San Mateo 18:11 - Koreguaje

¹¹ Chʉ'ʉ, pãire ja'me paaʉ chini Dios Raosi'kʉ, pãire vati toa sani uuche'te ʉ̃sekʉ chẽa paara chini chejana cajesi'kʉa'mʉ.

San Mateo 18:11 Iomraidhean Croise

San Mateo 10:6

Jã'achejña saima'ñe Dios chʉ'o vesʉjʉ ovejava'na kuirakʉ'te peova'naja'ñe chʉova'na pa'inani judíopãire sani chʉ'vajʉ̃'ʉ.

San Mateo 15:24

Chitena Jesús i'kasi'kʉa'mʉ. —Dios chʉ'ʉre, Israel jojosina Repaʉ chʉ'ore vesʉjʉ ovejava'na kuirakʉ'te peova'naja'ñe pa'ijʉ chʉova'na pa'inani judíopãichi'a Repaʉ chʉ'ore kʉakʉ cho'okaaʉ chini raosi'kʉa'mʉ —chiisi'kʉa'mʉ.

San Mateo 18:12

’¿Je'se cuasokʉ mʉsanʉkonare? Chekʉrʉmʉ mʉsanʉkona te'eʉji ovejava'nare cienrepava'nare paamʉ. Jã'ajanʉkore paakʉni chekʉrʉmʉ ovejava'ʉ te'eva'ʉ tĩichejana sani cavesʉsõmʉ. Ũcuarʉmʉ mʉ'ʉ chekʉva'nare noventa y nueverepava'nare te'eva'nare aikũti ja'mevana jo'ka, cavesʉsiva'ʉni ku'era chini sanisõmʉ.

San Mateo 9:12

Chitena asa Jesús ija'che i'kasi'kʉa'mʉ repanare: —Pãi vajʉna ʉ̃ko cho'oche chiima'me. Jũ'iva'nata'ni ʉ̃ko cho'oche chiime.

San Lucas 15:24

Chʉ'ʉ chĩiva'ʉ jũnisõsiva'ʉja'che peocheja pa'iva'ʉpi co'icuhasi'kʉa'mʉ. Ũcuachi'a sani cavesʉsõsiva'ʉja'che peocheja pa'isiva'ʉpi co'icuhasi'kʉa'mʉ jo'e”, chikʉna asa pojojʉ fiesta cho'oasome repana.

San Lucas 15:32

Mʉche'ʉva'ʉta'ni jũnisõsiva'ʉja'che peocheja pa'isiva'ʉpi co'icuhasi'kʉa'mʉ. Ũcuaja'che sani cavesʉsõsiva'ʉja'che peocheja pa'isiva'ʉpi co'icuhasi'kʉa'mʉ jo'e. Jã'ajekʉna pojokʉ fiesta cho'omʉ chʉ'ʉ”, chiniasomʉ repaʉ —Jã'aja'ñe chʉ'vaasomʉ Jesús repanare pãi.

San Lucas 19:10

Chʉ'ʉ, Dios Raosi'kʉ, pãipi jũnisõ vati toana saimanea'jʉ chini chejana cajesi'kʉa'mʉ. Repanare chẽa paakʉ repana cu'ache cho'ocojñora'asi'e ʉ̃sekani paaja'mʉ chʉ'ʉ —chiniasomʉ Jesús repaʉ'te Zaqueo'te.

San Lucas 9:56

Chʉ'ʉ, Dios Raosi'kʉ pãire cu'ache cho'ora chini cajesi'kʉma'mʉ. Pãire oiʉ vati toa sani uuche'te ʉ̃sera chini cajesi'kʉa'mʉ chʉ'ʉ —chiniasomʉ Jesús repaʉ neenare. Ũcuarʉmʉ Jesús repaʉ neenana'me chekʉjoopona saniasomʉ.

San Juan 10:10

’Ñaaʉji rani ovejava'nare ñaasõmʉ. Chekʉrʉmʉ repava'nare vani si'asõmʉ. Jã'aja'ñe cho'ora chini'te raimʉ ñaaʉ. Repaʉ cho'ocheja'che cho'ome jorejʉ che'chona. Chʉ'ʉta'ni pa'iche re'oja'chere ĩsira chini raisi'kʉa'mʉ, pãipi karama'ñe re'oja'che paapʉ chini.

San Juan 12:47

Chʉ'ʉ i'kache asanata'ni jachajʉ cho'omanare, “Jachasi'e ro'iche pa'imʉ”, chisa chini cajesi'kʉma'mʉ chʉ'ʉ. Chʉ'ʉre cuasanani chẽa paakʉ vati toa saiche'te ʉ̃sekasa chini cajesi'kʉa'mʉ chʉ'ʉ.

San Juan 3:17

Pãire, “Mʉsanʉkona cu'ache cho'osi'e ro'ijʉ̃'ʉ”, chiaʉ chini raomanesi'kʉa'mʉ Dios chʉ'ʉre Repaʉ Mamakʉ'te. Pãire vati toa uuche'te ʉ̃sea'kʉ chini raosi'kʉa'mʉ Dios chʉ'ʉre.

1 Timoteo 1:15

Ie chʉ'o ũcuarepajekʉna jachama'ñe cuasache pa'imʉ maire ũcuanʉkore: Jesucristo icheja cheja pãire, cu'ache cho'onani ũcuanʉkore jũni ro'ikasa chini raisi'kʉa'mʉ, mai cu'are Repaʉji jũni ro'ikakʉna maipi vati toa saimanea'jʉ chini. Jã'ajekʉna Dios chʉ'ʉre te'eʉ chekʉnare ũcuanʉkore na'a rʉa cu'ache cho'osi'kʉreta'ni oiʉ Repaʉ Jesucristo jmamakarʉjẽ'e pe'ruma'ñe cha'akʉ pa'iche cho'o ñosi'kʉa'mʉ chekʉnare, Repaʉni cuasajʉ jovo Ũcuaʉna'me ai pa'ijanare.