San Mateo 19:4 - Koreguaje

⁴ Chitena Jesús ija'che i'kasi'kʉa'mʉ: —¿Aperʉmʉ tocha jo'kasi'e Dios chʉ'o kʉache ñamanaa'ñe mʉsanʉkona? Ija'che chiimʉ repa: Dios apereparʉmʉ pãiʉ'te cho'osi'kʉ ʉmʉʉna'me romio'te cho'osi'kʉa'mʉ.

San Mateo 19:4 Iomraidhean Croise

San Mateo 12:3

Chitena Jesús i'kasi'kʉa'mʉ repanare. —¿Aperʉmʉ pa'isi'kʉ David cho'osi'ere kʉajʉ mai aipãi tocha jo'kasi'e ñamanaa'ñe mʉsanʉkona? Ija'che kʉamʉ repa: David, repaʉ'te ja'me pa'inana'me ãucuhakʉna Dios vʉ'ena kaka Diopi pojoa'kʉ chini judío phairipãi tʉosi'ere pã mini ãiʉ repaʉ'te ja'me pa'inare ãukʉ ãniasomʉ. Dios, phairipãichi'a ãijʉ̃'ʉ chiisi'ere ãnisõasomʉ repaʉ David, chiimʉ.

San Mateo 21:42

Chitena Jesús i'kasi'kʉa'mʉ. —¿Dios chʉ'o aperʉmʉ tocha jo'kasi'e jmamakarʉjẽ'e ñamanaa'ñe mʉsanʉkona? Ija'che chiimʉ: Pãi vʉ'e cho'ona vʉ'ña tuu re'ojatuure ku'ejʉ paniasome. Ku'ejʉ te'etuupʉ jñaani cuheasome repana. Cuhejʉ jo'kaasome repatuupʉ. Chekʉnata'ni na'a rʉa masinajejʉ rani repatuupʉ mini kuãa sa repana vʉ'e chakavʉna nʉkoasome, repana vʉ'epi na'a rʉa jʉjaa'kʉ chini. Diopi cho'okaiʉna jã'aja'ñe cho'ojʉna ña cuasa Repaʉni pojojʉ i'kame chʉkʉna, chiimʉ.

San Mateo 21:6

Ũcuarʉmʉ repana Jesús neena sani repaʉ chʉ̃'ʉsi'e cho'oasome.

San Mateo 22:31

Diopi i'kakʉna asajʉ pãi jũ'isina vajʉraijachere kʉajʉ tocha jo'kasi'e, ¿ñamanaa'ñe mʉsanʉkona? Ija'che chiimʉ:

San Marcos 12:10

’¿Dios chʉ'o aperʉmʉ tocha jo'kasi'e ñamanaa'ñe mʉsanʉkona? Ija'che kʉamʉ: Pãi vʉ'e cho'ona vʉ'ña tuu re'ojatuure ku'ejʉ paniasome. Ku'ejʉ te'etuupʉ jñaani cuheasome repana. Cuhejʉ jo'kaasome repatuupʉ. Chekʉnata'ni na'a rʉa masinajejʉ rani repatuupʉ mini kuãa sa repana vʉ'e chakavʉna nʉkoasome, repana vʉ'epi na'a rʉa jʉjaa'kʉ chini.

San Marcos 12:26

¿Diopi chʉ̃'ʉʉna Moisés tocha jo'kasi'e jũ'isina vajʉraiche kʉache ñamanaa'ñe mʉsanʉkona? Aperʉmʉ Moisés sũkira'ñʉrʉ uutoa toa kueñe nʉkakʉ ñakʉ paniasomʉ. Ñakʉ nʉkakʉna ũcuatoa sa'navʉji Diopi i'kakʉna asakʉ tocha jo'kaasomʉ repaʉ Moisés. “Chʉ'ʉ Dios, mʉsanʉkona aipãi icheja pa'irʉmʉ chʉ'ʉre cuasasinare paakʉ'mʉ chʉ'ʉ Abrahamre, Isaare, Jacobre”, chiisi'kʉa'mʉ Dios, chiimʉ repaʉ tocha jo'kasi'e. Diopi ñato pãi jũnisõsinajẽ'e vajʉme, repana rekoñoãpi vajʉkʉna. Jã'a jachajʉ cuasama'ñe rʉa tĩiñe cuasame mʉsanʉkona —chiniasomʉ Jesús repanare saduceopãi.

San Marcos 2:25

Chitena, —¿Aperʉmʉ pa'isi'kʉ David cho'osi'ere kʉajʉ mai aipãi tocha jo'kasi'e ñamanaa'ñe mʉsanʉkona? Ija'che kʉamʉ repa:

San Lucas 10:26

Chikʉna Jesús i'kaasomʉ repaʉ'te. —Dios chʉ'o tocha jo'kasi'e, ¿ʉ̃quere kʉakʉ? Mʉ'ʉpi ñato, ¿je'se kʉakʉ? —chiniasomʉ repaʉ.

San Lucas 6:3

Chitena Jesús i'kaasomʉ repanare. —¿Aperʉmʉ pa'isi'kʉ David cho'osi'ere kʉajʉ mai aipãi tocha jo'kasi'e ñamanaa'ñe mʉsanʉkona? Ija'che kʉamʉ repa: David, repaʉ'te ja'me pa'inana'me ãucuhakʉna Dios vʉ'ena kaka Diopi pojoa'kʉ chini judío phairipãi tʉosi'ere pã mini ãiʉ repaʉ'te ja'me pa'inare ãukʉ ãniasomʉ. Dios, phairipãichi'a ãijʉ̃'ʉ chiisi'ere ãnisõasomʉ repaʉ David, chiimʉ —chiniasomʉ Jesús repanare.