San Mateo 1:1 - Koreguaje

¹ Aperʉmʉ pa'isina Jesucristo aipãi paasina mamire kʉajʉ tochasi'ea'me ie. Davina'me Abraham repaʉ aipãi paniasome.

San Mateo 1:1 Iomraidhean Croise

San Mateo 1:18

Jesucristo'te jñaasi'e ija'cheasomʉ: María repaʉ pʉka'ko Josere pasa chiikojeko so'opi paniasomo. Jã'ata'ni repana chuta'a veja kueñe pa'imarʉmʉna María te'eo pa'ikoji Dios Rekochoji jo'kaʉna chĩi sʉniasomo.

San Mateo 1:2

Abraham mamakʉ Isaac paniasomʉ. Isaac mamakʉ Jacob paniasomʉ. Jacob mamachĩi Judana'me repaʉ cho'jechĩi paniasome.

San Mateo 15:22

Sakʉna repacheja cako cananeapãio judío peokoji rani cuiko i'kasi'koa'mo repaʉ'te. —Pãi Ũcuanʉkore Paakʉ, aperʉmʉ pa'isi'kʉ David Jojocojñosi'kʉ, Dios Raosi'kʉjekʉ, oijʉ̃'ʉ chʉ'ʉva'ore. Chʉ'ʉ chĩiva'o vatini paako rʉarepa jũ'imo —chiisi'koa'mo.

San Mateo 3:16

Ũcuarʉmʉ Jesús okorocojñocuha chiacha nʉkasi'kʉpi po'ore mani nʉkakʉna cʉnaʉmʉ teana re'ojaʉmʉ care'o Dios Rekocho ũkupoja'iʉ ũcuaʉni cajekʉna ñaasomʉ.

San Mateo 9:27

Ũcuachejapi eta chʉkʉna repaʉ neenana'me saiʉna Jesure na'ava'na te'eka'chapana cuijʉ ʉjachʉ'opi ija'che i'kajʉ tuhasinaa'me: —David aperʉmʉ pa'isi'kʉ jojosi'kʉ, oijʉ̃'ʉ chʉkʉnava'nare —chiijʉ tuhasinaa'me repana.

San Lucas 1:33

Mʉ'ʉ chĩipi Israelpãi si'arʉmʉ chʉ̃'ʉkʉ pa'ija'mʉ. Jmamakarʉjẽ'e cuhama'ñe chʉ̃'ʉkʉ pa'ija'mʉ repaʉ, —chiniasomʉ ángel repao'te María'te.

San Juan 7:42

Dios chʉ'o tocha jo'kasi'e ija'che kʉamʉ: Aperʉmʉ pa'isi'kʉ David aineesijoopo Belén vʉ'ejoopoji raija'mʉ Dios Raojaʉ. Mai aipãiʉ David Jojocojñosi'kʉ pa'ija'mʉ repaʉ Dios Raojaʉ, chiimʉ repa tocha jo'kasi'e —chiisinaa'me repana.

Los Hechos 2:30

Repaʉ David cheja pa'irʉmʉ Dios chʉ'o asa kʉakaiʉ paniasomʉ. Repaʉ'te ija'che i'kaasomʉ Dios: Mʉ'ʉ jojosinare na'a pa'isirʉmʉ jainʉkore paaja'mʉ mʉ'ʉ. Ũcuana Mamakʉji Israelpãire re'oja'che chʉ̃'ʉja'mʉ. Mʉ'ʉ chʉ̃'ʉñeja'ñe re'oja'che chʉ̃'ʉkʉ pa'ija'mʉ Repaʉ. Chʉ'o ũcuarepare i'kamʉ chʉ'ʉ, chiniasomʉ Dios repaʉ'te Davire.

Romanos 1:3

Aperʉmʉ tochasi'e Dios chʉ'o Mamakʉ pa'ijachere kʉamʉ. Dios Mamakʉ pãiʉ aineesi'kʉa'mʉ, aperʉmʉ pãi chʉ̃'ʉsi'kʉ David Jojosi'kʉ.

Romanos 4:13

Diopi chʉ̃'ʉʉna na'a pa'isirʉmʉ Abrahamna'me repaʉ jojosinajana Diore cuasana cheja pa'inare ũcuanʉkore re'oja'che chʉ̃'ʉjanaa'me. Dios ija'che i'kama'mʉ: “Abrahamre chʉ'ʉ chʉ̃'ʉsi'e cho'osi'kʉjekʉna cho'okaija'mʉ chʉ'ʉ”, chiima'mʉ Dios. Jã'ata'ni Abrahampi Repaʉni cuasakʉna repaʉ jojosinajanapi chʉ̃'ʉjʉ paapʉ chini cho'okaija'mʉ Dios, re'oja'che cho'okʉ'te cuasacheja'che cuasakʉ.

Romanos 9:5

Israel mamachĩi chʉkʉna aipãia'me. Ũcuaja'che Cristo, pãiʉ ainee Israel jojocojñosi'kʉa'mʉ. Ũcuaʉji Cristo Dioa'mʉ. Peore chʉ̃'ʉkʉjekʉ si'arʉmʉ pojocojñokʉ'mʉ Repaʉ. Jã'aja'ñe paaʉ.

Gálatas 3:16

Dios Abrahamre Repaʉ cho'okaijache i'karʉmʉ repaʉ jojocojñojanare jainʉkore i'kama'ñe te'eʉ pa'ijachechi'a i'kaasomʉ repaʉ jojocojñojaʉ pa'ijachere. Cristoa'mʉ repaʉ jojocojñosi'kʉ.

1 Timoteo 2:5

Dios Ũcuate'eʉ'mʉ. Ũcuachi'a maire I'kakaikʉ pãiʉ Ũcuate'eʉ'mʉ; Jesucristoa'mʉ Repaʉ. Jesucristochi'aa'mʉ maire Diona'me re'oja'che paapʉ chini Cho'okaikʉ.

2 Timoteo 2:8

Jesucristo pa'isi'ere cuasajʉ̃'ʉ. Aperʉmʉ pa'iʉ pãi chʉ̃'ʉsi'kʉ David jojocojñosi'kʉa'mʉ Repaʉ. Chuenisosi'kʉta'ni Diopi vasoʉna jo'e vajʉraisi'kʉa'mʉ. Ũcua kʉache'te Repaʉ Jesucristo'te cuasache kʉachʉ'ore chʉ'vakʉ pa'ikʉ'mʉ chʉ'ʉ.

El Apocalipsis 22:16

Jesús ija'che i'kamʉ: “Chʉ'ʉ, Jesupi, chʉ'ʉ neekʉre ángel'te saosi'kʉa'mʉ, chʉ'ʉre cuasakuanupʉãre chʉ'ore kʉakaaʉ chini. Aperʉmʉ pa'isi'kʉ David Jojocojñosi'kʉa'mʉ chʉ'ʉ. Chʉ'ʉre cuasanare ũcuanʉkore vañʉʉ miañeja'ñe re'oja'che pa'iche si'ache ĩsikʉ'mʉ chʉ'ʉ”, chiimʉ.