San Mateo 2:12 - Koreguaje

¹² Repava'ʉre ñacuha pa'ijʉ repana ʉokãitona Dios i'kasi'e ija'che chiiche'te asaasome repana, “Herodes pa'icheja saima'ñe tĩima'api co'ijʉ̃'ʉ mʉsanʉkona”, chiiche'te. Asa repacheja saima'ñe tĩima'api repana pa'ichejana co'isõasome repana.

San Mateo 2:12 Iomraidhean Croise

San Mateo 1:20

Jã'aja'ñe cho'ora chini cuasakʉta'ni repaʉ ʉokãisirʉmʉna ángel, Dios raosi'kʉ rani ija'che i'kaasomʉ repaʉ'te: —José, David jojosi'kʉ, María'te paavajʉchʉma'ñe veja paajʉ̃'ʉ. Repao sʉ'ipʉ chĩipʉ Dios Rekochoji jo'kaʉna sʉ'imo repao.

San Mateo 2:13

Ma'jñoko pa'iche che'chena sanisõsirʉmʉna Dios neekʉ ángel Josere repaʉ ʉokãisirʉmʉna rani ija'che i'kaasomʉ: —Vʉni mʉ'ʉ jojava'ʉna'me pʉka'kore Egipto chejana pesa sajʉ̃'ʉ. Herodes mʉ'ʉ jojava'ʉre vanisõñe'te chʉ̃'ʉra chini ku'eja'mʉ. Jã'ajekʉna sani chʉ'ʉ mʉ'ʉre, “Co'ijʉ̃'ʉ”, chiirʉmʉjatʉ'ka pa'ijʉ̃'ʉ repacheja —chiniasomʉ ángel repaʉ'te.

San Mateo 2:19

Na'a pa'isirʉmʉ Herodes jũnisõsirʉmʉna Josere Egipto cheja pa'ikʉni repaʉ ʉokãisirʉmʉna Dios neekʉ ángel rani ija'che i'kaasomʉ repaʉ'te:

San Mateo 2:22

Jã'ata'ni José Herodes mamakʉji Arquelaopi Judea cheja canani chʉ̃'ʉa'kʉ chini jo'kacojñosi'ere asa Judea cheja saivajʉchʉasomʉ. Ũcuaja'che repaʉ ʉokãisirʉmʉ asa masisi'e Diopi, “Judea cheja saimanejʉ̃'ʉ”, chiisi'ejekʉna Galilea chejana saniasomʉ repaʉ.

San Mateo 27:19

Jã'aja'ñe sẽniasa repaʉ pãi chʉ̃'ʉkʉ ñu'isaivʉ ñu'itona repaʉ rʉ̃jo chʉ'o raoasomo repaʉ'te. “Jã'ʉre re'okʉ'te pãiʉ'te cu'ache cho'omanejʉ̃'ʉ. Mʉ'ʉpi repaʉni chẽa paakʉna ñami rʉa vajʉchʉache ñoñe'te cu'ache kãni ñasi'koa'mo chʉ'ʉ”, chiniasomo.

San Lucas 2:26

Ũcuarekochoji ja'me pa'iʉ ija'che kʉaasomʉ repaʉ'te: “Chuta'a jũnisomaneja'mʉ mʉ'ʉ. Pãi ũcuanʉkore chʉ̃'ʉa'kʉ chini Dios Raosi'kʉre ñañetʉ'ka vajʉʉ pa'ija'mʉ mʉ'ʉ”, chiniasomʉ.

Los Hechos 10:22

—Capitán Corneliopi raosi'kʉa'mʉ chʉkʉna'te. Re'okʉ'mʉ repaʉ. Diore cuasakʉna judíopãi ũcuanʉko re'oja'che cutunaa'me repaʉ'te. Dios raosi'kʉ ángelpi mʉ'ʉni soaʉ chini chʉ̃'ʉasomʉ repaʉ'te, mʉ'ʉ chʉ'vachʉ'ore asaa'kʉ chini —chiniasome repana.

Los Hechos 4:19

Jã'ata'ni Pedrona'me Juan ija'che i'kaasome repanare: —Cuasa ñajʉ̃'ʉ aperʉmʉ mʉsanʉkonachi'a. ¿Jeepi na'a re'okʉ chʉkʉnapi re'oja'chere cho'ojʉna ñakʉ Diopi na'a rʉa pojoa'kʉ chini? ¿Mʉsanʉkona chʉ̃'ʉñe'te jachama'ñe cho'ojʉ Dios chʉ̃'ʉñe'te cho'omanejanaa'ñe chʉkʉna, Repaʉ chʉ̃'ʉñe'te jachama'ñe cho'orʉja'chere? Re'oja'ima'mʉ jã'a.

Los Hechos 5:29

Chikʉna Pedro chekʉna Jesús saosinana'me ija'che i'kaasomʉ: —Mʉsanʉkona pãi rʉa chʉ̃'ʉme chʉkʉna'te. Jã'ata'ni chʉkʉnapi Dios chʉ̃'ʉñe'te jachama'ñe cho'oto na'a re'omʉ. Mʉsanʉkona chʉ̃'ʉñe cho'oni Dios chʉ̃'ʉñe'te cho'omanejanaa'me chʉkʉna.

1 Corintios 3:19

Pãi Jesucristo'te cuasamana che'choche ija'che i'kamʉ Dios: “Pãi vesʉna che'choche'me jã'a”, chiimʉ. Ũcuachi'a Repaʉ chʉ'o aperʉmʉ tocha jo'kasi'e ija'che kʉamʉ: Pãi rʉa masina repana masichechi'a cuasame. Jã'aja'ñe cuasajʉ cu'ache cho'oñu chiisi'e Diopi cho'okʉna, ũcuanani cu'ache ti'jñemʉ, chiimʉ.

Hebreos 11:7

Noé ũcuachi'a Diore cuasakʉjekʉ Ũcuaʉji cho'okaiʉna pãi chuta'a ñama'ñere Repaʉ Dios cho'opi'rache'te cho'osovajʉchʉache'te kʉaʉna asa kʉkʉ jachama'ñe choovʉ rʉa ʉjavʉ cho'oasomʉ, repaʉ rʉ̃jona'me mamachĩina'me varomi runisomaneñu chini. Jã'aja'ñepi chekʉnare pãi repana Diore jachache cho'o ñoasomʉ repaʉ. Ũcuachi'a jã'aja'ñe cho'oʉna Dios repaʉ'te rʉa pojokʉ re'oja'che pa'iche ĩsiasomʉ, repaʉ rekocho Repaʉ'te masi cuasache'te cho'o ñoʉna.

Hebreos 8:5

Repana phairipãi icheja cheja pa'ivʉ'e Dios vʉ'e pa'ijʉ cho'oche cho'okaina cʉnaʉmʉ pa'ivʉ'e Dios vʉ'erepare Moiseni ñokʉna ña chẽa ũcuajavʉ'e cho'osivʉ'ere cho'oche cho'ome. Cʉnaʉmʉre Dios vʉ'erepa pa'imʉ. Aperʉmʉ Moisés repaʉ chuta'a va'i ca'nipi Dios vʉ'e cho'omarʉmʉ ija'che i'kaasomʉ Dios: “Chʉ'ʉ vʉ'e cho'oni peore chʉ'ʉ mʉ'ʉre ñosivʉ'e cʉnaʉmʉ pa'ivʉ'eja'che cho'ojʉ̃'ʉ”, chiniasomʉ.