San Lucas 6:11 - Koreguaje

¹¹ Jã'aja'ñe cho'oʉna ña Jesure rʉa pe'ruche pe'ruasome repana. Pe'rujʉ, “¿Je'se mai jã'ʉre cho'ojanaa'ñe?”, chini sãiñechi'a cutuasome repana.

San Lucas 6:11 Iomraidhean Croise

San Mateo 16:7

Chikʉna chʉkʉna ija'che cuasajʉ sãiñechi'a i'kasinaa'me: —Maipi pãre ramanerena jã'aja'ñe i'kacosomʉ ikʉ —chiisinaa'me chʉkʉna.

San Mateo 21:45

Ũcuarʉmʉ judío phairipãi chʉ̃'ʉnana'me fariseopãi Jesús cuasakʉ i'kasi'ere asa masi, “Ikʉ Jesús Ũcuaʉ cuasakʉ kʉacheji maini cu'ache i'kamʉ”, chiijʉ pe'rusinaa'me.

San Lucas 4:28

Jesupi judío peonare Dios cho'okaiche'te kʉaʉna asa repavʉ'e pa'ina ũcuanʉko rʉa pe'ruasome repaʉ'te.

San Lucas 6:10

Chini ũcuanʉkore chʉri ña, cu'ajʉ̃tʉrʉ paakʉ'te ija'che i'kaasomʉ: —Mʉ'ʉ jʉ̃tʉ saʉjʉ̃'ʉ —chiniasomʉ. Chikʉna saʉasomʉ. Saʉʉna repajʉ̃tʉ teana re'ojajʉ̃tʉ care'osoasomʉ.

San Lucas 6:12

Na'a pa'isirʉmʉ Jesús aikũtina mʉniasomʉ, Dioni sẽsa chini. Mʉni te'eñami sẽeʉ ñataasomʉ repaʉ.

San Juan 11:47

Kʉarena asa repana fariseopãina'me phairipãi chʉ̃'ʉna judíopãi ũcuanʉkore chʉ̃'ʉnare soni chi'i i'kaasome. —Repaʉ Jesús Diochi'a cho'omasiche rʉa cho'okʉasomʉ. ¿Je'se cho'ojanaa'ñe mai?

San Juan 7:1

Jã'a cho'o pi'nisirʉmʉ repaʉ Jesús Galilea chejare pa'iʉ vʉ'ñajoopoã peore ku'isi'kʉa'mʉ. Judea chejata'ni saicuheasomʉ repaʉ, judíopãi chʉ̃'ʉnapi repaʉni vanisõñu chiijʉna.

Los Hechos 26:11

Chʉkʉna judíopãi chi'ivʉ'ña si'arʉmʉ mʉa kaka repanare chẽa cu'ache cho'okʉ pa'isi'kʉa'mʉ chʉ'ʉ. Repanapi Dioni cu'ache i'kaa'jʉ chini rʉa cu'ache cho'osi'kʉa'mʉ chʉ'ʉ repanare. Repanare rʉa pe'ruche pe'rukʉ tĩipãi pa'ijoopoãjatʉ'ka repanani chẽara chini ku'isi'kʉa'mʉ chʉ'ʉ.

Los Hechos 4:15

Jã'ajekʉna i'kavesʉjʉ repana chi'i pa'iruupʉ nʉkanare etoche'te chʉ̃'ʉasome repana aina. Etoso ainachi'a cutuasome repana.

Los Hechos 4:19

Jã'ata'ni Pedrona'me Juan ija'che i'kaasome repanare: —Cuasa ñajʉ̃'ʉ aperʉmʉ mʉsanʉkonachi'a. ¿Jeepi na'a re'okʉ chʉkʉnapi re'oja'chere cho'ojʉna ñakʉ Diopi na'a rʉa pojoa'kʉ chini? ¿Mʉsanʉkona chʉ̃'ʉñe'te jachama'ñe cho'ojʉ Dios chʉ̃'ʉñe'te cho'omanejanaa'ñe chʉkʉna, Repaʉ chʉ̃'ʉñe'te jachama'ñe cho'orʉja'chere? Re'oja'ima'mʉ jã'a.

Los Hechos 5:33

Chikʉna repana judío aina asa rʉa pe'ruasome. Pe'rujʉ Jesús saosinare vanisoñu chiniasome repana.

Los Hechos 7:54

Jã'aja'ñe i'kaʉna asa judío aina rʉa pe'ruche pe'rujʉ tea ñaasome repaʉ'te.

2 Timoteo 3:9

Jã'ata'ni pãi ũcuarepanʉko asa chẽamanejanaa'me repana jorechʉ'o. Repana jorena cho'oche pãi ũcuanʉko ña masijanaa'me, Moise'te cuhesina Janena'me Jambres cu'ache cho'ojʉ ña masicojñosi'eja'che.