San Mateo 21:44 - Koreguaje

⁴⁴ Pãiʉ vʉ'e tuupʉna tãni rʉa asi tãimʉ. Ũcuachi'a vʉ'e tuupʉji pãiʉni tãito jũnisõmʉ —chiisi'kʉa'mʉ repaʉ.

San Mateo 21:44 Iomraidhean Croise

San Mateo 21:43

Jã'ajekʉna mʉsanʉkonare ija'che i'kamʉ chʉ'ʉ: Repaʉ chʉ̃'ʉ jo'kasi'ere cho'oma'to ʉche paakʉ repaʉ chio kuirakaisinare cho'osi'eja'che cho'oja'mʉ Dios mʉsanʉkonare. Mʉsanʉkonare sẽjosõ chekʉnani chẽa paaja'mʉ, Repaʉ chʉ̃'ʉñe cho'ojanare.

San Mateo 21:45

Ũcuarʉmʉ judío phairipãi chʉ̃'ʉnana'me fariseopãi Jesús cuasakʉ i'kasi'ere asa masi, “Ikʉ Jesús Ũcuaʉ cuasakʉ kʉacheji maini cu'ache i'kamʉ”, chiijʉ pe'rusinaa'me.

San Mateo 26:24

Chʉ'ʉre Dios Raosi'kʉre, Repaʉ chʉ'o aperʉmʉ tocha jo'kasi'e kʉache ũcuarepa cu'ache ti'jñeja'mʉ. Jã'ata'ni chʉ'ʉni vanisõa'jʉ chini jo'kasi'kʉre na'a rʉa cu'ache ti'jñeja'mʉ. Repaʉji aineemaneru na'a re'ora'amʉ repaʉ'te —chiisi'kʉa'mʉ repaʉ.

San Mateo 27:25

Chikʉna pãi ũcuanʉko ija'che i'kaasome: —Jã'ʉre vanisõsi'e ro'i chʉkʉnana'me chʉkʉna jojocojñosina ro'ijanaa'me —chiniasome.

San Lucas 2:34

Ũcuarʉmʉ repaʉ, —Diopi mʉsanʉkonare re'oja'che cho'okaaʉ —chini pʉka'kore María'techi'a i'kaasomʉ. Asarepajʉ̃'ʉ: Ikʉre Diopi raoʉna mai Israelpãi te'enachi'a ikʉni cuasajʉ re'oja'che pa'ijanaa'me. Chekʉnata'ni ikʉni cuasamapʉ cu'ache pa'ijanaa'me. Ikʉre pãi jainʉko cuhejanaa'me. Jã'ajekʉna iva'ʉre mʉ'ʉ chĩiva'ʉre rʉa oija'mo mʉ'ʉ. Pãi jainʉkore repana rekoñoã cuasache ña kʉaja'mʉ ikʉ, chiniasomʉ repaʉ Simeón.

San Lucas 20:18

Pãiʉ vʉ'e tuupʉna tãni rʉa asi tãimʉ. Ũcuachi'a vʉ'e tuupʉji pãiʉni tãito jũnisõmʉ. Ũcuaja'che pãi chʉ'ʉre cuhenare rʉa cu'ache ti'jñeja'mʉ. Jũnisõsirʉmʉ vati toana sani uujanaa'me repana —chiniasomʉ Jesús repanare pãi.

San Juan 19:11

Chikʉna Jesús i'kaasomʉ. —Mʉ'ʉni Diopi pãi chʉ̃'ʉñe jo'kamaneru chʉ'ʉre jã'aja'ñe cho'ojache chʉ̃'ʉcu'ara'amʉ mʉ'ʉre. Chʉ'ʉre chẽaa'jʉ chini sa jo'kasi'kʉ mʉ'ʉre na'a rʉa cu'ache cho'osi'kʉa'mʉ —chiniasomʉ repaʉ.

Romanos 9:33

Dios chʉ'o aperʉmʉ tocha jo'kasi'e ija'che jã'are kʉamʉ: Catapʉ pãipi tota tãapʉ chini ma'ana ũhañeja'ñe chʉ'ʉre cho'oche cho'okaikʉ'te Jerusalén vʉ'ejoopona raoja'mʉ chʉ'ʉ. Raoʉna Repaʉ'te cuhejʉ cacu'asojanaa'me pãi. Jã'ata'ni pãi ũcuaʉana chʉ'ʉ Raojaʉre cuasani pojojʉ pa'ijanaa'me, repanare si'arʉmʉ cho'okaiʉna, chiimʉ Dios chʉ'o.

1 San Pedro 2:8

Chekʉcheja ija'che kʉamʉ: Chʉ'ʉ, Dios, pãipi tota tãapʉ chini ma'ana catapʉ ũhañeja'ñe Repaʉ'te raoja'mʉ, chiimʉ. Jã'ajekʉna pãi Repaʉ chʉ'ore asa jachajʉ tota tãiñeja'ñe cu'ache pa'ime, aperʉmʉna Diore, “Chʉ'ʉ Neekʉni cuasacuhejʉ cu'ache pa'ijanaa'me ina”, chiicojñosina.