San Mateo 20:1 - Koreguaje

¹ Ũcuarʉmʉ Jesús chʉkʉna'te repaʉ neenare jo'e ũcuaʉji cuasakʉ ija'chere kʉasi'kʉa'mʉ: —Repaʉ chʉ̃'ʉñe cho'onare Dios cho'ojache ija'chea'me: Pãiʉ cheja cho'oche cho'ocheja paakʉ rʉa apeñatato vʉni etaasomʉ, pãire ku'e jñaa repaʉ pĩsi ʉche chio tʉakaiche'te chʉ̃'ʉ jo'kara chini.

San Mateo 20:1 Iomraidhean Croise

San Mateo 13:24

Ũcuarʉmʉ Jesús chʉkʉnani jo'e chʉ'vakʉ ija'chere cuasakʉ kʉasi'kʉa'mʉ: —Dios chʉ̃'ʉñe cho'ona pa'iche ija'chea'me: Pãiʉ repaʉ chiona trigo re'oja'chere tãasomʉ.

San Mateo 13:31

Ũcuarʉmʉ Jesús pãire jo'e chʉ'vakʉ ija'chere cuasakʉ kʉasi'kʉa'mʉ: —Dios chʉ̃'ʉñe cho'ona, ¿je'se pa'iche? Ija'che pa'ime: Pãiʉ repaʉ chiona mostazara'karʉ te'era'karʉ sa tãasomʉ.

San Mateo 13:33

Ũcuarʉmʉ Jesús pãire ũcua chʉ'vakʉ ija'chere cuasakʉ kʉasi'kʉa'mʉ: —Dios chʉ̃'ʉñe cho'ona pa'iche ija'chea'me: Romio pãre cho'ora chini pã kosasica'rerʉ'te charo cha'pi harinaro'ro chotero'ro ũcuaca'rerʉna ja'measomo. Jã'ata'ni rʉa ʉjaca'repʉ saʉsõasomʉ repaca'repʉ —chiisi'kʉa'mʉ repaʉ.

San Mateo 13:47

Ũcuarʉmʉ Jesús chʉkʉnani ũcua chʉ'vakʉ jo'e ija'chere cuasakʉ kʉasi'kʉa'mʉ: —Dios chʉ̃'ʉñe cho'ojʉ pañu chiina pa'iche ija'chea'me: Va'i chona repana va'i chorʉ va'ire chojʉ mar chiarana su'a rʉorena va'i si'ache kakaasome reparʉ.

San Mateo 20:2

Ku'e jñaa repanare, “Cho'oche cho'oche te'eumucuse denario kurire'reva te'ere'reva ro'ija'mʉ chʉ'ʉ mʉsanʉkonare”, chiniasomʉ. Chini, “Jaʉ”, chitena repanare chiona chʉ̃'ʉ saoasomʉ repaʉ, pĩsi ʉchere tʉakaapʉ chini.

San Mateo 21:28

Ũcuarʉmʉ Jesús repanani chʉ'vakʉ ija'chere cuasakʉ kʉasi'kʉa'mʉ: —¿Ie je'se cuasokʉ mʉsanʉkonare? Pãiʉ chĩi ka'chanare ʉmʉpãichi'a paaasomʉ. Paakʉji repanare te'eʉ'te ija'che i'kaasomʉ repaʉ: “Jmava'ʉ, iumucuse chʉ'ʉ pĩsi ʉche chio cho'oche cho'ojaikaijʉ̃'ʉ”, chiniasomʉ.

San Mateo 22:2

—Repaʉ chʉ̃'ʉñe cho'onare Dios cho'ojache ija'chea'me: Pãi chʉ̃'ʉkʉ repaʉ mamakʉji romioni vejakʉna pojokʉ fiesta cho'oasomʉ.

San Mateo 23:37

Ũcuarʉmʉ Jesús jo'e i'kasi'kʉa'mʉ. —Mʉsanʉkona Jerusalén vʉ'ejoopo pa'ina cu'ache cho'oche'te ñakʉ rʉa sʉma'kʉ pa'imʉ chʉ'ʉ. Kurao repao chĩiva'nare kue'chaka vʉ'evʉãna soni paacheja'che re'oja'che cho'okasa chiikʉ'teta'ni cuheme mʉsanʉkona chʉ'ʉre. Mʉsanʉkona Jerusalén vʉ'ejoopo cana Repaʉ chʉ'ore mʉsanʉkonani kʉaa'jʉ chini Dios raosiva'nare cuhejʉ vanisõnaa'me. Ũcuachi'a Repaʉ chʉ'ore chʉ'vaa'jʉ chini Dios raosiva'nare cuhejʉ si'arʉmʉ catapi su'a vẽasõnaa'me mʉsanʉkona.

