San Mateo 19:7 - Koreguaje

⁷ Chikʉna repaʉ'te ija'che sẽesinaa'me repana: —Moisés aperʉmʉ ija'che chiiche chʉ̃'ʉ jo'kaasomʉ: Pãiʉ ũcuaʉakʉji repaʉ rʉ̃jore paacuhekʉ sẽjora chiikʉ charo repao'te sẽjojañere kʉakʉ utija'ovana tocha pi'ni ũcuaoni ĩsia'kʉ, repao chekʉnare ñojaja'ova. Jã'aja'ñe cho'ocuha repaʉ sẽjore'omʉ repao'te. ¿Je'se pa'iʉna jã'aja'ñe chiiche tocha jo'kaʉ? —chiisinaa'me.

San Mateo 19:7 Iomraidhean Croise

San Mateo 1:19

Repaoji chĩi sʉnisõona José repao'te paara chiikʉ re'okʉjekʉ, “Pãipi repao chĩi sʉ'isi'e asa cu'ache i'kajanaa'me repao'te”, chini cuasa chekʉnare pãi kʉa jñauma'ñe repao'te rope'e jo'kasõʉache cuasaasomʉ.

San Mateo 19:6

Diopi ñato ũcuate'eʉja'che pa'ijʉ ka'chanama'me repana. Jã'ajekʉna pãiʉji Dios jã'aja'ñe paapʉ chini jo'kasi'ere jachakʉ rʉ̃joni sẽjosõni cu'ache cho'omʉ —chiisi'kʉa'mʉ repaʉ.

San Mateo 19:8

Chitena Jesús repanare i'kasi'kʉa'mʉ. —Mʉsanʉkonapi cu'ache cho'oche'te jo'kacuhejʉ ũcuaʉache cho'oñu chiijʉna jã'aja'ñe chʉ̃'ʉ jo'kaasomʉ Moisés. Jã'ata'ni Dios mamarʉmʉ jã'aja'ñe chʉ̃'ʉ jo'kamanesi'kʉa'mʉ.

San Mateo 5:31

Ũcuarʉmʉ Jesús jo'e ija'che chʉ'vasi'kʉa'mʉ: —Ũcuachi'a Moisés aperʉmʉ chʉ̃'ʉkʉ tocha jo'kasi'e cheke ija'che kʉamʉ: Pãiʉ ũcuaʉakʉji repaʉ rʉ̃jore paacuhekʉ sẽjora chiikʉ charo repao'te sẽjosi'e kʉache utija'ovana tocha ũcuaoni ĩsijʉ̃'ʉ repao chekʉnare ñojaja'ova. Repaja'ova tocha pi'ni ĩsiru sẽjore'omʉ repao'te, chiimʉ repaʉ chʉ̃'ʉ jo'kasi'e.

San Marcos 10:4

Chikʉna i'kaasome repana. —Aperʉmʉ Moisés ija'che chʉ̃'ʉ jo'kaasomʉ: Pãiʉ repaʉ rʉ̃jore paacuhekʉ sẽjora chiikʉ charo repao'te sẽjojañere kʉakʉ utija'ovana tocha pi'ni ũcuaoni ĩsia'kʉ, repao chekʉnare ñojaja'ova. Jã'aja'ñe cho'ocuha sẽjore'omʉ repao'te, chiiʉ chʉ̃'ʉ jo'kaasomʉ —chiniasome repana.