San Lucas 4:4 - Koreguaje

⁴ Chikʉna Jesús ija'che i'kaasomʉ repaʉ'te: —Dios chʉ'o aperʉmʉ tocha jo'kasi'e ija'che kʉamʉ: Pãipi chʉ'ʉrejẽ'e cuasama'ñe repana ãijañere ãuchi'a cuasajʉ pa'ito cu'amʉ. Jã'achi'a cuasama'ñe chʉ'ʉ chʉ̃'ʉñe'te cuasajʉ cho'ojʉ pani re'oja'che pa'ijanaa'me pãi, chiimʉ —chiniasomʉ Jesús vatire.

San Lucas 4:4 Iomraidhean Croise

San Mateo 4:4

Chikʉna Jesús ija'che sãiñe i'kaasomʉ repaʉ'te: —Dios chʉ'o aperʉmʉ tocha jo'kasi'e ija'che kʉamʉ: Pãipi chʉ'ʉrejẽ'e cuasama'ñe repana ãijañe ãuchi'a cuasajʉ pa'ito cu'amʉ. Jã'achi'a cuasama'ñe chʉ'ʉ chʉ'o asa chẽa cho'ojʉ pani re'oja'che pa'ijanaa'me pãi, chiimʉ —chiniasomʉ Jesús repaʉ'te vatire.

San Mateo 6:31

Jã'ajekʉna mʉsanʉkona si'areparʉmʉ, “¿Ʉ̃quere maiva'na ãijanaa'ñe?” “¿Ʉ̃quere maiva'na ũkujanaa'ñe?” “¿Ʉ̃quere maiva'na ju'ijanaa'ñe?”, chiijʉ rʉarepa cuasama'ñe pa'ijʉ̃'ʉ.

San Lucas 22:35

Chini Jesús repaʉ neenare ũcuanʉkore i'kaasomʉ. —Aperʉmʉ chʉ'ʉ mʉsanʉkonare Dios chʉ'ore chʉ'vaa'jʉ chini chʉ̃'ʉ saosi'ere cuasajʉ̃'ʉ. Chʉ'ʉpi chʉ̃'ʉʉna põse mañaturujẽ'e, kurijẽ'e, cũ'akorophe'rejẽ'e samairo saisinaa'me mʉsanʉkona. Jã'aja'ñe peova'na saisinare, ¿cu'amajñarʉã karamaneʉ mʉsanʉkonare? —chiniasomʉ Jesús repanare. Chikʉna, —Pãasi'kʉa'mʉ. Cu'amajñarʉãjẽ'e karamanesi'kʉa'mʉ chʉkʉna'te —chiniasome repana.

San Lucas 4:3

—Mʉ'ʉpi Dios Mamarepakʉ pani ipʉ catapʉ mini, pãpʉ carʉñojʉ̃'ʉ —chiniasomʉ.

San Lucas 4:8

Chikʉna Jesús i'kaasomʉ repaʉ'te. —Dios chʉ'o tocha jo'kasi'e ija'che kʉamʉ: Diore Pãi Ũcuanʉkore Paakʉ'techi'a, “Peore masikʉ'mʉ mʉ'ʉ”, chiijʉ pojojʉ Repaʉ chʉ̃'ʉñechi'a cho'ojʉ pa'ijʉ̃'ʉ mʉsanʉkona pãi, chiimʉ —chiniasomʉ Jesús repaʉ'te.

Efesios 6:17

Sõtaopãi sĩjore asi cho'ocojñoñe'te cuhejʉ cʉnatuhiroã tuhicheja'che Jesucristo maire jũni ro'ikaisi'ere si'arʉmʉ cuasajʉ pa'ijʉ̃'ʉ. Sõtaopãi cavapi'rajʉ va'jña sia cãjiñeja'ñe Dios chʉ'ore masijʉ Dios Rekochoji cho'okaiʉna Dios chʉ'ore i'kajʉ vatire cajejaijʉ̃'ʉ.