San Mateo 13:3 - Koreguaje

³ Ũcuarʉmʉ Jesús choovʉ'te ñu'iʉ repanani rʉa chʉ'vakʉ ija'chere cuasakʉ kʉasi'kʉa'mʉ: —Pãiʉ trigo'te chu'chura chini chiona saniasomʉ.

San Mateo 13:3 Iomraidhean Croise

San Mateo 13:4

Sani tĩ'a pachu ku'iʉ chu'chukʉna trigocaã te'era'karʉã ma'ana tuã'tuaasomʉ. Ma'ana tuã'tuaʉna pĩ'ava'napi rani ãkuesõasome repara'karʉã.

San Mateo 13:53

Jã'aja'ñe cuasakʉ kʉacuha ũcuachejapi eta repaʉ pa'irepajoopona sani pa'iʉ Jesús repajoopo pa'ivʉ'ena judíopãi chi'ivʉ'ena kaka che'chosi'kʉa'mʉ. Che'chokʉna pãi asa jñano ija'che i'kasinaa'me: —¿Je'se cho'okʉ ikʉ repaʉ che'chomasiche che'cheʉ? Ũcuaja'che, ¿je'se cho'okʉ ikʉ Diochi'a cho'omasiche cho'oche che'cheʉ?

San Mateo 22:1

Ũcuarʉmʉ Jesús jo'e judío phairipãi chʉ̃'ʉnana'me fariseopãire chʉ'vakʉ ija'chere cuasakʉ kʉasi'kʉa'mʉ:

San Mateo 24:32

’Chura higoñʉ pa'iche'te cuasajʉ̃'ʉ. Higoñʉ karʉã ã'jikarʉã carũni ja'o ma'mañe ñani, “Ʉ̃sʉrʉmʉ tĩ'api'ramʉ ie”, chiime mʉsanʉkona.

San Marcos 12:1

Ũcuarʉmʉ Jesús repanare chʉ'vakʉ ija'chere cuasakʉ kʉaasomʉ: —Pãiʉ pĩsi ʉche chio tã pi'ni si'acachio rũhiso'koro jeo tʉsʉasomʉ. Repaso'koro jeo pi'ni ʉche cha'ca chachojavʉ je'naasomʉ repaʉ ũcuate'evʉji conora'ka meajacheja pa'ivʉ. Ũcuachi'a repachio kuirakaijanapi si'acachio ñajʉ kuirakaijʉ paapʉ chini vʉ'e ʉmʉ nʉkavʉ'e cho'oasomʉ repaʉ. ’Peore cho'o pi'ni repa chio kuirakaijanare jñaa jo'ka tĩichejana sanisõasomʉ repaʉ.

San Marcos 12:12

Jesupi jã'aja'ñe i'kaʉna asa judío phairipãi chʉ̃'ʉnana'me judíopãi che'chonana'me judío aina asamasi, “Ikʉ Jesús ũcuaʉ cuasakʉ kʉacheji maini cu'ache cutumʉ”, chiijʉ pe'ruasome. Pe'rujʉ repaʉ'te chẽañu chiinata'ni pãire chekʉnani vajʉchʉjʉ repaʉ'te jo'ka sanisoasome repana.

San Marcos 3:23

Jã'aja'ñe i'karena asa Jesús repanare soni ija'che i'kaasomʉ chʉ'vara chini: —Vati ai ũcuaja'iʉ'te, ¿je'se eto saokʉ?

San Marcos 4:13

Ũcuarʉmʉ Jesús jo'e ija'che i'kaasomʉ repanare: —¿Chʉ'ʉ cuasakʉ kʉasi'e asavesʉche mʉsanʉkona? Jã'a pa'ito chʉ'ʉpi jo'e cuasakʉ kʉato, ¿je'se asamasijanaa'ñe mʉsanʉkona?

San Marcos 4:33

Jesús repanare pãi chʉ'vakʉ repana asamasichetʉ'ka cuasakʉ kʉaasomʉ.

San Lucas 12:41

Jesupi cuasakʉ kʉaʉna asa Pedro ija'che sẽniasomʉ repaʉ'te: —Chʉkʉna'te Paakʉ, ¿chʉkʉna'te mʉ'ʉ neenarechi'a chʉ'vakʉ cuasakʉ kʉaʉ mʉ'ʉ? Jã'apãani, ¿pãi ũcuanʉkore chʉ'vakʉ kʉaʉ mʉ'ʉ? —chiniasomʉ.

San Lucas 8:10

Chitena repanare ija'che i'kaasomʉ repaʉ: —Mʉsanʉkonare chʉ'ʉ neenajejʉna Diopi ʉ̃semaʉna Repaʉchi'a masiche te'erũhiñe kʉamʉ chʉ'ʉ, masi asaa'jʉ chini. Jã'ata'ni chekʉnare chʉ'ʉre cuasacuhenare Diopi ʉ̃sekʉna Repaʉchi'a masiche cuasakʉ kʉamʉ chʉ'ʉ, masi asamanea'jʉ chini. Ñanata'ni ñamanesina pa'icheja'che pa'ijanaa'me repana. Ũcuaja'che asanata'ni asavesʉjanaa'me repana —chiniasomʉ Jesús repanare.

San Juan 16:25

Ũcuarʉmʉ Jesús jo'e i'kasi'kʉa'mʉ. —Mʉsanʉkonare Ja'kʉ pa'iche'te kʉakʉ vesache chʉ'ʉ cuasacheji kʉasi'kʉa'mʉ chʉ'ʉ. Na'a pa'isirʉmʉta'ni Ja'kʉ pa'iche jã'aja'ñe kʉama'ñe te'erũhiñe kʉaja'mʉ chʉ'ʉ.