San Lucas 9:41 - Koreguaje

⁴¹ Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. Rʉa tĩiñe cuasame mʉsanʉkona. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ Jesús.

San Lucas 9:41 Iomraidhean Croise

San Mateo 11:28

Mʉsanʉkona aipãi chʉ̃'ʉ jo'kasi'ere, “Dios chʉ̃'ʉsi'ea'me ie”, chini peore cho'oñu chiime mʉsanʉkona te'ena. Jã'ata'ni repapi peore cho'ovesakʉna cho'ojʉ ca'nasõ rekoñoã sʉmava'na pa'ime mʉsanʉkona. Jã'aja'ñe pa'inare chʉ'ʉni raijʉ̃'ʉ chiimʉ chʉ'ʉ. Chʉ'ʉre rainare repana rekoñoãna cho'okaija'mʉ chʉ'ʉ, re'oja'che pa'ijʉ pojojʉ sʉmava'na pa'imanea'jʉ chini.

San Mateo 12:39

Chitena Jesús i'kasi'kʉa'mʉ. —Pãi irʉmʉ cana cu'ache pa'inaa'me. Chʉ'ʉre, “Dios raosi'kʉma'mʉ Jesús”, chiime repana. Jã'ata'ni chʉ'ʉre, “Diochi'a cho'omasiche'te cho'o ñojʉ̃'ʉ chʉkʉna'te”, chiime repana, chʉ'ʉ pa'iche'te masiñu chini. Jã'ata'ni cho'o ñoma'mʉ chʉ'ʉ repanare. Dios chʉ'o aperʉmʉ kʉasi'kʉ Jonás cho'ocojñosi'eja'chechi'a cho'ocojñoja'mʉ chʉ'ʉ.

San Mateo 12:45

Jã'ajekʉna jo'e sani chekʉnare vati repaʉ'te na'a rʉa cu'anani sieterepanare ku'e jñaa ra pãiʉ sa'navʉna pañu chini ũcuanʉko kakame repana. Jã'ajekʉna pãiʉ aperʉmʉ cu'ache pa'isi'e na'a rʉa cu'ache pa'imʉ. Irʉmʉ canare pãi cu'ache pa'inare ũcuaja'che rʉa cu'ache ti'jñeja'mʉ —chiisi'kʉa'mʉ Jesús.

San Mateo 16:4

Mʉsanʉkona cu'ache pa'ijʉ chʉ'ʉre masi cuasamanapi, rupʉ ñañu chini, “Diochi'a te'eʉ cho'omasiche'te cho'o ñojʉ̃'ʉ chʉkʉna'te; mʉ'ʉ pa'iche'te masiñu chʉkʉna”, chiime chʉ'ʉre. Jã'ata'ni cho'o ñomaneja'mʉ chʉ'ʉ mʉsanʉkonare. Chʉ'ʉpi Dios chʉ'o kʉasi'kʉ Jonás cho'ocojñosi'eja'chechi'a cho'ocojñokʉna ñajanaa'me mʉsanʉkona —chiisi'kʉa'mʉ repaʉ repanare. Chini repanare jo'ka sanisõsi'kʉa'mʉ repaʉ, chʉkʉna repaʉ neenana'me.

San Mateo 17:17

Chitena Jesús i'kasi'kʉa'mʉ. —Mʉsanʉkona pãi irʉmʉ cana rʉa tĩiñe cuasajʉ masi cuasama'me chʉ'ʉre. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ repava'ʉre mʉ'ʉ chĩiva'ʉre —chiisi'kʉa'mʉ.

San Mateo 23:36

Ũcuarepaa'me jã'a. Irʉmʉ pa'inapi repana cho'osi'e peore ro'ijanaa'me mʉsanʉkona —chiisi'kʉa'mʉ Jesús repanare.

San Mateo 3:7

Reparʉmʉ Juan fariseopãina'me saduceopãi repaʉni okoro'vecojñoñu chini jainʉko satena ña ija'che i'kaasomʉ repanare: —Mʉsanʉkona te'ena chuta'a cu'ache cho'oche ũhamanajejʉ aña pa'icheja'che cu'ache pa'ime. “Maipi okoro'vecojñoru Dios maire cu'ache cho'omaneja'mʉ”, chini cuasajʉ raime mʉsanʉkona. ¿Neepi che'chorena jã'aja'ñe cuasache mʉsanʉkona?

San Marcos 10:14

Ʉ̃sepi'rajʉna ña Jesús pe'rukʉ i'kaasomʉ repanare. —Chĩiva'nare chʉ'ʉre raiʉ̃semanejʉ̃'ʉ mʉsanʉkona, chʉ'ʉni raapʉ. Iva'na chĩiva'naja'ñe pa'ijʉ chʉ'ʉre masi cuasanapi Dios chʉ'o asa chẽajanaa'me.

San Marcos 10:49

Jã'aja'ñe i'kakʉ cuikʉna asa canʉka, —Repaʉ'te soijʉ̃'ʉ —chiniasomʉ Jesús. Chikʉna repana pãi na'ava'ʉni soijʉ i'kaasome. —Koka paakʉ vʉni raijʉ̃'ʉ. Jesús mʉ'ʉre soimʉ —chiniasome repana repaʉ'te.

