'vekʉ rani pa'iʉ Dioni cuasakʉ te'eñoã ãu ãima'ñe pa'iʉ, conojẽ'e ũkuma'ñe pa'iʉna ña, “Vatini paakʉ vẽ'veʉ'mʉ Juan”, chiijʉ cuhenaa'me mʉsanʉkona repaʉ'te.

San Mateo 11:8

Jã'aja'ñe pa'ikʉ'te ñañu chini saimaneni, ¿ʉ̃quere ñañu chini sate? ¿Pa'ipãi ju'ikãña ju'ikʉni ñañu chini sate mʉsanʉkona? Pãi, kãña rʉa ro'ikãña ju'ina pa'ipãi vʉ'ñachi'a pa'ime.

San Marcos 1:6

Repaʉ Juan ju'ikãa camello rañapi cho'osikãa paniasomʉ. Corejakãa va'i ca'ni kãare tʉ̃niasomʉ repaʉ. Ãu, pũ'suva'nana'me airo pũji ãiʉ paniasomʉ repaʉ.

San Lucas 1:17

Na'a pa'isirʉmʉ Dios Repaʉ Mamakʉni chejana casoja'mʉ. Jã'ata'ni mʉ'ʉ chĩipi cheja charo pa'ija'mʉ. Pa'iʉ aperʉmʉ pa'isi'kʉ Elías Dios chʉ'o rʉa masi chʉ'vacheja'che mʉ'ʉ chĩi masi chʉ'vaja'mʉ. Pãi repana chĩiva'nare cuasache jo'kasosina mʉ'ʉ chĩipi Dios chʉ'ore chʉ'vakʉna asa repana chĩiva'nare jo'e cuasajanaa'me. Chekʉna pãi, Dios chʉ̃'ʉñe jachana mʉ'ʉ chĩipi Dios chʉ'ore chʉ'vakʉna asa jachama'ñe cuasajʉ re'oja'che pa'ijanaa'me. Mʉ'ʉ chĩi pãipi asa chẽa cu'ache cho'oche'te ũhasoa'jʉ chini Dios chʉ'o chʉ'vaja'mʉ. Chʉ'vakʉna asa chẽa cu'ache cho'oche ũhasosinajejʉ Dios Mamakʉ'te rakʉna cuasajanaa'me pãi, —chiniasomʉ ángel Zacaría'te.

El Apocalipsis 11:3

Reparʉmʉ chʉ'ʉ chʉ'o kʉajanare te'eka'chapanare saoja'mʉ chʉ'ʉ, sani pãire chʉ'ʉ chʉ'ore kʉajʉ paapʉ chini. Kãña vãkiniokãñare ju'ijʉ chʉ'ʉ, ‘Kʉajʉ̃'ʉ’, chiisi'ere mil doscientos sesentarepaumucujña kʉajʉ pa'ijanaa'me repana”, chiisi'kʉa'mʉ Repaʉ chʉ'ʉre.