San Mateo 1:16 - Koreguaje

¹⁶ Jacob mamakʉ José paniasomʉ, María ʉ̃jʉ pa'isi'kʉ. Repao María, Jesús, pãi ũcuanʉkore chʉ̃'ʉa'kʉ chini Dios Raosi'kʉ chiicojñokʉ pʉka'ko paniasomo.

San Mateo 1:16 Iomraidhean Croise

San Mateo 1:15

Eliud mamakʉ Eleazar paniasomʉ. Eleazar mamakʉ Matán paniasomʉ. Matán mamakʉ Jacob paniasomʉ.

San Mateo 16:16

Chikʉna Simón Pedro i'kasi'kʉa'mʉ. —Dios, Si'arʉmʉ Pa'ikʉ Mamakʉ'mʉ mʉ'ʉ. Pãi ũcuanʉkore chʉ̃'ʉa'kʉ chini Ũcuaʉ Raosi'kʉa'mʉ mʉ'ʉ —chiisi'kʉa'mʉ.

San Mateo 16:20

Ũcuarʉmʉ Jesús chʉkʉna'te repaʉ neenare, repaʉ pa'iche'te chʉkʉnapi kʉamanea'jʉ chini ija'che chʉ̃'ʉsi'kʉa'mʉ: —Chʉ'ʉ pa'iche pãi chekʉnare te'eʉ'terejẽ'e, “Dios Raosi'kʉa'mʉ ikʉ”, chiijʉ kʉamanejʉ̃'ʉ —chiisi'kʉa'mʉ.

San Mateo 2:13

Ma'jñoko pa'iche che'chena sanisõsirʉmʉna Dios neekʉ ángel Josere repaʉ ʉokãisirʉmʉna rani ija'che i'kaasomʉ: —Vʉni mʉ'ʉ jojava'ʉna'me pʉka'kore Egipto chejana pesa sajʉ̃'ʉ. Herodes mʉ'ʉ jojava'ʉre vanisõñe'te chʉ̃'ʉra chini ku'eja'mʉ. Jã'ajekʉna sani chʉ'ʉ mʉ'ʉre, “Co'ijʉ̃'ʉ”, chiirʉmʉjatʉ'ka pa'ijʉ̃'ʉ repacheja —chiniasomʉ ángel repaʉ'te.

San Mateo 27:17

Ũcuarʉmʉ Pilato ija'che cuasa, “Ikʉre Jesure pãipi jainʉko jovojʉna ña pe'rujʉ chʉ'ʉni ra jo'kacosome”, chini pãi jainʉko chi'i pa'ichejana ija'che sẽniasomʉ: —¿Neeni etojʉ̃'ʉ chiiche mʉsanʉkona chʉ'ʉre? ¿Barrabani? Jã'apãani, ¿Dios Raosi'kʉ chiicojñokʉni Jesuni etoja'che chʉ'ʉ? —chiniasomʉ.

San Mateo 27:22

Chitena Pilato ija'che sẽniasomʉ: —Jã'aja'ñe cho'oni, Jesure, Dios Raosi'kʉ chiicojñokʉ'te, ¿je'se cho'oja'che chʉ'ʉ? —chiniasomʉ. Chikʉna repana ũcuanʉko, —Kurususẽ'verona jẽ'jo nʉko vẽasõjʉ̃'ʉ jã'ʉre —chiniasome.

San Marcos 6:3

Ijoopo pa'ikʉ chooko'ña cho'okʉ'mʉ ikʉ Jesús. María mamakʉ'mʉ. Jã'ana Santiagona'me Josena'me Judana'me Simón majaa'chʉa'mʉ ikʉ. Repaʉ cho'jeromi ũcuaja'che ijoopo'te maina'me pa'ime —chiniasome repana. Jã'aja'ñe cuasanajejʉ repaʉ i'kache jachaasome repana.

San Lucas 1:27

Repajoopo cako romichĩio ʉmʉ peoko paniasomo. Repao mamia'me María. José vejao paniasomo repao. Aperʉmʉ pãi jainʉkore chʉ̃'ʉsi'kʉ David jojosina mamakʉasomʉ José.

San Lucas 2:48

Pʉka'kʉpãi repaʉ i'kache'te asa jñano pʉka'kochi'a ija'che i'kaasomo repaʉ'te: —Jmava'ʉ, ¿je'se pa'iʉna mʉ'ʉ chʉkʉna'te kʉamairo canʉkaʉ? Mʉja'kʉna'me chʉ'ʉ mʉ'ʉni oijʉ rʉa ku'ejʉ pa'ime —chiniasomo pʉka'ko.

San Lucas 3:23

Jesús treintarepaʉ̃sʉrʉmʉ pa'icosomʉ chekʉrʉmʉ, repaʉ pãi apechʉ'varʉmʉ. “Jã'ʉ Jesús, José chĩia'mʉ”, chiijʉ cuasaasome pãi repaʉ'te. José pʉka'kʉ pa'isi'kʉ Elí paniasomʉ.

San Lucas 4:22

Jã'aja'ñe i'kaʉna asa jñano pãi ũcuanʉko re'oja'che cutuasome repaʉ'te, “Chʉ'o re'oja'chere i'kamʉ ikʉ”, chiijʉ. Asa jñano sãiñechi'a sẽniasaasome repana. —¿Ikʉ José mamakʉma'kʉ? —chiniasome repana.

San Juan 4:25

Chikʉna i'kaasomo repao. —Iere masiko'mo chʉ'ʉ: Mesías, pãi ũcuanʉkore chʉ̃'ʉa'kʉ chini Dios Raojaʉ raija'mʉ. Rani maire peore che'choja'mʉ —chiniasomo repao. (“Mesías” chini “Cristo” chiimʉ griego chʉ'o.)