San Mateo 24:3 - Koreguaje

³ Jã'aja'ñe i'kacuha Jesús chʉkʉna repaʉ neenana'me sani Olivo aikũtina mʉni pʉʉ ñu'isi'kʉa'mʉ. Ũcuarʉmʉ chʉkʉna repaʉni chʉ'ore te'ena sẽniasañu chini raisinaa'me repaʉ'te. Rani ija'che sẽesinaa'me: —Mʉ'ʉ chʉkʉna'te kʉasi'e, ¿jeerʉmʉ cho'ojachea'che? Ũcuachi'a mʉ'ʉ jo'e raijarʉmʉna'me icheja cheja si'ajarʉmʉ tĩ'añe, ¿je'se masijanaa'ñe chʉkʉna? —chiisinaa'me chʉkʉna.

San Mateo 24:3 Iomraidhean Croise

San Mateo 13:36

Ũcuarʉmʉ Jesús repanare pãi saosõ repaʉ aperʉmʉ pa'isivʉ'ena sani kakasi'kʉa'mʉ. Kakaʉna chʉkʉna repaʉ neena repaʉ'te kueñe tĩ'a ija'che i'kasinaa'me: —Mʉ'ʉ chʉkʉna'te cuasakʉ kʉasi'ere cu'ara'ñʉrʉãna'me trigora'ñʉrʉã ũcuate'echio aineesi'e pa'iche'te te'erũhiñe kʉajʉ̃'ʉ chʉkʉna'te —chiisinaa'me.

San Mateo 13:49

Dios pãi ũcuanʉkore chi'i ro'irʉmʉ tĩ'aru jã'aja'ñe cho'ocojñoja'mʉ. Reparʉmʉ ángeles rani cu'ava'iva'nare jña'nu sẽjosi'eja'che pãi cu'ache pa'inapi re'oja'che pa'inani ja'me pa'isinare jña'nu vati toana saojanaa'me. Ũcuatoare pa'ijʉ uujʉ oijʉ cõjire asoche ãijʉ pa'ijanaa'me repana —chiisi'kʉa'mʉ repaʉ.

San Mateo 15:12

Ũcuarʉmʉ chʉkʉna repaʉ neena na'a kueñe sani sẽesinaa'me repaʉ'te. —¿Mʉ'ʉ i'kasi'ere asa fariseopãi pe'ruche vesʉkʉ mʉ'ʉ? —chiisinaa'me.

San Mateo 16:27

Na'a pa'isirʉmʉ chʉ'ʉ pãire ja'me paaʉ chini Dios Raosi'kʉ chʉ'ʉ Ja'kʉja'iʉ ko'sija'iʉ chʉ'ʉ neena ángelena'me jo'e cajeja'mʉ. Reparʉmʉ, pãi ũcuanʉko re'oja'che cho'osi'ena'me cu'ache cho'osi'e ro'i ro'ija'mʉ chʉ'ʉ.

San Mateo 16:28

Mʉsanʉkona icheja chʉ'ʉre ja'me pa'ina te'ena chuta'a jũnisõma'ñe pa'ijʉ chʉ'ʉ Dios Raosi'kʉ pãire chʉ̃'ʉra chini raiche ñajanaa'me. Ũcuarepaa'me jã'a —chiisi'kʉa'mʉ repaʉ chʉkʉna'te.

San Mateo 17:19

Jã'a cho'o pi'nisirʉmʉ chʉkʉna Jesús neena ũcuaʉna'me te'ena cutujʉ ija'che sẽesinaa'me repaʉ'te: —¿Je'se pa'iʉna chʉkʉna'te vatire eto saocu'aʉ? —chiisinaa'me.

San Mateo 21:1

Ũcuarʉmʉ chʉkʉna Jesuna'me saijʉ Jerusalén kueñe cajoopo Olivo aikũti pa'ijoopona Betfagé vʉ'ejoopona tĩ'asinaa'me. Ũcuarʉmʉ Jesús chʉkʉna'te repaʉ neenare te'eka'chapanarechi'a saopi'rakʉ ija'che chʉ̃'ʉsi'kʉa'mʉ: —Jeejoopona kueñe cajoopona saijʉ̃'ʉ mʉsanʉkona. Sani ũcuachejana burrava'ore quẽo sʉosiva'ore chĩina'me rʉ̃iva'oni jñaajanaa'me mʉsanʉkona. Jñaa repava'nare jose ichejana rakaijʉ̃'ʉ.

