San Mateo 2:23 - Koreguaje

²³ Repacheja sani tĩ'a Nazaret vʉ'ejoopo'te paniasomʉ repaʉ. Jã'aja'ñe cho'orena aperʉmʉ Dios chʉ'o kʉasina kʉajʉ tocha jo'kasi'epi ija'che chiicheji ũcuarepa ti'jñecuhaasomʉ, “Dios Raosi'kʉre, ‘Nazaret vʉ'ejoopo cakʉa'mʉ ikʉ’, chiijanaa'me pãi”, chiicheji.

San Mateo 2:23 Iomraidhean Croise

San Mateo 1:22

Peore jã'a Diopi i'kaʉna aperʉmʉ Repaʉ chʉ'o kʉasi'kʉ kʉakʉ tocha jo'kasi'epi ũcuarepa ti'jñesi'kʉa'mʉ.

San Mateo 21:11

Chitena chekʉna ija'che i'kasinaa'me: —Galilea cheja pa'ijoopo Nazaret vʉ'ejoopo raisi'kʉa'mʉ jã'ʉ. Jesua'mʉ. Dios chʉ'o kʉakaikʉ'mʉ —chiisinaa'me.

San Mateo 26:71

Jã'aja'ñe i'kacuha repavʉ'e kakasa'aro'te sani pa'iʉna cheko romichĩio repaʉ'te ña chekʉnani ija'che i'kaasomo: —Ikʉ ũcuaja'che Jesús Nazaret vʉ'ejoopo cakʉna'me pa'isi'kʉcosomʉ —chiniasomo.

San Marcos 1:24

—Jesús, Nazaret raisi'kʉ chʉkʉna'te cho'omanejʉ̃'ʉ. Mʉ'ʉ pa'iche masimʉ chʉ'ʉ. Dios Raosi'kʉa'mʉ mʉ'ʉ. Re'okʉ'mʉ. ¿Chʉkʉnani cu'achejana saora chini rakʉ mʉ'ʉ? —chiniasomʉ repaʉ.

San Marcos 1:9

Ũcuarʉmʉ Jesús Nazaret vʉ'ejoopo Galilea cheja cajoopo pa'isi'kʉpi Jordán chiachana sani tĩ'aʉna Juan repaʉ'te okoroasomʉ ũcuachiachana.

San Lucas 1:26

Repao Elisabet seirepapãimia chĩipʉ sʉ'irʉmʉna Dios ángel Gabrielre jo'e casoasomʉ, Galilea cheja cajoopo, Nazaret vʉ'ejoopona.

San Lucas 18:37

Chikʉna, —Jesús, Nazaret vʉ'ejoopo raisi'kʉpi caraimʉ —chiniasome pãi repaʉ'te ja'me saina.

San Lucas 2:39

Ũcuarʉmʉ Jesús pʉka'kʉpãi Dios chʉ̃'ʉ jo'kasi'e peore cho'o pi'ni chĩiva'ʉre co'chajʉ repana pa'ijoopona, Galilea cheja cajoopo Nazaret vʉ'ejoopona co'iasome.

San Juan 18:5

Chikʉna i'kasinaa'me repana. —Nazaret vʉ'ejoopo cakʉni Jesuni ku'eme chʉkʉna —chiisinaa'me. Chitena i'kasi'kʉa'mʉ repaʉ. —Ũcuaʉ'mʉ chʉ'ʉ —chiisi'kʉa'mʉ. Repaʉ Judas Jesure cu'ache cho'oa'jʉ chini rasi'kʉ ũcuanana'me pa'isi'kʉa'mʉ.

San Juan 18:7

Cho'je co'iche tãijʉna repanare jo'e i'kasi'kʉa'mʉ repaʉ. —¿Neeni ku'eche mʉsanʉkona? —chiisi'kʉa'mʉ. Chikʉna jo'e i'kasinaa'me repana. —Nazaret vʉ'ejoopo cakʉni Jesuni ku'eme chʉkʉna —chiisinaa'me repana.

San Juan 19:19

Ũcuarʉmʉ Pilatoji chʉ̃'ʉʉna tochasiko'a kurususẽ'vero chã'tirona jẽ'jo sʉosinaa'me repana, Ikʉ Jesus, Nazaret Vʉ'ejoopo Cakʉa'mʉ. Judiopãi Chʉ̃'ʉkʉ'mʉ, chiiche tochasiko'are.

Los Hechos 2:22

’Israelpãi, asa chẽajʉ̃'ʉ. Diopi raoʉna pa'isi'kʉa'mʉ Jesús. Ũcuaʉji cho'okaiʉna rʉa re'oja'chere, Diochi'a cho'omasiche'te, pãi rʉa cuasajʉ'te cho'osi'kʉa'mʉ Repaʉ. Icheja jã'aja'ñe cho'osi'kʉa'mʉ. Masime mʉsanʉkona jã'a.

Los Hechos 24:5

Ikʉ Pablo rʉa cu'ache cho'okʉ'mʉ. Si'achejña ku'iʉ i'kakʉna judíopãi rʉa cavame. Rʉa tĩiñe cuasanani chʉ̃'ʉmʉ ikʉ Pablo, Jesús Nazaret raisi'kʉre cuasanani.