San Lucas 7:37 - Koreguaje

³⁷ Reparʉmʉ romio, cu'ache pa'iko ũcuajoopo'te paniasomo. Jesús fariseopãiʉ vʉ'ena ãu ãsa chini mʉasi'ere asa, okoma'ñatʉopʉ alabastroji cho'ositʉopʉ mini ũcuavʉ'ena mʉaasomo repao.

San Lucas 7:37 Iomraidhean Croise

San Mateo 21:31

Jã'aja'ñe kʉa pi'ni repanare ija'che sẽniasasi'kʉa'mʉ repaʉ: —Mʉsanʉkona cuasato repaʉ mamachĩi, ¿kaʉpi pʉka'kʉ chiiche cho'okakʉ? —chiisi'kʉa'mʉ. Chikʉna i'kasinaa'me repana. —Charo i'kacojñosi'kʉ —chiisinaa'me. Chitena Jesús repanare ija'che i'kasi'kʉa'mʉ: —Juan Pãi Okoro'vekʉ rani mʉsanʉkonare, Dios chʉ̃'ʉñe cho'ona re'oja'che pa'iche'te chʉ'vasi'kʉa'mʉ. Jã'ata'ni jachasinaa'me mʉsanʉkona. Jã'a cho'oto Romapãi kuri kookainana'me sĩ'uromi, Juan chʉ'vasi'ere asa chẽa repana cu'ache cho'oche ũhasõsinaa'me. Jã'aja'ñe cho'osinajejʉ repana jũnisõsirʉmʉ Dios pa'ichejana saijanaa'me. Mʉsanʉkonata'ni repana cho'oche peore ñasinata'ni mama cuasa cu'ache cho'oche ũhasõmanesinajejʉ saimanejanaa'me. Ũcuarepaa'me jã'a —chiisi'kʉa'mʉ repaʉ.

San Lucas 18:13

Chekʉ kuri kookaikʉta'ni repaʉ cu'ache cho'osi'ere cuasa cʉnaʉmʉ Dios pa'ichejajekʉna ñavajʉchʉkʉ so'ore sʉmava'ʉ meñe sime nʉkakʉ paniasomʉ. Sʉmava'ʉ nʉkasi'kʉpi ã'capʉna vaiʉ Diore ija'che sẽniasomʉ repaʉ: “Ãa, Ja'kʉ Dios, cu'ache pa'ikʉ'mʉ chʉ'ʉ. Jã'ata'ni oijʉ̃'ʉ chʉ'ʉva'ʉre”, chiniasomʉ repaʉ —Jã'aja'ñe kʉaasomʉ Jesús repanare.

San Lucas 19:7

Mʉvakʉna ña pãi ũcuanʉko pe'rujʉ cu'ache i'kaasome Jesure. “Pãiʉ cu'akʉ vʉ'ena canʉkara chini mʉamʉ jã'ʉ Jesús”, chiniasome repana ũcuanʉko.

San Lucas 5:30

Ñu'ijʉ fariseopãina'me judíopãi che'chona Jesús neenani ke'rejʉ, —¿Je'se pa'iʉna mʉsanʉkona kuri kookainana'me cu'ache pa'inare ja'me ãu ãiñe? —chiniasome repana.

San Lucas 5:32

Chʉ'ʉ ũcuaja'che pãi, “Re'onaa'me chʉkʉna”, chiinani, “Cu'ache cho'oche ũhasõ re'oja'che pa'ijʉ̃'ʉ”, chisa chini cajesi'kʉma'mʉ icheja cheja. Pãi, “Cu'ache pa'inaa'me chʉkʉna”, chiiva'narechi'a, “Mʉsanʉkona cu'ache cho'oche ũhasõ re'oja'che pa'ijʉ̃'ʉ”, chisa chini cajesi'kʉa'mʉ chʉ'ʉ —chiniasomʉ repaʉ.

