San Lucas 9:7 - Koreguaje

^7-8 Ũcuarʉmʉ chekʉna pãi Jesús pa'iche'te cutujʉ, “Diopi vasoʉna Juan jũnisoʉna tãcojñosi'kʉpi jo'e vajʉrani pa'imʉ”, chiniasome. Chekʉnata'ni, “Aperʉmʉ Dios chʉ'o kʉasi'kʉpi Elíapi jo'e vajʉrani pa'imʉ jã'ʉ”, chiniasome. Chekʉnata'ni, “Aperʉmʉ Dios chʉ'o kʉasinapi te'eʉ vajʉrani pa'imʉ jã'ʉ”, chiniasome. Reparʉmʉ Herodes, pãi jainʉkore chʉ̃'ʉkʉ Jesús cho'oche'te pãipi kʉajʉna asaasomʉ, pãi Jesure cutusi'e ũcuaja'che. Asa, “¿Je'se paakʉ ie?”, chini rʉa cuasaasomʉ repaʉ.

San Lucas 9:7 Iomraidhean Croise

San Mateo 11:2

Ũcuarʉmʉ Juan Pãi Okoro'vesiva'ʉ cu'ache cho'onare chẽa cuaovʉ'ere pa'iʉ Jesús cho'oche'te asa, “Dios Raosi'kʉ Cristocosomʉ repaʉ”, chini cuasaasomʉ. Jã'aja'ñe cuasa repaʉ neenare te'enare soni rao, “Jesure ija'che chiijʉ sẽniasajaijʉ̃'ʉ mʉsanʉkona: ‘¿Dios Raosi'kʉa'ʉ mʉ'ʉ? Mʉ'ʉpi Dios raomanesi'kʉ pa'ito, ¿Dios Raojaʉni ũcua cha'ajanaa'ñe chʉkʉna?’, chiijʉ̃'ʉ repaʉ'te Jesure”, chini saoasomʉ Juan repanare.

San Marcos 8:28

Sẽkʉna ija'che kʉaasome repana: —“Juan, Pãi Okoro'vesi'kʉcosomʉ jã'ʉ”, chiime pãi chekʉna mʉ'ʉre i'kani. Chekʉna, “Aperʉmʉ pa'isi'kʉ Elíaa'mʉ jã'ʉ”, chiime mʉ'ʉre. Jo'e chekʉna, “Aperʉmʉ Dios chʉ'o kʉasi'kʉpi jũnisõsi'kʉpi jo'e vajʉrani pa'imʉ jã'ʉ”, chiime mʉ'ʉre —chiniasome repana.

San Lucas 13:31

Ũcuarʉmʉ fariseopãi Jesure ija'che kʉaasome: —Herodes mʉ'ʉre vanisora chiimʉ. Icheja pa'imanejʉ̃'ʉ mʉ'ʉ. Tĩichejana saijʉ̃'ʉ —chiniasome.

San Lucas 21:25

Chini Jesús jo'e i'kaasomʉ repanare. —Ũcuaja'che reparʉmʉ Diopi chʉ̃'ʉʉna ʉ̃sʉʉna'me pãimiaʉna'me ma'jñoko, vajʉchʉache ñojʉna ña kʉkʉsõjanaa'me pãi. Ũcuaja'che chiaraãpi rʉa asoche fa'akʉna ña rʉa kʉkʉsõjanaa'me pãi si'achejña pa'ina.

San Lucas 23:7

Chikʉna, —Jʉ̃jʉ, ũcuacheja cakʉa'mʉ ikʉ —chiniasome repana. Kʉarena, “Ãa, Herodes chʉ̃'ʉcheja cakʉa'ʉ ikʉ”, chini cuasaasomʉ Pilato. Reparʉmʉ Herodepi Jerusalén vʉ'ejoopo'te rani pa'iʉna repaʉ pa'ivʉ'ena Jesure mʉvoasomʉ Pilato.

San Lucas 3:1

Reparʉmʉ Tiberiopi pãi ũcuanʉkore chʉ̃'ʉasomʉ. Repaʉ Tiberio quincerepaʉ̃sʉrʉmʉ chʉ̃'ʉrʉmʉna Poncio Pilato ũcuaja'che Judea cheja pa'inani chʉ̃'ʉasomʉ. Herodes ũcuaja'che Galilea cheja pa'inani chʉ̃'ʉasomʉ. Felipe ũcuaja'che Herodes cho'jeʉ Iturea cheja pa'inana'me Traconite cheja pa'inare chʉ̃'ʉasomʉ. Lisanias ũcuaja'che Abilinia cheja pa'inani chʉ̃'ʉasomʉ.

San Lucas 9:19

Chikʉna i'kaasome repana. —“Juan, Pãi Okoro'vekʉ'mʉ jã'ʉ”, chiime pãi chekʉna mʉ'ʉre i'kani. Chekʉna, “Aperʉmʉ pa'isi'kʉ Elíaa'mʉ jã'ʉ”, chiime mʉ'ʉre. Jo'e chekʉna, “Aperʉmʉ Dios chʉ'o kʉasi'kʉpi jũnisõsi'kʉpi jo'e vajʉrani pa'imʉ jã'ʉ”, chiime mʉ'ʉre —chiniasome repana repaʉ'te.