San Mateo 11:2 - Koreguaje

^2-3 Ũcuarʉmʉ Juan Pãi Okoro'vesiva'ʉ cu'ache cho'onare chẽa cuaovʉ'ere pa'iʉ Jesús cho'oche'te asa, “Dios Raosi'kʉ Cristocosomʉ repaʉ”, chini cuasaasomʉ. Jã'aja'ñe cuasa repaʉ neenare te'enare soni rao, “Jesure ija'che chiijʉ sẽniasajaijʉ̃'ʉ mʉsanʉkona: ‘¿Dios Raosi'kʉa'ʉ mʉ'ʉ? Mʉ'ʉpi Dios raomanesi'kʉ pa'ito, ¿Dios Raojaʉni ũcua cha'ajanaa'ñe chʉkʉna?’, chiijʉ̃'ʉ repaʉ'te Jesure”, chini saoasomʉ Juan repanare.

San Mateo 11:2 Iomraidhean Croise

San Mateo 1:17

Abraham pa'irʉmʉpi David pa'irʉmʉjatʉ'ka repaʉ Abraham jojosina catorcerepana paajʉ saniasome. Ũcuachi'a David pa'irʉmʉpi Israelpãi Babilonia cheja chẽa sacojñorʉmʉjatʉ'ka David jojosina catorcerepana paajʉ saniasome. Ũcuachi'a Israelpãi repana Babilonia cheja chẽa sacojñorʉmʉpi Dios Raosi'kʉ Cristo'te jñaarʉmʉjatʉ'ka repana paasina catorcerepana paajʉ saniasome.

San Mateo 14:3

Aperʉmʉ repaʉ Herodes repaʉ cho'jeʉ Felipe rʉ̃joni Herodíani tʉa paakʉna Juan asa, “Dios ʉ̃seche'te cu'ache cho'omʉ mʉ'ʉ”, chiiʉ chʉ'vaasomʉ repaʉ'te. Jã'aja'ñe chʉ'vakʉna Herodes asa pe'rukʉ repaʉ'te Juanre chẽa cʉnameji quẽo cu'ache cho'onare chẽa cuaovʉ'ena sa cuaoa'jʉ chini chʉ̃'ʉasomʉ.

San Mateo 4:12

Jã'a cho'ocuha repaʉ co'isirʉmʉ Jesús, Juan Pãi Okoro'vesi'kʉre pãi chẽavʉ'e cuaosi'ere asa Galilea chejana saniasomʉ.

San Mateo 9:14

Ũcuarʉmʉ Juan Pãi Okoro'vekʉ neena rani ija'che i'kasinaa'me Jesure: —Chʉkʉna si'arʉmʉ te'eñoã ãu ãima'ñe pa'ijʉ Diore sẽejʉ pa'inaa'me, fariseopãi ũcuaja'che. Mʉ'ʉ neena, ¿je'se pa'iʉna jã'aja'ñe cho'ojʉ pa'ima'ñe? —chiisinaa'me.

San Marcos 6:17

Aperʉmʉ repaʉ Herodes repaʉ cho'jeʉ Felipe rʉ̃joni Herodíani tʉa veja paakʉna Juan asa, “Mʉche'ʉ paako'te tʉa paakʉ Dios ʉ̃seche'te cu'ache cho'omʉ mʉ'ʉ”, chiiʉ chʉ'vaasomʉ repaʉ'te. Jã'aja'ñe chʉ'vakʉna Herodes asa pe'rukʉ repaʉ'te Juanre chẽa cʉnameji quẽo pãi chẽavʉ'ena sa cuaoa'jʉ chini chʉ̃'ʉasomʉ.

San Lucas 3:19

Na'a pa'isirʉmʉ Herodes, pãi chʉ̃'ʉkʉji cho'jeʉ Felipe rʉ̃joni Herodíani tʉa paaasomʉ. Tʉa paakʉna Juan asa chʉ'vate'easomʉ repaʉ'te, ũcuachi'a cheke cu'ache cho'osi'ere asani.

San Lucas 9:7

Ũcuarʉmʉ chekʉna pãi Jesús pa'iche'te cutujʉ, “Diopi vasoʉna Juan jũnisoʉna tãcojñosi'kʉpi jo'e vajʉrani pa'imʉ”, chiniasome. Chekʉnata'ni, “Aperʉmʉ Dios chʉ'o kʉasi'kʉpi Elíapi jo'e vajʉrani pa'imʉ jã'ʉ”, chiniasome. Chekʉnata'ni, “Aperʉmʉ Dios chʉ'o kʉasinapi te'eʉ vajʉrani pa'imʉ jã'ʉ”, chiniasome. Reparʉmʉ Herodes, pãi jainʉkore chʉ̃'ʉkʉ Jesús cho'oche'te pãipi kʉajʉna asaasomʉ, pãi Jesure cutusi'e ũcuaja'che. Asa, “¿Je'se paakʉ ie?”, chini rʉa cuasaasomʉ repaʉ.

San Juan 4:1

Ũcuarʉmʉ ija'che cutuasome pãi: “Pãi jainʉko repaʉ neena pañu chini Juanre jovo okoro'vecojñome. Jã'ata'ni Jesuni na'a jainʉko pãi jovo okoro'vecojñome, repaʉ neena pañu chini”, chiniasome. Pãi okoro'vemanesi'kʉa'mʉ Jesús. Chʉkʉna repaʉ neenata'ni pãi okoro'vesinaa'me. Ũcuarʉmʉ repaʉ Jesús, “Pãipi rʉa cutujʉna asa fariseopãi chʉ'ʉ cho'oche masime”, chini Judea cheja pa'ikʉji, “Galilea chejana co'iñu”, chiisi'kʉa'mʉ chʉkʉna'te.