San Marcos 9:19

Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ repaʉ.

San Lucas 8:25

Jã'aja'ñe cho'ocuha Jesús repaʉ neenare i'kaasomʉ. —¿Je'se pa'iʉna mʉsanʉkona chʉ'ʉre masi cuasama'ñe? —chiniasomʉ repaʉ. Chikʉna vajʉchʉjʉ rʉa cuasajʉ sãiñechi'a sẽniasaasome repana. —¿Keeja'iʉjekʉ ikʉ jã'aja'ñe cho'okʉ? Ikʉpi chʉ̃'ʉʉna tutasi'e cuhasõmʉ, fa'asi'ejẽ'e ũcuaja'che —chiniasome repana Jesús neena.

San Lucas 9:40

Mʉ'ʉ neenare sẽesi'kʉa'mʉ chʉ'ʉ, vatini eto saokaapʉ chini. Jã'ata'ni etovesʉsinaa'me repana —chiniasomʉ repaʉ.

San Lucas 9:42

Chikʉna raniasomʉ repava'ʉ. Raiʉna vatipi cho'o tãuʉna ũhiʉ vẽ've curuasomʉ repaʉ. Jã'aja'ñe cho'okʉna ña Jesupi vatini, “Etajʉ̃'ʉ”, chikʉna etaasomʉ vati. Repava'ʉre vaso pi'ni, pʉka'kʉni co'choasomʉ repaʉ.

San Juan 14:9

Chikʉna i'kasi'kʉa'mʉ repaʉ. —Felipe, asarepajʉ̃'ʉ. ¿Chʉ'ʉre mʉsanʉkonare rʉa jeerʉmʉ ja'me pa'ikʉ'te chʉ'ʉ pa'iche chuta'a vesʉkʉ mʉ'ʉ? Pãi chʉ'ʉ pa'iche ñana Ja'kʉ pa'iche ũcuaja'che ñame. Jã'ata'ni, ¿je'sejekʉna mʉ'ʉ chʉ'ʉre, “Mʉja'kʉni ñojʉ̃'ʉ chʉkʉna'te”, chiikʉ?

San Juan 20:27

Chini repaʉ'te Tomare i'kasi'kʉa'mʉ. —Chʉ'ʉ jʉ̃jña jẽ'josicojñana mʉ'ʉ mʉoñoji cuacha ñajʉ̃'ʉ. Ũcuachi'a chʉ'ʉ me'jupo totacojñosicoje mʉ'ʉ jʉ̃tʉpi suãni ña jachama'ñe cuasajʉ̃'ʉ chʉ'ʉre. Ũcuaʉ'mʉ chʉ'ʉ —chiisi'kʉa'mʉ repaʉ.

Los Hechos 13:18

Eto pãi peochejana rao rʉa cu'ache cho'onareta'ni cuarentarepaʉ̃sʉrʉmʉ kuirakʉ paniasomʉ Dios repanare repacheja pa'irʉmʉ.

Los Hechos 2:40

Chini repanare rʉa chʉ'vaasomʉ repaʉ, ija'che chiiʉ: —Ina pãi icheja pa'ina Jesucristo'te cuhena peore cho'osõjanaa'me. Rʉa cu'ache pa'ija'mʉ repanare. Mʉsanʉkonata'ni cho'osõmanejʉ̃'ʉ —chiniasomʉ repaʉ.

Romanos 2:4

Jã'ata'ni Dios mʉsanʉkonare rʉa re'oja'che cho'okaimʉ. Mʉsanʉkonare cuhema'ñe oiʉ cha'akʉ pa'imʉ Repaʉ, chekʉrʉmʉ na'a pa'isirʉmʉ mʉsanʉkona cu'ache cho'oche'te sʉma'ñe cuasa ũhaso Repaʉ chʉ̃'ʉñe'te cho'oa'jʉ chini. ¿Mʉsanʉkona cuasama'ñe jã'a? ¿Jã'aja'ñe cho'okaikʉ'te Diore vajʉchʉma'ñe mʉsanʉkona?

Hebreos 3:19

Jã'ajekʉna jã'are asa cuasajʉ masime mai repanare Dios i'kache jachajʉna kakaʉ̃sesi'e.

Hebreos 4:11

Jã'ajekʉna mai ũcuanʉko cava etajani re'oja'che pañu chini peore cho'ore'ochetʉ'ka masi cuasajʉ re'oja'che cho'ojʉ pañu; te'eʉjẽ'e aperʉmʉ pa'isina cho'osi'eja'che jachajʉ cacu'asomaneñu mai.

Hebreos 4:2

Mai ũcuachi'a Dios chʉ'o re'oja'che kʉacojñosinaa'me, Moisena'me pa'isinare kʉasi'eja'che. Jã'ata'ni repanare Dios chʉ'o re'oja'che asa jachasinare re'oja'imaneasomʉ, jachajʉna.

Hebreos 7:25

Jã'ajekʉna Repaʉni Cristoni cuasajʉ sẽenare Si'arʉmʉ Pa'ikʉjekʉ maire Dioni sẽekaiʉ, mai rekoñoã re'ojarekoñoã care'vakaimʉ Repaʉ.