San Lucas 4:6 - Koreguaje

^6-7 Ñokʉ ija'che i'kaasomʉ repaʉ repaʉ'te: —Cheja pa'iche peore rʉa re'oja'chea'me. Aperʉmʉna chʉ'ʉre ĩsisichejñaa'me ichejña, chʉ'ʉpi peore chʉ̃'ʉa'kʉ chini. Chura chʉ'ʉre ʉakʉni ĩsija'mʉ chʉ'ʉ. Jã'ajekʉna mʉ'ʉpi chʉ'ʉni, “Peore masikʉ'mʉ mʉ'ʉ”, chiiʉ, ro're ñu'iʉ pojoru mʉ'ʉni peore ichejña ĩsija'mʉ chʉ'ʉ, mʉ'ʉpi chʉ̃'ʉkʉ paaʉ chini. Cheja pa'imajñarʉã cu'amajñarʉã peore ĩsija'mʉ chʉ'ʉ mʉ'ʉre —chiniasomʉ vati.

San Lucas 4:6 Iomraidhean Croise

San Juan 12:31

Chʉ'ʉre cuasamanajejʉ cu'ache pa'inare cu'ache ti'jñerʉmʉ tĩ'acuhamʉ. Ũcuachi'a cu'ache pa'ijʉ chʉ'ʉre cuasamanare chʉ̃'ʉkʉ'te vati aire ʉ̃serʉmʉ tĩ'acuhamʉ.

San Juan 14:30

’Chura jmanʉkorʉ kʉache paamʉ chʉ'ʉ mʉsanʉkonare. Chura chʉ'ʉre cuasamanare paakʉji vati aipi chʉ̃'ʉʉna pãi raipi'rame, chʉ'ʉni chẽa sa cu'ache cho'oñu chini. Chʉ'ʉreta'ni paama'kʉa'mʉ repaʉ vati ai.

San Juan 8:44

Mʉja'kʉa'mʉ jã'ʉ vati ai. Repaʉ neenajejʉ repaʉ chiichechi'a cho'oñu chiime mʉsanʉkona. Mamarʉmʉpi vʉa pãi vaikʉ'mʉ repaʉ. Chʉ'o ũcuarepa cuhekʉjekʉ si'arʉmʉ jorekʉ'mʉ repaʉ. Jore aia'mʉ repaʉ. Jore aijekʉ joreni repaʉ cho'oche'te cho'omʉ. Repaʉ pa'iche'me jã'a. Jã'ajekʉna pãi ũcuanʉko jorena pʉka'kʉa'mʉ repaʉ.

2 Corintios 11:14

Vati ai ũcuaja'che te'eñoã ángel cho'ocheja'che re'oja'che ñoñe jorekʉ cho'omʉ.

Efesios 2:2

Reparʉmʉ mʉsanʉkona Diore cuasamanajejʉ cu'ache cho'ojʉ Diore cuasamana pa'iche pa'isinaa'me. Vati ai paana pa'isinaa'me mʉsanʉkona. Repaʉ vati ai Diore jachanare chʉ̃'ʉkʉ'mʉ.

1 San Pedro 1:24

Dios chʉ'o tocha jo'kasi'e ũcuare ija'che kʉamʉ: Pãi ũcuanʉko u'cha pa'icheja'che pa'ime. U'chara'ñʉrʉã jeerʉmʉ pa'ima'ñe na'mi phã'pha jũnisõmʉ. Korosi'e ũcuachi'a rʉa re'oja'che koro ño na'mi tuã'tuasõmʉ. Pãi ũcuaja'che ũcuanʉko jeerʉmʉ pa'ima'ñe na'mi jũnisõme. Repana rʉa masisi'e ũcuaja'che si'asõmʉ repana jũnisõto.

1 San Juan 5:19

Pãi Diore cuhena vati chʉ̃'ʉñe'te cho'ojʉ pa'ime. Maita'ni Dios chʉ̃'ʉñe'te cho'ojʉ pa'inaa'me Repaʉ neenajejʉ. Jã'are masime.

El Apocalipsis 12:9

Jã'ajekʉna Dios repaʉ'te añaja'iʉ'te cu'a chʉ̃'ʉmasi aire ángeles repaʉ neenana'me cʉnaʉmʉ pa'iche'te ʉ̃sekʉ eto chejana raosi'kʉa'mʉ. Repaʉ añaja'iʉ ka'chamajña mami ve'emʉ, “Vati aina'me Satanás”. Repaʉ vati ai mamarʉmʉpi vʉa pãi si'achejña pa'inare re'oja'chere ʉ̃sekʉ cacʉ'ora chini jorekʉ pa'ikʉ'mʉ. Jã'aja'ñe cho'okʉjekʉna vati ai repaʉ neena ángelena'me cʉnaʉmʉ eto chejana raocojñosi'kʉa'mʉ.

El Apocalipsis 13:2

Repaʉ cu'akʉ chʉ'ʉ ñasi'kʉ tochachaija'iʉji cũ'a mie cũ'aja'ñe paakʉji repaʉ chʉ'opo león chai chʉ'opoja'che paasi'kʉa'mʉ. Jã'aja'iʉni añaja'iʉ repaʉ cho'omasiche'te jo'kakʉ repaʉ chʉ̃'ʉkʉ ñu'isaivʉ'te jo'kasi'kʉa'mʉ repaʉ'te, ũcuasaivʉ'te ñu'iʉ pãire chʉ̃'ʉkʉ paaʉ chini.

El Apocalipsis 13:7

Ũcuachi'a Diopi Repaʉ neenani ʉ̃semaʉna cavakʉ cajejaisi'kʉa'mʉ repaʉ. Ũcuachi'a Repaʉji ʉ̃semaʉna si'avãjʉpãina'me si'ache chʉ'o cutunana'me si'achejña pa'inare chʉ̃'ʉñe jo'kacojñosi'kʉa'mʉ repaʉ.