San Lucas 7:3 - Koreguaje

³ Repaʉ sõtao chʉ̃'ʉkʉ jũ'iva'nare Jesús vasoche asasi'kʉjekʉ judíopãi ainare Jesús pa'ichejana saoasomʉ, Jesuni kʉa raorena repaʉ'te cho'oche cho'okaikʉni rani vasoa'kʉ chini.

San Lucas 7:3 Iomraidhean Croise

San Mateo 8:5

Repaʉ Jesús Capernaum vʉ'ejoopo sani tĩ'asirʉmʉ Romapãiʉ sõtao cienrepanare chʉ̃'ʉkʉ repaʉ pa'ichejana rani cho'okaaʉ chini ija'che chiiʉ sẽesi'kʉa'mʉ repaʉ'te: —Pãi Ũcuanʉkore Paakʉ, chʉ'ʉre cho'oche cho'okaiva'ʉ jũ'iʉ repaʉ ca'nivʉ ru'tusõsiva'ʉ ũhimʉ. Ũcuachi'a repaʉ ca'nivʉ peore rʉa asiche asikʉasomʉ —chiisi'kʉa'mʉ repaʉ.

San Lucas 7:2

Repajoopo sani tĩ'ato Romapãiʉ sõtao cienrepanare chʉ̃'ʉkʉ paniasomʉ. Repaʉ'te cho'oche cho'okaikʉ repaʉ rʉa chiicojñokʉji jũnisopi'raasomʉ.

San Lucas 7:4

Jã'aja'ñe i'ka saoʉna Jesús pa'ichejana sani tĩ'a repaʉ'te rʉa i'kaasome repana. —Sõtao chʉ̃'ʉkʉ mʉ'ʉre soimʉ, sani repaʉ'te cho'oche cho'okaikʉni vasokaaʉ chini. Mai judíopãi chi'ivʉ'ere chʉkʉnapi cho'oa'jʉ chini kookaisi'kʉa'mʉ repaʉ. Rʉa re'opãiʉ'mʉ repaʉ sõtao chʉ̃'ʉkʉ. Maire judíopãi oikʉ'mʉ repaʉ. Jã'ajekʉna repaʉ sẽeñe cho'okaijʉ̃'ʉ —chiniasome repana.

San Lucas 8:41

Reparʉmʉ Jairo judíopãi chi'ivʉ'e chʉ̃'ʉkʉ rani Jesure ti'jñeñe ro're pʉʉ ñu'iʉ, —Chʉ'ʉre vʉ'ena ja'me saijʉ̃'ʉ —chiniasomʉ.

San Lucas 9:38

Ratena repanare pãi ja'me pa'ikʉji cuikʉ Jesuni re'oja'chere sẽniasomʉ. —Masiʉ, chʉ'ʉ chĩiva'ʉre ñajʉ̃'ʉ. Ũcuate'eva'ʉa'mʉ ikʉ.

San Juan 4:47

Judea chejapi Galilea chejana Jesús raisi'e asaasomʉ repaʉ. Asa, repaʉ mamakʉji jũnisõpi'rakʉna Jesús pa'ichejana sani rʉa i'kaasomʉ repaʉ, Jesupi repaʉ vʉ'ena sani mamakʉni vasokaaʉ chini.

Filemón 1:10

Mʉ'ʉpi Onésimoni oiʉ re'oja'che cho'okaaʉ chini sẽemʉ chʉ'ʉ. Chʉ'ʉpi pãi chẽavʉ'ere pa'iʉ Dios chʉ'ore chʉ'vakʉna asa chẽa Jesucristo'te cuasamʉ repaʉ Onésimo. Jã'ajekʉna chʉ'ʉ chĩija'iʉ'mʉ repaʉ.