San Lucas 7:34

Chura chʉ'ʉpi Dios Raocojñosi'kʉpi rani pa'iʉ si'aumucujña ãu ãiʉ ũkukʉna ña, “Ãi aia'mʉ mʉ'ʉ. Cono ũku aia'mʉ mʉ'ʉ. Ũcuachi'a pãi cu'ache pa'inana'me pãi chʉ̃'ʉnare kuri kookainare oiʉ pa'ikʉ'mʉ mʉ'ʉ”, chiijʉ cuheme mʉsanʉkona chʉ'ʉre.

San Lucas 7:36

Ũcuarʉmʉ fariseopãiʉ Simón Jesuni ãure ãura chini soniasomʉ. Sokʉna repaʉ vʉ'ena mʉa kaka ãure ãsa chini pʉʉ ñuniasomʉ repaʉ.

San Juan 11:2

Repao María Jesús cũ'ana okoma'ña ro repao rañapi tʉ'nesi'koa'mo.

San Juan 9:24

Ũcuarʉmʉ repana judío aina na'ava'ʉ pa'isi'kʉre jo'e soni i'kaasome. —Dios ñakʉ'te chʉ'o ũcuarepare i'kajʉ̃'ʉ. “Mʉ'ʉre vasomʉ chʉ'ʉ”, chiisi'kʉ cu'akʉ'mʉ —chiniasome repana.

San Juan 9:31

Cu'ache pa'ina sẽeñe cho'okaima'mʉ Dios. Jã'are masime mai. Repaʉ'te Diore pojojʉ Repaʉ chʉ̃'ʉñe cho'ona sẽeñeta'ni cho'okaikʉ'mʉ Repaʉ.

Romanos 5:8

Jã'ata'ni Dios maire na'a rʉa oimʉ. Repaʉ maire oiche ija'che cho'o ñosi'kʉa'mʉ Dios: Mai chuta'a cu'ache cho'orʉmʉ Jesucristoji mai cu'ache cho'oche'te jũni ro'ikaaʉ chini chʉ̃'ʉsi'kʉa'mʉ.

1 Timoteo 1:15

Ie chʉ'o ũcuarepajekʉna jachama'ñe cuasache pa'imʉ maire ũcuanʉkore: Jesucristo icheja cheja pãire, cu'ache cho'onani ũcuanʉkore jũni ro'ikasa chini raisi'kʉa'mʉ, mai cu'are Repaʉji jũni ro'ikakʉna maipi vati toa saimanea'jʉ chini. Jã'ajekʉna Dios chʉ'ʉre te'eʉ chekʉnare ũcuanʉkore na'a rʉa cu'ache cho'osi'kʉreta'ni oiʉ Repaʉ Jesucristo jmamakarʉjẽ'e pe'ruma'ñe cha'akʉ pa'iche cho'o ñosi'kʉa'mʉ chekʉnare, Repaʉni cuasajʉ jovo Ũcuaʉna'me ai pa'ijanare.

1 Timoteo 1:9

Re'oja'che pa'inani chʉ̃'ʉkʉ jo'kasi'emaʉasomʉ jã'a. Ija'che cho'onapi repana cu'ache cho'oche'te cuasa masi jo'e cho'omanea'jʉ chini jo'kasi'easomʉ: Repa chʉ̃'ʉsi'e jachanana'me chʉ̃'ʉnare cuhenare, Diore cuhenana'me cu'ache cho'onare, Diore vajʉchʉmapʉ Repaʉ'te pojomajñarʉã cho'ocuhenare, pʉka'kʉpãi vanisonana'me chekʉnare vanisonare,

1 San Pedro 4:18

Dios chʉ'o tocha jo'kasi'e ija'che kʉamʉ repa: Re'oja'che pa'inarejẽ'e Dios pa'icheja saiche vesato, ¿je'se pa'ija'ʉ Repaʉni cuasacuhejʉ cu'ache cho'onare? chiimʉ.