San Lucas 7:14 - Koreguaje

¹⁴ Chini jũ'isiva'ʉ ũhikãa kueñe tĩ'a ũcuakãana chẽaʉna repava'ʉre sana canʉkaasome. Canʉkarena Jesús jũ'isiva'ʉre ija'che i'kaasomʉ: —Põsʉʉ, vajʉraijʉ̃'ʉ chiimʉ chʉ'ʉ mʉ'ʉre —chiniasomʉ.

San Lucas 7:14 Iomraidhean Croise

San Marcos 5:41

Kaka Jesús jũ'isiva'o jʉ̃tʉna chẽakʉ i'kaasomʉ. —Talita, cumi —chiniasomʉ Jesús repava'ore. (“Talita, cumi” chini “Romichĩiva'o, vʉni nʉkajʉ̃'ʉ” chiimʉ tĩichʉ'o.)

San Lucas 7:13

Saijʉna jũ'isiva'ʉ pʉka'koni ña oiʉ ija'che i'kaasomʉ Jesús: —Oimanejʉ̃'ʉ mʉ'ʉ —chiniasomʉ repaʉ.

San Lucas 7:15

Jesupi jã'aja'ñe i'kaʉna põsʉʉ jũnisosiva'ʉ pa'isi'kʉ vajʉrani vʉni ñu'iʉ chʉ'ore cutuasomʉ. Repava'ʉre vaso pʉka'koni ĩsiasomʉ Jesús.

San Lucas 7:17

Ũcuarʉmʉ pãipi Jesús cho'osi'ere asa chekʉnani kʉarena Judea cheja pa'ina peore repaʉ cho'osi'e asaasome. Judea cheja kueñe pa'ina ũcuaja'che pãipi kʉajʉna repaʉ cho'osi'e asaasome.

San Juan 11:25

Chikona i'kasi'kʉa'mʉ repaʉ. —Chʉ'ʉa'mʉ pãi jũnisõsinare vasokʉ. Ũcuachi'a pãi rekoñoãna re'oja'chere pa'iche jo'kakʉ'mʉ chʉ'ʉ. Pãi chʉ'ʉre cuasanapi jũnisõsina chʉ'ʉpi jo'e rani vasoʉna vajʉrani re'oja'che pa'ijanaa'me.

San Juan 5:21

Ja'kʉ jũnisõsinare vasokʉ'mʉ vajʉa'jʉ chini. Chʉ'ʉ Repaʉ Mamakʉ ũcuaja'che chʉ'ʉre ʉanare vasokʉ'mʉ.

San Juan 5:25

Pãi Diore cuasamana jũnisõsinaja'ñe pa'ime. Jã'ata'ni chʉ'ʉpi Dios Mamakʉji chʉ'vakʉna asa pãi ũcuaʉana cuasani jũni vajʉraisina pa'icheja'che, pa'iche re'oja'chere pa'ijanaa'me. Na'a pa'isirʉmʉ ti'jñeja'mʉ chʉ'ʉ i'kasi'e. Chura tijñacuhamʉ repa. Ũcuarepaa'me jã'a.

Romanos 4:17

Ie Diopi i'kakʉna asajʉ tochaasome pãi: Abraham, mʉ'ʉ jojosina rʉa jainʉko pa'ijʉ si'avãjʉpãi pa'ijanaa'me, chiniasomʉ Dios Abrahamre. Repaʉ'te cuasakʉjekʉ Abraham Diopi ñato mai aipãiʉ'mʉ. Repaʉ Dios si'ache cho'omasikʉ'mʉ. Jũnisosinare vasomʉ paapʉ chini. Ũcuachi'a pãi chuta'a peorʉmʉ, “Paapʉ”, chikʉna pa'ime chura.

Efesios 5:12

Repana rope'e cho'oche i'kavajʉchʉache'me.