San Mateo 10:5 - Koreguaje

⁵ Reparʉmʉ Jesús chʉkʉna'te repaʉ chẽasinare docerepanare Dios chʉ'ore chʉ'vaa'jʉ chini saopi'rakʉ ija'che chʉ'vasi'kʉa'mʉ: —Judío peona pa'ichejña saimanejʉ̃'ʉ mʉsanʉkona. Ũcuachi'a Samaria cheja pa'ijoopoã saimanejʉ̃'ʉ.

San Mateo 10:5 Iomraidhean Croise

San Mateo 22:3

Jã'aja'ñe cho'okʉ ja'me fiesta cho'ojanare repaʉ aperʉmʉ kʉasinani soijani raa'jʉ chini, repaʉ'te cho'oche cho'okainare chʉ̃'ʉ saoasomʉ repaʉ. Jã'ata'ni repana sani soito raicuheasome.

San Mateo 4:15

Galilea chiara rʉ'tʉva pa'ichejñare Zabulón chejana'me Neftalí cheja ve'osichejñare judío peona jainʉko pa'ime. Chura Galilea cheja jã'aja'ñe ve'emʉ repachejña. Jordán chiacha chekʉkã'ko cacheja ũcuaja'che judío peona jainʉko pa'ime.

San Marcos 6:7

Ũcuarʉmʉ Jesús repaʉ neenare docerepanare soni chi'i, —Mʉsanʉkona ũcuanʉko te'eka'chapanachi'a ũcuate'echeja sani chʉ'ʉpi cho'okaiʉna pãi sa'navʉã pa'inare vati peore eto saojanaa'me.

San Lucas 10:1

Na'a pa'isirʉmʉ Jesús chekʉnare setentarepanare ku'e chẽa i'kaasomʉ. —Mʉsanʉkona ũcuanʉko te'eka'chapanachi'a vʉ'ñajoopoãna saijʉ̃'ʉ. Chʉ'ʉ saijajoopoãna'me chʉ'ʉ saijachejñana charo sani Dios chʉ'ore chʉ'vajʉ pa'ijʉ̃'ʉ —chiniasomʉ Jesús repanare.

San Lucas 10:33

Chekʉ, Samariapãiʉta'ni ũcuama'api raiʉ chueesiva'ʉ ũhicheja tĩ'a ña oniasomʉ repava'ʉre.

San Lucas 17:16

Jã'aja'ñe i'kakʉ co'i, Jesús pa'ichejana tĩ'a, repaʉni pojokʉ repaʉ ti'jñeñe meñe sime ñu'iʉ, “Re'orepamʉ”, chiniasomʉ repaʉ. Samaria cheja cakʉ paniasomʉ repaʉ asi ravʉ jũ'isi'kʉ.

San Lucas 9:1

Ũcuarʉmʉ Jesús repaʉ neenare docerepanare soni chi'i, —Chʉ'ʉpi cho'okaiʉna pãi sa'navʉã pa'inare vati peore eto saojanaa'me mʉsanʉkona. Ũcuachi'a pãi jũ'iva'nare vasojanaa'me mʉsanʉkona. Jã'aja'ñe cho'oa'jʉ chini jo'kamʉ chʉ'ʉ mʉsanʉkonare —chiniasomʉ Jesús repanare.

San Lucas 9:2

Chini repanare ija'che chʉ̃'ʉasomʉ repaʉ: —Pãi cu'ache cho'oche ũhasinare Dios chẽa paache'te chekʉnare pãi kʉajʉ pa'ijʉ̃'ʉ mʉsanʉkona. Ũcuachi'a ravʉ jũ'iva'nare vasojʉ̃'ʉ —chiniasomʉ repaʉ.

San Juan 17:18

Mʉ'ʉ chʉ'ʉre icheja raosi'eja'che chʉ'ʉ repanare mʉ'ʉ chʉ'ore si'achejña ku'ijʉ chʉ'vajʉ paapʉ chini saoja'mʉ.

San Juan 20:21

Ũcuarʉmʉ repaʉ jo'e ũcuare i'kasi'kʉa'mʉ. —Re'oja'che pa'ijʉ̃'ʉ mʉsanʉkona. Repaʉ chʉ̃'ʉñe cho'oa'kʉ chini Ja'kʉ chʉ'ʉre raosi'eja'che mʉsanʉkonare saomʉ chʉ'ʉ —chiisi'kʉa'mʉ repaʉ.

San Juan 4:5

Saijʉ Samaria cheja cajoopo Sicar vʉ'ejoopona tĩ'asinaa'me chʉkʉna. Aperʉmʉ Jacob repaʉ mamakʉ'te Josere repajoopo kueñe cachejare cheja jo'kaasomʉ.

San Juan 4:9

Chikʉna i'kaasomo repao. —¿Je'se pa'iʉna mʉ'ʉ chʉ'ʉre Samariapãioni judíopãiʉji okore sẽekʉ? Tĩiñe cho'omʉ mʉ'ʉ —chiniasomo repao. (Judíopãipi Samariapãire cutucuheme. Jã'ajekʉna repaʉ i'kache'te asa jñano jã'aja'ñe i'kaasomo repao.)

San Juan 7:35

Chikʉna repana judíopãi sãiñechi'a i'kasinaa'me. —¿Keechejana sakʉna ikʉre mai jñaamanejanaa'ñe? ¿Aperʉmʉ judíopãi jainʉko saisichejñana griegopãi pa'ichejñana sani griegopãire che'choja'ʉ ikʉ?

San Juan 8:48

Ũcuarʉmʉ judío aina i'kasinaa'me repaʉ'te Jesure. —“Samariapãiʉjekʉ vatire paamʉ mʉ'ʉ”, chiijʉ chʉ'o ũcuarepare i'kame chʉkʉna —chiisinaa'me repana.

Los Hechos 1:8

Ie chʉ'ʉ i'kache asa chẽajʉ̃'ʉ: Mʉsanʉkonare Dios Rekocho raipi'ramʉ. Rani ja'me pa'iʉ Ũcuarekochoji cho'okaija'mʉ mʉsanʉkonare, chʉ'ʉ pa'iche'te chekʉnani masi kʉaa'jʉ chini. Ũcuaʉji cho'okaiʉna chʉ'ʉ pa'iche masi kʉajanaa'me mʉsanʉkona ijoopo Jerusalén vʉ'ejoopo pa'inare peore, icheja Judea cheja pa'inare, ũcuachi'a Samaria cheja pa'inare. Mʉsanʉkonapi kʉajʉna si'achejñarʉã rʉa so'ña pa'ina pãi peore asajanaa'me chʉ'ʉ pa'iche —chiniasomʉ Repaʉ.

Los Hechos 10:45

Cajeʉna ña Pedrona'me raisina judíopãi Jesucristo'te cuasana rʉa cuasajʉ ija'che i'kaasome: —¡Dios inare judío peonareta'ni Repaʉ Rekocho raomʉ! —chiniasome repana.

Los Hechos 8:1

Repaʉ Saulo Esteban'te vanisoche rʉa chiniasomʉ. Reparʉmʉ Jesucristo'te cuasana Jerusalén vʉ'ejoopo pa'ikuanupʉ rʉa cu'ache cho'ocojñoasome. Jã'ajekʉna repajoopo pa'isina eta vʉ'vʉso Judea chejana'me Samaria cheja po'ore sani paniasome repana. Jã'ata'ni repajoopo Jesucristo saosinachi'a canʉka paniasome.