San Mateo 26:51 - Koreguaje

⁵¹ Jã'aja'ñe cho'ojʉna ña Jesure ja'me pa'ikʉ te'eʉ va'ti ruta judío phairi aire cho'oche cho'okaikʉ'te cãjoro tẽo vatosõsi'kʉa'mʉ.

San Mateo 26:51 Iomraidhean Croise

San Mateo 26:35

Chikʉna Pedro jo'e i'kasi'kʉa'mʉ. —Pãipi chʉ'ʉni vanisõñu chiitojẽ'e, “Jesure ñama'kʉa'mʉ chʉ'ʉ”, chiima'ñe mʉ'ʉna'me chuenisõja'mʉ chʉ'ʉ —chiisi'kʉa'mʉ. Chikʉna asa chʉkʉna ũcuanʉko Jesús neena ũcuaja'che i'kasinaa'me.

San Marcos 14:47

Jã'aja'ñe cho'ojʉna ña Jesure kueñe nʉkakʉji va'ti ruta phairi aire cho'oche cho'okaikʉ'te cãjoro tẽo vatoasomʉ.

San Lucas 9:55

Jã'aja'ñe i'karena chʉri ña, —Jã'aja'ñe cho'omanejʉ̃'ʉ. Mʉsanʉkonapi cu'ache cho'oñu chiiche cuhemʉ Dios Rekocho.

San Juan 18:36

Chikʉna Jesús i'kaasomʉ. —Pãi chʉ̃'ʉkʉta'ni icheja canare chʉ̃'ʉma'kʉa'mʉ chʉ'ʉ. Chʉ'ʉpi icheja canare chʉ̃'ʉkʉ pa'ito chʉ'ʉ neenapi chʉ'ʉre sa judíopãi chʉ̃'ʉnani jo'kamanea'jʉ chini ʉ̃sejʉ cavajʉ vaira'asinaa'me. Icheja canare chʉ̃'ʉkʉma'mʉ chʉ'ʉ —chiniasomʉ repaʉ.

2 Corintios 10:4

Pãi vaicheji cavama'kʉa'mʉ chʉ'ʉ. Jã'ata'ni Diore cuasacuhenare cajejaikʉ'mʉ chʉ'ʉ, Dios Peore Masikʉji cho'okaiʉna.