San Mateo 26:53 - Koreguaje

⁵³ Chʉ'ʉpi Ja'kʉni sẽeto teana ángeles rʉa jainʉko pãi vaimasinani raora'amʉ, chʉ'ʉre ʉ̃sekaijanare. “Ikʉre jã'aja'ñe cho'ocu'amʉ”, chiiʉ cuasacosomʉ mʉ'ʉ.

San Mateo 26:53 Iomraidhean Croise

San Mateo 25:31

Ũcuarʉmʉ Jesús jo'e i'kasi'kʉa'mʉ. —Chʉ'ʉ Dios Raosi'kʉ re'oja'che ñoʉ ko'sija'iʉ chʉ'ʉ neena ángelena'me ũcuanʉko chejana jo'e caje pãi chʉ̃'ʉkʉ ñu'isaivʉ'te ñu'iʉ pãi ũcuanʉko re'oja'che cho'osi'ena'me cu'ache cho'osi'e ro'iche chʉ̃'ʉja'mʉ chʉ'ʉ.

San Mateo 4:11

Jã'aja'ñe i'kaʉna vati ai Jesure jo'ka sanisõasomʉ. Repaʉ sanisõsirʉmʉ ángelepi rani kuiraasome repaʉ'te.

San Marcos 5:15

Sani Jesús pa'ichejana tĩ'a, vati paasi'kʉre ñaasome repana. Kãa peosi'kʉ churata'ni kãa ju'iʉ ñuniasomʉ repaʉ. Ũcuaja'che vẽ've cho'osi'kʉpi rũhiñe cuasakʉna ña kʉkʉsoasome repana.

San Marcos 5:9

Chikʉna Jesús vatire ija'che i'kaasomʉ: —¿Ʉ̃quemamiʉ'ʉ mʉ'ʉ? —chiniasomʉ repaʉ'te. —Chʉkʉna jainʉko pa'inajejʉ, Vati Kuanupʉ ve'eme —chiniasome vati.

San Lucas 8:30

Reparʉmʉ Jesús, —¿Ʉ̃quemamiʉ'ʉ mʉ'ʉ? —chiniasomʉ vatire. Jesupi mamire sẽeʉna, —Chʉkʉna jainʉko pa'inajejʉ, Vati Kuanupʉ ve'eme —chiniasomʉ vati. Aperʉmʉ vati jainʉko kakaasome repava'ʉre.

San Juan 10:18

Chʉ'ʉpi cuheto te'eʉjẽ'e vanisõmanejanaa'me chʉ'ʉre. Jã'ata'ni chʉ'ʉ ca'nivʉ ʉ̃sema'ñe ĩsija'mʉ chʉ'ʉ, pãipi vanisõa'jʉ chini. Chʉ'ʉ ca'nivʉ ĩsire'omʉ. Ũcuachi'a chʉ'ʉpi jũnisõ vajʉrasa chiito vajʉraire'omʉ chʉ'ʉre. Jã'aja'ñe cho'oa'kʉ chini chʉ̃'ʉ jo'kasi'kʉa'mʉ Ja'kʉ chʉ'ʉre —chiisi'kʉa'mʉ repaʉ.

San Juan 18:36

Chikʉna Jesús i'kaasomʉ. —Pãi chʉ̃'ʉkʉta'ni icheja canare chʉ̃'ʉma'kʉa'mʉ chʉ'ʉ. Chʉ'ʉpi icheja canare chʉ̃'ʉkʉ pa'ito chʉ'ʉ neenapi chʉ'ʉre sa judíopãi chʉ̃'ʉnani jo'kamanea'jʉ chini ʉ̃sejʉ cavajʉ vaira'asinaa'me. Icheja canare chʉ̃'ʉkʉma'mʉ chʉ'ʉ —chiniasomʉ repaʉ.

2 Tesalonicenses 1:7

Reparʉmʉ Maire Paakʉ Jesús jo'e rairʉmʉ Diopi cho'okakʉna mai cu'ache cho'ocojñoñeji si'asoʉna pani vajʉsojanaa'me mai. Jesús Repaʉ neena ángeles rʉa masinana'me raijʉ toana'me miañe ñoñe raijanaa'me.

San Judas 1:14

Ũcuachi'a Enoc Adán majanajeʉ mamakʉ majanajeʉ chĩi pa'isi'kʉ Dios chʉ'ore kʉakaiʉ repana jorena cho'ocojñojañe ija'che kʉakʉ i'kaasomʉ: “Diore Repaʉ neena ángeles rʉa jainʉkona'me raiʉna ñamʉ chʉ'ʉ.