San Mateo 13:57 - Koreguaje

⁵⁷ Jã'aja'ñe cuasanajejʉ repaʉ i'kache jachasinaa'me repana. Ũcuarʉmʉ Jesús repanare i'kasi'kʉa'mʉ. —Dios chʉ'o kʉakaikʉ aineesijoopo canana'me repaʉ majapãi asa jachame repaʉ kʉache. Mʉsanʉkona ũcuaja'che ijoopo chʉ'ʉ aineesijoopo cana chʉ'ʉ kʉache asa jachame —chiisi'kʉa'mʉ Jesús repanare.

San Mateo 13:57 Iomraidhean Croise

San Mateo 11:6

Pãi chʉ'ʉre cuasache ũhasõma'ñe cuasajʉ pa'ina pojojʉ pa'ijanaa'me”, chiijʉ sa kʉajʉ̃'ʉ repaʉ'te Juanre —chiisi'kʉa'mʉ Jesús repanare.

San Mateo 13:58

Repanapi repaʉni cuasamapʉna Diochi'a cho'omasiche rʉarepa cho'o ñomanesi'kʉa'mʉ Jesús repajoopo pa'irʉmʉ.

San Marcos 6:1

Jã'aja'ñe cho'ocuha ũcuachejapi eta repaʉ pa'irepajoopona co'iasomʉ Jesús, repaʉ neenana'me.

San Marcos 6:14

Ũcuarʉmʉ Herodes pãi chʉ̃'ʉkʉ Jesús cho'oche asaasomʉ, Jesús cho'oche'te pãi jainʉko masijʉ kʉajʉna. Jã'aja'ñere asa ija'che i'kaasomʉ repaʉ: —Juan Pãi Okoro'vesi'kʉ chʉ'ʉpi chʉ̃'ʉʉna chuenisõsi'kʉpi jũni vajʉrani pa'icosomʉ jã'ʉ. Jã'aja'ñejekʉna Diochi'a cho'omasiche cho'omasicosomʉ repaʉ —chiniasomʉ.

San Marcos 6:3

Ijoopo pa'ikʉ chooko'ña cho'okʉ'mʉ ikʉ Jesús. María mamakʉ'mʉ. Jã'ana Santiagona'me Josena'me Judana'me Simón majaa'chʉa'mʉ ikʉ. Repaʉ cho'jeromi ũcuaja'che ijoopo'te maina'me pa'ime —chiniasome repana. Jã'aja'ñe cuasanajejʉ repaʉ i'kache jachaasome repana.

San Marcos 6:4

Ũcuarʉmʉ Jesús repanare i'kaasomʉ. —Dios chʉ'o kʉakaikʉ aineesijoopo pa'inana'me repaʉ majapãichi'a repaʉ kʉache Dios chʉ'o asa jachame. Mʉsanʉkona ũcuaja'che ijoopo chʉ'ʉ aineesijoopo pa'ina chʉ'ʉ kʉache Dios chʉ'o asa jachame —chiniasomʉ Jesús repanare.

San Lucas 4:24

Chini jo'e i'kaasomʉ repaʉ. —Mʉsanʉkonare ũcuarepare chʉ'o i'kamʉ chʉ'ʉ. Dios chʉ'o kʉakaina aineesijoopoã cana pãi repana kʉache Dios chʉ'o asa jachame. Mʉsanʉkona ũcuaja'che ijoopo chʉ'ʉ aineesijoopo cana chʉ'ʉ kʉache Dios chʉ'o asa jachame.

San Lucas 7:23

Pãi chʉ'ʉre cuasache jo'kasõma'ñe cuasajʉ pa'ina pojojʉ pa'ijanaa'me”, chiijʉ sa kʉajʉ̃'ʉ repaʉ'te Juanre —chiniasomʉ Jesús repanare.

San Juan 4:44

Repaʉ Jesús si'arʉmʉ ija'che i'kasi'kʉa'mʉ: “Dios chʉ'o kʉana aineesijoopoã cana pãi repana kʉache Dios chʉ'o asa jachame”, chiisi'kʉa'mʉ.

San Juan 6:61

Repana jachajʉ ke'reche'te masikʉ i'kasi'kʉa'mʉ Jesús. —¿Chʉ'ʉ che'chosi'ere asa pe'ruche mʉsanʉkona?