San Mateo 24:42 - Koreguaje

⁴² ’Chʉ'ʉ mʉsanʉkonare paakʉ raijarʉmʉ vesʉme. Jã'ajekʉna ñarepajʉ pa'ijʉ chʉ'ʉni cha'ajʉ pa'ijʉ̃'ʉ.

San Mateo 24:42 Iomraidhean Croise

San Mateo 24:36

’Pãi te'eʉjẽ'e masima'me chʉ'ʉ kʉasi'e pa'ijarʉmʉ. Cʉnaʉmʉ pa'ina ángeles ũcuachi'a vesʉme. Chʉ'ʉ Dios Mamakʉ ũcuachi'a vesʉmʉ. Ja'kʉchi'a masimʉ jã'a.

San Mateo 24:43

Iere asa chẽajʉ̃'ʉ mʉsanʉkona. Pãiʉ vʉ'e paakʉ ñaaʉ rairʉmʉ masini pẽ'jemʉ, ñaaʉ kakache'te ʉ̃sera chini.

San Mateo 24:44

Mʉsanʉkona chʉ'ʉ raijache cuasamarʉmʉna icheja cheja jo'e cajeja'mʉ chʉ'ʉ, Dios Raosi'kʉ. Jã'ajekʉna vʉ'e paakʉ ñaaʉ'te pẽ'jeñeja'ñe chʉ'ʉ cajejachere pẽ'jejʉ mʉsanʉkona rekoñoã re'ojarekoñoã care'vajʉ pa'ijʉ̃'ʉ —chiisi'kʉa'mʉ Jesús.

San Mateo 25:10

Chitena repana u'chape'e kooñu chini saisirʉmʉna romi vejajaʉ raniasomʉ. Ũcuarʉmʉ romichĩi rũhiñe cuasamasina repaʉ'te tijña pojojʉ ũcuaʉna'me vʉ'ena kakaasome repaʉ romi vejache'te ñajʉ pojoñu chini. Kakarena repavʉ'e jatisa'aro jeosõasome.

San Mateo 25:13

Mʉsanʉkona ũcuaja'che chʉ'ʉ jo'e raijarʉmʉ vesʉnajejʉ ñarepajʉ pa'ijʉ, romichĩi cuasamasisina cho'osi'eja'che peore re'oja'che care'va pa'ijʉ cha'ajʉ̃'ʉ chʉ'ʉre —chiisi'kʉa'mʉ Jesús chʉkʉna'te.

San Lucas 21:34

’Ñarepajʉ pa'ijʉ cu'achejẽ'e cho'omairo pa'ijʉ̃'ʉ mʉsanʉkona. Cu'achejẽ'e cho'oma'ñe, conojẽ'e jũ'ima'ñe, mʉsanʉkona pa'ichejẽ'e rʉarepa cuasama'ñe pa'ijʉ̃'ʉ. Jã'are cho'ojʉ mʉsanʉkonapi chʉ'ʉ raijachejẽ'e cuasama'ñe vesʉ pani chʉ'ʉpi tãupa tãiñeja'ñe teana na'mi rakʉna ña kʉkʉsõjanaa'me mʉsanʉkona. Jã'ajekʉna chʉ'ʉni cha'ajʉ re'oja'che pa'ijʉ̃'ʉ mʉsanʉkona. Chʉ'ʉpi cuasoma'ñe rakʉna pãi cu'ache pa'ina ũcuanʉko ña kʉkʉsõjanaa'me.

San Lucas 21:36

Ñarepajʉ pa'ijʉ chʉ'ʉni cha'ajʉ Dioni ija'che sẽejʉ pa'ijʉ̃'ʉ: “Ja'kʉ, chʉkʉna'te cho'okaijʉ̃'ʉ. Mʉ'ʉ neekʉ chʉ̃'ʉñe'te cho'ojʉ pañu chiime chʉkʉna. Chekʉna cho'ocheja'che cu'ache cho'omaneñu chiime chʉkʉna. Mʉ'ʉ neekʉ mʉ'ʉ Raosi'kʉpi raito vajʉchʉmanejanaa'me chʉkʉna mʉ'ʉpi cho'okaiʉna re'oja'che pa'inajejʉ.” Jã'aja'ñe sẽejʉ̃'ʉ —chiniasomʉ Jesús repanare.

Romanos 13:11

Jã'aja'ñe cho'ojʉ iere cavesʉma'ñe cuasajʉ pa'ijʉ̃'ʉ: Maire Repaʉ'te cuasanare Dios pa'icheja Sajaʉ Jesús raiche na'a kueñea'me chura. Mai Repaʉ'te apecuasarʉmʉ, “Chuta'a Repaʉ raiche rʉa karamʉ”, chiisinaa'me.

1 Corintios 16:13

Mʉsanʉkonapi cu'ache cho'omaneñu chini cuasarepajʉ pa'ijʉ Jesure cuasache ũhasomanejʉ̃'ʉ. Diopi cho'okaiʉna kokarekoñoã paajʉ vajʉchʉma'ñe Repaʉni masi cuasajʉ pa'ijʉ̃'ʉ.

1 Tesalonicenses 5:6

Jã'ajekʉna chekʉna kãnisosinaja'ñe cu'ache pa'ijʉ Repaʉ'te cha'ama'ñe pa'icheja'che, pa'ima'ñe kãimanaja'ñe re'oja'che pa'ijʉ cu'ache cho'oma'ñe Repaʉ raijachere cha'ajʉ Repaʉji ratu ña jñanomaneñu mai.

1 San Pedro 4:7

Icheja cheja si'asõrʉmʉ tĩ'api'ramʉ. Jã'ajekʉna rũhiñe cuasajʉ cu'ache cho'oʉache jʉvojʉ re'oja'che pa'ijʉ Diore sẽemasina pa'ijʉ̃'ʉ.

1 San Pedro 5:8

Ñarepajʉ pa'ijʉ cu'ache cho'oche jʉvojʉ re'oja'che pa'imasijʉ̃'ʉ; vati maire cuhekʉ chai kũni ãnisõnani ku'ekʉ ku'icheja'che cacʉ'onani ku'ekʉ si'arʉmʉ ku'iʉ pa'imʉ.

El Apocalipsis 16:15

Ũcuarʉmʉ repana vati chotenapi pãi chʉ̃'ʉnare soni chi'isinaa'me. Repana chi'isicheja mami “Armagedón” ve'emʉ hebreo chʉ'o. Aperʉmʉ Jesucristo ija'che i'kasi'kʉa'mʉ: “Asarepajʉ̃'ʉ. Ñaaʉ cuasomarʉmʉna raicheja'che raija'mʉ chʉ'ʉ, pãi chʉ'ʉ raijache cuasamarʉmʉna. Kãa peonaja'ñe pa'ijʉ vajʉchʉmaneñu chini chʉ'ʉni cha'ajʉ kãña care'vacheja'che repana rekoñoãre care'vajʉ re'oja'che pa'ina chʉ'ʉre ña vajʉchʉma'ñe tijña pojojanaa'me”, chiisi'kʉa'mʉ.