San Lucas 8:5 - Koreguaje

⁵ —Pãiʉ trigo'te chu'chura chini chiona saniasomʉ. Sani tĩ'a pachu ku'iʉ chu'chukʉna trigocaã te'era'karʉã ma'ana tuã'tuaasomʉ. Ma'ana tuã'tuaʉna repara'karʉã pãipi cha'caasome. Jã'ajekʉna pĩ'ava'napi rani ãkuesõasome repara'karʉã.

San Lucas 8:5 Iomraidhean Croise

San Mateo 13:37

Chitena Jesús ija'che i'kasi'kʉa'mʉ: —Ija'chea'me jã'a: Chʉ'ʉ pãire ja'me paaʉ chini Dios Raosi'kʉ re'ojara'karʉã tãsi'kʉja'che pa'imʉ. Repaʉ pãiʉ trigora'karʉã re'ojara'karʉã tãasomʉ. Chʉ'ʉ ũcuaja'che Dios chʉ'o re'oja'chere chʉ'vamʉ.

San Mateo 5:13

Ũcuarʉmʉ Jesús chʉkʉna'te jo'e chʉ'vasi'kʉa'mʉ. —Ũha sãija'iʉ rʉa re'omʉ. Mʉsanʉkona ũcuachi'a chʉ'ʉre cuasanajejʉ re'oja'che pa'ijʉ ũhaja'ñe pa'ime icheja cheja. Jã'ata'ni ũhapi sãija'ñeji si'asõru, ¿je'se cho'ojanaa'ñe pãi, ũhapi sãijaaʉ chini? Jo'e sãija'ñe cho'ocu'amʉ repa. Cu'akʉna ve'sena sẽjoru pãi chekʉnapi ku'ijʉ cha'came repa ũha.

San Marcos 4:15

Trigora'karʉã te'era'karʉã ma'ana tuãni chejapi rʉarepa jʉjakʉna kakama'mʉ. Trigocaã chu'chusicaã chejapi rʉarepa jʉjakʉna kakama'ñeja'ñe pãi te'enare repana rekoñoã Dios chʉ'o kakama'mʉ. Asanareta'ni vati aipi ʉ̃semʉ repanare, Dios chʉ'o asa chẽamanea'jʉ chini.

San Lucas 8:4

Ũcuarʉmʉ Jesupi ku'iʉ chʉ'vakʉna pãi jainʉko si'achejña pa'ijoopoã pa'inapi ñañu chini eta chi'iasome. Chi'irena repanani chʉ'vakʉ ija'chere cuasakʉ kʉaasomʉ Jesús:

San Lucas 8:6

Chekʉra'karʉãta'ni cata pa'ichejana tuã'tua na'mi aineesi'eta'ni okopi peokʉna phã'pha jũnisõasomʉ.

Hebreos 2:1

Jã'aja'ñejekʉna mai asasi'e chʉ'o na'a masi asa chẽa cho'ojʉ pañu; mai cho'omairo pani ma'a tĩima'ana sani cavesʉsocheja'che cu'are cho'ojʉ cacu'asojanaa'me.