San Mateo 25:1

Ũcuarʉmʉ Jesús chʉkʉnani jo'e chʉ'vakʉ ija'chere cuasakʉ kʉasi'kʉa'mʉ: —Pãi chʉ'ʉ jo'e raijachere cha'ajʉ repana rekoñoã re'ojarekoñoã care'vasinare chʉ'ʉ cho'ojache ija'chea'me: Pãiʉ romi vejajaʉ chekʉcheja sani pa'isi'kʉpi jo'e raiʉna romichĩi dierepana repaʉni tijña pojoñu chini ʉopʉã u'chape'epi miapʉã mini eta mʉaasome. (Aperʉmʉ judío romichĩi, romi vejapi'ranare jã'aja'ñe cho'oasome.)

San Mateo 25:14

Ũcuarʉmʉ Jesús chʉkʉnani jo'e chʉ'vakʉ ija'chere cuasakʉ kʉasi'kʉa'mʉ: —Dios chʉ̃'ʉ jo'kasi'e masi cho'osinana'me masi cho'omanare Repaʉ cho'ojache ija'chea'me: Pãiʉ chekʉchejana saipi'rakʉ repaʉ'te cho'oche cho'okainare soni rao repanare te'enarechi'a kuri ĩsiasomʉ, ũcuapi cho'oche'te cho'oa'jʉ chini.

San Marcos 13:34

Ija'chea'me: Chekʉrʉmʉ pãiʉ chekʉchejana saipi'rakʉ repaʉ'te cho'oche cho'okainare soni rao vʉ'e kuirakaiche'te jo'kaasomʉ. Ũcuanʉkore si'acairo repana cho'ojache chʉ̃'ʉ jo'kaasomʉ repaʉ. Repa vʉ'e kakasa'aro pẽ'jekaikʉ'te ija'che i'kaasomʉ: “Chʉ'ʉ jo'e raijachere pẽ'jekʉ cha'akʉ pa'ijʉ̃'ʉ”, chiniasomʉ. Chini jo'ka saniasomʉ repaʉ.

San Juan 15:1

Ũcuarʉmʉ Jesús chʉkʉna'te repaʉ neenani chʉ'vakʉ ija'che i'kasi'kʉa'mʉ: —Ʉcherepañʉ pa'icheja'che pa'ikʉ'mʉ chʉ'ʉ. Chʉ'ʉ Ja'kʉta'ni ʉcheñʉ paakʉja'che pa'ikʉ'mʉ.

1 Corintios 15:58

Jã'ajekʉna chʉ'ʉ majapãijanajejʉna mʉsanʉkonare chiiʉ chura iere chʉ'vamʉ chʉ'ʉ: Diore cuasache jo'kasoma'ñe cuasajʉ pojojʉ pa'ijʉ̃'ʉ Repaʉ'te. Repaʉ chʉ̃'ʉñe ũhasoma'ñe cho'okaijʉ pa'ijʉ̃'ʉ. Jã'aja'ñe cho'oni cho'ote'emanejanaa'me mʉsanʉkona. Cho'ojʉna Dios re'oja'che cho'okaija'mʉ mʉsanʉkonare.

Hebreos 13:21

Repaʉji mʉsanʉkonare re'oja'che cho'okaiʉ Repaʉ chiiche cho'oñu chiisi'e karache peore ĩsia'kʉ. Maire ũcuanʉkore re'oja'che cho'okaaʉ, maipi re'oja'che cho'omasijʉ re'oja'che cho'ojʉna mai pa'iche'te ña pojora chini. Repaʉ Jesucristo maire re'oja'che cho'okaisi'ena'me re'oja'che cho'okaiche'te jo'kasoma'ñe cuasajʉ si'arʉmʉ, “Re'orepamʉ, Ja'kʉ; rʉa re'okʉ'mʉ mʉ'ʉ”, chiijʉ pañu mai. Jã'aja'ñe paaʉ.