San Lucas 6:45 - Koreguaje

⁴⁵ Pãi ũcuaja'che re'oja'che cuasana re'oja'chere cutume. Ũcuaja'che pãi cu'ache cuasana cu'ache'te cutume. Pãi ũcuanʉko repana rekoñoã cuasache cutunaa'me —chiiʉ chʉ'vaasomʉ Jesús repanare.

San Lucas 6:45 Iomraidhean Croise

San Juan 7:38

Dios chʉ'o tocha jo'kasi'e chʉ'ʉre cuasana pa'iche ija'che kʉamʉ: Chiañaã si'arʉmʉ mevoñeja'ñe repana rekoñoã si'arʉmʉ re'oja'che pa'ijanaa'me, chiimʉ repa tocha jo'kasi'e —chiisi'kʉa'mʉ Jesús.

Los Hechos 5:3

Jã'aja'ñe chiiʉ ĩsiʉna Pedro repaʉ'te ija'che i'kaasomʉ: —Ananías, ¿je'se pa'iʉna mʉ'ʉ vati ai chʉ̃'ʉñe'te cu'ache cho'okʉ? Mʉ'ʉ cheja ĩsisõ koosi'e kuri joopo miisi'ere jo'kasi'kʉa'mʉ mʉ'ʉ chʉkʉna'te, “Ũcuanʉkorʉ'me ie”, chiiʉ. Jã'aja'ñe cho'okʉ, Dios Rekocho'te joresi'kʉa'mʉ mʉ'ʉ.

Efesios 3:8

Chʉ'ʉre Repaʉ neenare na'a rʉa cu'ache cho'osi'kʉreta'ni soisi'kʉa'mʉ Dios, mʉsanʉkonare judío peonani Jesucristo Repaʉ neenare karama'ñe re'oja'che cho'okaiche'te chʉ'vaa'kʉ chini.

Efesios 4:29

Cu'ache i'kama'ñe re'oja'chechi'a i'kajʉ̃'ʉ, mʉsanʉkona i'kache'te pãipi asa vajʉ na'a re'oja'che paapʉ chini.

Efesios 5:19

Dioni pojojʉ ujare ujajʉ Dios chʉ'ore i'kajʉ sãiñechi'a re'oja'che che'chojʉ̃'ʉ. Mʉsanʉkona rekoñoãpi pojojʉ ujajʉ̃'ʉ, Maire Paakʉji asa pojoa'kʉ.

Colosenses 3:16

Cristo chʉ'ore asa chẽa si'arʉmʉ cuasajʉ sãiñechi'a masi che'chojʉ re'oja'che chʉ'vajʉ pa'ijʉ̃'ʉ. Dios mʉsanʉkonare cho'okaiche'te cuasajʉ Repaʉni pojojʉ Dios ujare ujajʉ pa'ijʉ̃'ʉ.

Colosenses 4:6

Repanare cutuni si'arʉmʉ re'oja'chere asare'oche i'kajʉ pa'ijʉ̃'ʉ, pãipi mʉsanʉkonani Dios pa'iche'te sẽeto i'kamasiñu chini.

Hebreos 8:10

Na'a pa'isirʉmʉ Israel jojosinare mamare, “Ija'che cho'oñu”, chiija'mʉ chʉ'ʉ, Pãi Ũcuanʉkore Paakʉ. Repana rekoñoãre chʉ'ʉ chʉ̃'ʉñe paaa'jʉ chini cho'okaija'mʉ chʉ'ʉ repanare. Chʉ'ʉni Dioni masi cuasajʉ chʉ'ʉ neena pa'ijanaa'me repana.

San Judas 1:15

Pãi ũcuanʉko cho'osi'ere ro'iche chʉ̃'ʉra chini raimʉ. Cu'anani repana cu'ache cho'osi'e ro'i, ũcuachi'a cu'anajejʉ Repaʉni jachajʉ cuhejʉ cu'ache i'kasi'e ro'ia'jʉ chini chʉ̃'ʉra chini raimʉ Repaʉ”, chiniasomʉ repaʉ Enoc.