San Mateo 28:1 - Koreguaje

¹ Repana judíopãi pʉaumucuse carakʉna María Magdalenana'me cheko María romicorʉmʉ apeñatatona Jesure ũhasicojere ñañu chini saniasome.

San Mateo 28:1 Iomraidhean Croise

San Mateo 27:56

María Magdalenaa'mo, María Santiagona'me José pʉka'koa'mo, Zebedeo mamachĩi pʉka'koa'mo, chekʉna romina'me pa'isinaa'me.

San Mateo 27:61

Jã'ata'ni María Magdalenana'me cheko María repacoje ti'jñeñe'te ñu'ijʉ ñajʉ paniasome.

San Lucas 23:56

Ũhañe ñasinajejʉ repana vʉ'ñana co'i okoma'ña cheke ma'ña suiriche care'vaasome repana sa Jesuni jũ'isi'kʉni ro'vejʉ suiriñu chini. Care'va pi'ni pʉaumucuse tĩ'aʉna pʉaasome repana romi, aperʉmʉna Diopi pʉaumucuse jo'kasi'ejekʉna.

San Lucas 24:1

Romicorʉmʉ apeñatatona repana care'vasi'e ma'ña sajʉ saniasome repana romi Jesure ũhasicojena.

San Lucas 24:22

Chʉkʉna'te ja'me pa'ina romi iapeñatato repaʉ'te tãsicheja sani ñaasome. Sani kaka ñato tãcojñosi'kʉ Jesús peoasomʉ. Peokʉna rani ija'che kʉasinaa'me repana chʉkʉna'te: “Angeles peosichejapi rani pa'ijʉna ñasinaa'me chʉkʉna. Rani, ‘Jesús vajʉranicuhasi'kʉa'mʉ’, chiisinaa'me ángeles chʉkʉna'te”, chiisinaa'me repana romi. Romipi jã'aja'ñe ra kʉajʉna asa kʉkʉsinaa'me chʉkʉna.