San Lucas 9:4 - Koreguaje

⁴ Sani ku'ijʉ vʉ'ejoopo tĩ'ani mʉsanʉkonare chiina vʉ'ere canʉka pa'ijʉ̃'ʉ, tĩicheja saichetʉ'ka.

San Lucas 9:4 Iomraidhean Croise

San Mateo 10:11

’Sani ku'ijʉ vʉ'ejoopona tĩ'ani repajoopo cakʉpi re'okʉji, “Chʉ'ʉ vʉ'ere rani pa'ijʉ̃'ʉ”, chiikʉ vʉ'ere mʉa pa'ijʉ̃'ʉ, mʉsanʉkona repacheja sairʉmʉjatʉ'ka.

San Marcos 6:10

Ũcuarʉmʉ Jesús jo'e i'kaasomʉ repaʉ neenare. —Sani ku'ijʉ vʉ'ejoopo tĩ'ani mʉsanʉkonare chiina vʉ'ere canʉka pa'ijʉ̃'ʉ, tĩicheja saichetʉ'ka.

San Lucas 9:3

Jã'aja'ñe i'ka pi'ni Jesús ija'che i'kaasomʉ repanare: —Mʉsanʉkonapi sani cu'amakarʉjẽ'e samanejʉ̃'ʉ. Vãsoñoã mʉsanʉkona jʉ'vejʉ ku'iñoãjẽ'e samanejʉ̃'ʉ. Turu cu'amajñarʉã mañajaturujẽ'e samanejʉ̃'ʉ. Ãujẽ'e samanejʉ̃'ʉ. Kurijẽ'e samanejʉ̃'ʉ. Kãñajẽ'e samanejʉ̃'ʉ. Kãña sa'ñejʉ ju'ikãñajẽ'e sama'ñe mʉsanʉkona ju'ikãñarʉãchi'a ju'ijʉ ku'ijʉ̃'ʉ.

San Lucas 9:5

Jã'ata'ni pãi mʉsanʉkonare cuhena pa'ijoopoã canʉkamanejʉ̃'ʉ. Mʉsanʉkonare cuhena pa'ijoopoã etani mʉsanʉkona cũ'akorophe're chʉ̃'isi'e cha'ore tĩ'to to'jñojʉ eta saijʉ̃'ʉ. Jã'aja'ñe cho'oru mʉsanʉkonare repana cuhesi'e masijanaa'me repana —chiniasomʉ Jesús repaʉ neenare.

Los Hechos 16:15

Asa chẽa pojoko okorocojñosi'koa'mo repao, majapãina'me peore. Majapãina'me repao okoro'vecojñosirʉmʉ soisi'koa'mo repao chʉkʉna'te, repao vʉ'ere sani paapʉ chini. —Mʉsanʉkonapi chʉ'ʉre, “Jesure cuasarepako'mo mʉ'ʉ”, chiina pani chʉ'ʉ vʉ'ere rani pa'ijʉ̃'ʉ —chiisi'koa'mo repao chʉkʉna'te. Jã'aja'ñe i'kaona repao vʉ'ere sani pa'isinaa'me chʉkʉna.