San Mateo 2:2 - Koreguaje

² Rani tĩ'a repacheja pa'inare ija'che sẽniasaasome repana: —Chĩiva'ʉ, chura jñaasiva'ʉ judíopãi chʉ̃'ʉjava'ʉ, ¿jeechejare pa'ikʉ? Repaʉ'te jñaasi'ere kʉakʉ ʉ̃sʉʉ mʉikã'kore pa'iʉna vañʉʉ'te ñasinajejʉ repava'ʉni ro're pʉʉ ñu'ijʉ pojoñu chini ku'eme chʉkʉna —chiniasome repana.

San Mateo 2:2 Iomraidhean Croise

San Mateo 2:3

Herodes repacheja chʉ̃'ʉkʉ repana i'kasi'ere chekʉnapi kʉarena asa, rʉa cuasaasomʉ. Jerusalén vʉ'ejoopo cana ũcuaja'che ũcuanʉko asa, rʉa cuasaasome.

San Mateo 21:5

Jerusalén vʉ'ejoopo pa'inare ija'che i'kakaijʉ̃'ʉ: “Ñajʉ̃'ʉ, mʉsanʉkonare chʉ̃'ʉkʉ raiche. Pe'kerʉ pa'iʉ burrava'o põse ve'eva'o mamakʉni tuhiʉ raimʉ”, chiicheji.

San Mateo 27:11

Reparʉmʉ pãi chʉ̃'ʉkʉ Pilato ũcuaʉ ti'jñeñena Jesuni sa nʉkorena ija'che sẽniasomʉ: —¿Judíopãi ũcuanʉkore chʉ̃'ʉkʉ'ʉ mʉ'ʉ? —chiniasomʉ. Chikʉna Jesús, —Ũcuaʉ'mʉ chʉ'ʉ —chiniasomʉ.

San Lucas 19:38

Ũcuachi'a ija'che i'kaasome: —¡Diopi ikʉre pãire chʉ̃'ʉa'kʉ chini Repaʉ Raosi'kʉre re'oja'che cho'okaaʉ! ¡Cʉnaʉmʉ pa'ina pojojʉ paapʉ! ¡Pãi ũcuanʉko, “Cʉnaʉmʉ Pa'ikʉ Dios peore masikʉ'mʉ”, chiapʉ! —chiniasome repana Jesure chiina ũcuanʉko.

San Lucas 2:11

Asarepajʉ̃'ʉ. Ija'chea'me chʉ'o chʉ'ʉ rasi'e: Chura iumucuse pãio chĩiva'ʉre jñaacuhasi'koa'mo, aperʉmʉ pa'isi'kʉ David pa'isijoopona. Repava'ʉ chĩiva'ʉ repaʉ'te cuasanare vati toa uuche Ʉ̃sejava'ʉpi ranicuhasi'kʉa'mʉ. Cristoa'mʉ repaʉ. Pãi ũcuanʉkore chʉ̃'ʉa'kʉ chini Dios Raosi'kʉa'mʉ. Pãi Ũcuanʉkore Paakʉ'mʉ repaʉ.

San Lucas 23:3

Chitena Pilato repaʉ'te Jesure sẽniasomʉ. —¿Judíopãi ũcuanʉkore chʉ̃'ʉkʉ'ʉ mʉ'ʉ? —chiniasomʉ. Sẽeʉna, —Jʉ̃jʉ, ũcuaʉ'mʉ chʉ'ʉ —chiniasomʉ Jesús.

San Lucas 23:38

Kurususẽ'vero chã'tiro'te tochasiko'a sʉniasomʉ, Ikʉ Judiopãi Chʉ̃'ʉkʉ'mʉ, chiiko'a.

San Juan 1:49

Chikʉna Natanael i'kaasomʉ repaʉ'te. —Masiʉ, Dios Mamakʉ'mʉ mʉ'ʉ. Israelpãi chʉ̃'ʉkʉ'mʉ —chiniasomʉ repaʉ.

San Juan 12:13

Asa pũti kare veri eta repaʉni tijña ʉjachʉ'opi ija'che i'kasinaa'me repana: —Dios peore masikʉ'mʉ. Ikʉre Israelpãire chʉ̃'ʉa'kʉ chini repaʉ Raosi'kʉre re'oja'che cho'okaaʉ —chiisinaa'me repana.

San Juan 18:37

Chikʉna Pilato sẽniasomʉ repaʉ'te. —¿Jã'a pa'ito mʉ'ʉ pãi chʉ̃'ʉkʉ'ʉ? —chiniasomʉ. Chikʉna Jesús i'kaasomʉ. —Jʉ̃jʉ, mʉ'ʉ i'kache ũcuarepaa'me. Pãi chʉ̃'ʉkʉ'mʉ chʉ'ʉ. Cʉnaʉmʉ pa'isi'kʉpi icheja chejana pãio jñaacojñosi'kʉa'mʉ chʉ'ʉ Dios pa'iche'te chʉ'o ũcuarepare kʉara chini. Dios pa'iche masiñu chiinachi'a chʉ'ʉ kʉache ũcuarepa jachama'ñe asa chẽame —chiniasomʉ repaʉ.

San Juan 19:19

Ũcuarʉmʉ Pilatoji chʉ̃'ʉʉna tochasiko'a kurususẽ'vero chã'tirona jẽ'jo sʉosinaa'me repana, Ikʉ Jesus, Nazaret Vʉ'ejoopo Cakʉa'mʉ. Judiopãi Chʉ̃'ʉkʉ'mʉ, chiiche tochasiko'are.

San Juan 20:28

Chikʉna i'kasi'kʉa'mʉ repaʉ. —Dioa'mʉ mʉ'ʉ. Chʉ'ʉre Paakʉ'mʉ —chiisi'kʉa'mʉ repaʉ.

San Juan 9:38

Chikʉna asa Jesure ti'jñeñe ro're pʉʉ ñu'iʉ i'kasi'kʉa'mʉ repaʉ. —Pãi Ũcuanʉkore Paakʉ, cuasamʉ chʉ'ʉ mʉ'ʉre —chiiʉ repaʉ'te pojosi'kʉa'mʉ repaʉ.

Hebreos 1:6

Jã'ata'ni chekʉcheja Repaʉ chʉ'o pa'ikorovʉ ija'che chiimʉ Mamakʉni, chekʉnare ũcuanʉkore na'a aini, Ũcuate'eʉni, chʉ̃'ʉñe jo'kacojñosi'kʉni, chejana jo'e raora chini, Repaʉ i'kache: Dios neena ángeles ũcuanʉko ña, vajʉchʉjʉ pojojʉ paapʉ Repaʉ'te, chiimʉ.

El Apocalipsis 22:16

Jesús ija'che i'kamʉ: “Chʉ'ʉ, Jesupi, chʉ'ʉ neekʉre ángel'te saosi'kʉa'mʉ, chʉ'ʉre cuasakuanupʉãre chʉ'ore kʉakaaʉ chini. Aperʉmʉ pa'isi'kʉ David Jojocojñosi'kʉa'mʉ chʉ'ʉ. Chʉ'ʉre cuasanare ũcuanʉkore vañʉʉ miañeja'ñe re'oja'che pa'iche si'ache ĩsikʉ'mʉ chʉ'ʉ”, chiimʉ.