San Mateo 21:10 - Koreguaje

¹⁰ Repaʉ Jesús Jerusalén vʉ'ejoopo sani tĩ'asirʉmʉ repajoopo pa'ina pãi repaʉni ñañu chini jainʉko chi'i repaʉ'te ja'me tuhasinani ija'che sẽesinaa'me: —¿Jeeja'iʉ'ʉ jã'ʉ? —chiisinaa'me.

San Mateo 21:10 Iomraidhean Croise

San Mateo 2:3

Herodes repacheja chʉ̃'ʉkʉ repana i'kasi'ere chekʉnapi kʉarena asa, rʉa cuasaasomʉ. Jerusalén vʉ'ejoopo cana ũcuaja'che ũcuanʉko asa, rʉa cuasaasome.

San Mateo 21:11

Chitena chekʉna ija'che i'kasinaa'me: —Galilea cheja pa'ijoopo Nazaret vʉ'ejoopo raisi'kʉa'mʉ jã'ʉ. Jesua'mʉ. Dios chʉ'o kʉakaikʉ'mʉ —chiisinaa'me.

San Mateo 21:9

Repaʉ'te tuhana pãi charo sainana'me cho'je raina ija'che i'kajʉ cuisinaa'me: —¡Ikʉ aperʉmʉ pa'isi'kʉ David Jojocojñokʉ rʉa masiʉ'mʉ! ¡Diopi re'oja'che cho'okaaʉ ikʉre, Repaʉ Raosi'kʉre! Cʉnaʉmʉ Pa'ikʉ Dios peore Masiʉ'mʉ —chiisinaa'me repana.

San Lucas 20:2

Rani repaʉ'te chʉ'o sẽniasome repana. —¿Je'se cuasa pãi chʉ̃'ʉna cho'ocheja'che rani cho'okʉ mʉ'ʉ? ¿Neepi chʉ̃'ʉrena cho'okʉ mʉ'ʉ? —chiniasome repana.

San Lucas 5:21

Jã'aja'ñe i'kaʉna asa judíopãi che'chonana'me fariseopãi ija'che cuasaasome: “¿Je'se pa'iʉna ikʉ jã'aja'ñe i'kakʉ? Dios asacuheche'te i'kamʉ ikʉ jã'a. Diochi'aa'mʉ pãi cu'ache cho'oche tʉnokaikʉ”, chiijʉ cuasaasome.

San Lucas 7:49

Jã'aja'ñe i'kaʉna asa ãu ãi soicojñosina sãiñechi'a ija'che i'kaasome: —¿Keeja'iʉ'ʉ ikʉ? Rʉa si'ache cho'omʉ. Pãi cu'ache cho'ochejẽ'e tʉ'nesõkaimʉ —chiniasome repana.

San Lucas 9:9

Rʉa cuasakʉ i'kaasomʉ repaʉ. —Aperʉmʉ Juanre sĩjopʉ'te tʉsoa'jʉ chini chʉ̃'ʉsi'kʉa'mʉ chʉ'ʉ. Jã'ata'ni, ¿jeeja'iʉ'ʉ jã'ʉ? Pãipi kʉajʉna repaʉ pa'iche rʉa si'ache asakʉ pa'imʉ chʉ'ʉ —chiniasomʉ repaʉ. Jã'ajekʉna repaʉ Herodes Jesuni ñaʉakʉna si'ache cho'oasomʉ.

San Juan 2:18

Ũcuarʉmʉ Jesús cho'osi'ere ña judíopãi chʉ̃'ʉna ija'che sẽesinaa'me repaʉ'te: —¿Neepi chʉ̃'ʉ raorena Dios vʉ'e pa'isinare etoʉ mʉ'ʉ? Dios Raosi'kʉ pani Diochi'a cho'omasiche'te cho'o ñojʉ̃'ʉ chʉkʉna'te —chiisinaa'me repana repaʉ'te.

Los Hechos 9:5

Jã'aja'ñe i'kaʉna asa, —¿Jeeja'iʉ'ʉ mʉ'ʉ, Chʉ'ʉre Paakʉ? —chiniasomʉ repaʉ. Chikʉna, —Jesua'mʉ chʉ'ʉ. Chʉ'ʉ neenare cu'ache cho'okʉ chʉ'ʉni rʉa cu'ache cho'okʉ pa'imʉ mʉ'ʉ. Jã'aja'ñe cho'okʉ meñe cu'ache cho'okʉ pa'imʉ mʉ'ʉ —chiniasomʉ Jesús.