San Mateo 24:27

Cʉnaʉmʉpi oko fe'neni ʉ̃sʉʉ mʉikã'kopi ʉ̃sʉʉ na'ikã'kojatʉ'ka peore miañe fe'ne chʉvokʉna ñame pãi. Chʉ'ʉ ũcuaja'che Dios Raosi'kʉ icheja cheja jo'e cajerʉmʉ pãi ũcuanʉko ñajʉ'te cajeja'mʉ.

San Mateo 24:30

Reparʉmʉ pãi si'achejñarʉã pa'ina chʉ'ʉre cuhena cʉnaʉmʉ cho'oche'te ña, “Dios Raosi'kʉ jo'e cajepi'racosomʉ”, chini kʉkʉcajejani rʉa oijanaa'me. Jã'aja'ñe cho'otona chʉ'ʉ Dios Raosi'kʉ peore Masiʉji, rʉa re'oja'che ñoʉ ko'sija'iʉ cʉnaʉmʉpi pãi ũcuanʉko ñajʉ'te pikona'me cajeja'mʉ.

San Mateo 24:37

’Chʉ'ʉ Dios Raosi'kʉ jo'e cajeumucuse tĩ'api'rarʉmʉ Noé pa'irʉmʉ pa'isina pa'isi'eja'che cu'ache pa'ijanaa'me pãi.

San Mateo 24:39

Jã'ata'ni repana, “Cu'ache ti'jñeja'mʉ maire”, chiima'ñe pa'irʉmʉna okopi ra ko'saʉna peore runisõasome. Ũcuaja'che pãi chʉ'ʉ Dios Raosi'kʉ raijache cuasamarʉmʉna jo'e raija'mʉ chʉ'ʉ.

San Mateo 24:43

Iere asa chẽajʉ̃'ʉ mʉsanʉkona. Pãiʉ vʉ'e paakʉ ñaaʉ rairʉmʉ masini pẽ'jemʉ, ñaaʉ kakache'te ʉ̃sera chini.

San Mateo 28:20

Ũcuachi'a chʉ'ʉ mʉsanʉkonare chʉ̃'ʉsi'e peore che'chojʉ̃'ʉ repanare, jachama'ñe cho'ojʉ paapʉ. Chʉ'ʉ mʉsanʉkonare cheja si'asõñetʉ'ka si'arʉmʉ ja'me pa'ija'mʉ —chiisi'kʉa'mʉ repaʉ. Re'omʉ.

San Lucas 21:7

Chikʉna asa repaʉ'te chʉ'o sẽniasaasome repana. —Masiʉ, mʉ'ʉ kʉasi'e, ¿jeerʉmʉ cho'ojachea'che? Reparʉmʉ tĩ'añe, ¿je'se masijanaa'ñe chʉkʉna? —chiniasome repana.

Los Hechos 1:7

Chitena, —Chʉ'ʉ Ja'kʉ masiche'me jã'a. Repaʉ'te ʉ̃seʉarʉmʉ judío peona chʉ̃'ʉñe ʉ̃sekaija'mʉ Repaʉ. Chuta'a reparʉmʉ kʉama'mʉ Repaʉ.

Hebreos 9:26

Jã'aja'ñe cho'oa'kʉ chini jo'kasi'e pa'ito Jesucristo mamarʉmʉpi irʉmʉjatʉ'ka si'arʉmʉ jũni ro'ikaiʉ pa'ira'amʉ. Jã'ata'ni Repaʉ mamare, “Ija'che cho'oñu”, chiisi'ere cho'ore'orʉmʉna churana rani Repaʉji meñe ĩsi mai cu'a te'echoji jũni ro'ikaisi'kʉa'mʉ.