San Lucas 4:18 - Koreguaje

^18-19 Dios Rekochoji chʉ̃'ʉmʉ chʉ'ʉre, chʉ'ʉpi pãire Dios chʉ'ore re'oja'chere chʉ'vaa'kʉ chini. “Pãire ija'che chʉ'vajʉ̃'ʉ”, chiimʉ chʉ'ʉre Dios Rekocho: “Chʉova'na pa'iva'nani Dios chʉ'ore chʉ'vajʉ̃'ʉ, Repaʉni cuasajʉ pojojʉ paapʉ. Ũcuaja'che Dios chʉ'o vesʉva'nare chʉ'vajʉ̃'ʉ masia'jʉ. Cu'ache cho'ocojñonare ũcuaja'che cu'ache cho'oche ʉ̃sekaijʉ̃'ʉ.” Ija'che kʉajʉ̃'ʉ repanare pãi: “Dios re'oja'che paapʉ chini vati ai paasinare pãi tʉa paaja'mʉ, vati chʉ̃'ʉñe'te cho'omanea'jʉ chini. Pãi ũcuanʉkore Dios re'oja'che cho'okairʉmʉ tĩ'acuhamʉ”, chiiche'te ñakʉ i'kaasomʉ Jesús, Isaías tocha jo'kasi'e.

San Lucas 4:18 Iomraidhean Croise

San Mateo 11:5

“Pãi na'ana pa'isina ñame chura. Cu'acũ'a paasina re'oja'che nʉka ku'ime chura. Asi ravʉ paasina ũcuaja'che vajʉme. Cãjo asamanesina ũcuaja'che asame chura. Jũnisõsina ũcuaja'che vajʉrani jo'e pa'ime. Chʉova'na pa'iva'na chʉ'ʉ chʉ'vache'te chʉ'ʉre cuasache kʉachʉ'ore asajʉ pa'ime.

San Mateo 12:18

Dios Repaʉ Mamakʉni ija'che i'kaasomʉ: “Ikʉ chʉ'ʉre cho'oche cho'okaikʉ'mʉ. Chʉ'ʉ chẽa paakʉ'mʉ ikʉ. Rʉa cuasakʉ pojokʉ'mʉ chʉ'ʉ ikʉre. Chʉ'ʉ Rekocho'te ĩsiʉna ũcuaʉni ja'me pa'iʉ Reparekochoji chʉ̃'ʉkʉna sani judío peonani chʉ'ʉ pãi ũcuanʉkore ũcuarepa cho'okaiche'te kʉaja'mʉ ikʉ.

San Mateo 12:20

Pãi re'oja'che pañu chiinata'ni re'oja'che pa'ivesʉjʉna cho'okaija'mʉ ikʉ. Chʉova'na pa'iva'nare ũcuaja'che oiʉ cho'okaija'mʉ ikʉ. Pãi ũcuanʉko cu'ache cho'oche peore repaʉ ai ʉ̃serʉmʉjatʉ'ka jã'aja'ñe pa'iva'nare cho'okaiʉ pa'ija'mʉ ikʉ.

San Mateo 4:16

Ũcuachejñare pa'ijʉ chijacheja pa'inaja'ñe cu'ache pa'inapi miañe ñañeja'ñe chʉ'o re'oja'chere asaasome repana, re'oja'che pa'iche chʉ'vachʉ'ore. Ũcuaja'che cu'ache pa'inapi umucuse ñataʉna miañe ñoñeja'ñere re'oja'che pa'iche'te asaasome repana, chiimʉ Isaías tocha jo'kasi'e.

San Mateo 5:3

—Pãi Diore masi cuasamanata'ni Repaʉ'te masi cuasañu chiito Diopi paakʉ cho'okaija'mʉ repanare. Ũcuaʉji cho'okaiʉna Repaʉni masi cuasajʉ jũnisõsirʉmʉ Repaʉ pa'ichejare ai sani pa'ijanaa'me repana.

San Lucas 4:17

Vʉni nʉkakʉna Dios chʉ'o aperʉmʉ kʉasi'kʉ Isaías tocha jo'kasi'e pa'ikorovʉ'te mini ĩsiasome repaʉ'te, ñakʉ i'kaa'kʉ chini. Ĩsirena rũhikorovʉ ca'nesija'ovajekʉna repaʉ ñakʉ i'kajachere ku'ekʉ koraasomʉ repaʉ. Ku'e jñaa ija'chere ñakʉ i'kaasomʉ repaʉ:

San Lucas 6:20

Ũcuarʉmʉ Jesús repaʉ neenani ñakʉ i'kaasomʉ. —Chʉova'na pa'inaa'me mʉsanʉkona. Jã'ata'ni mʉsanʉkonani Diopi paakʉna pojojʉ pa'ijʉ̃'ʉ.

San Lucas 7:22

Jã'aja'ñe cho'ocuha Jesús Juan raosina sẽesi'e chʉ'o i'kaasomʉ. —Chura mʉsanʉkona Juan pa'ichejana co'i mʉsanʉkona ñasi'ena'me asasi'ere ija'che kʉajʉ̃'ʉ repaʉ'te Juanre: “Pãi na'ana pa'isina ñame chura. Cu'acũ'a paasina re'oja'che nʉka ku'ime chura. Asi ravʉ paasina ũcuaja'che vajʉme. Cãjo asamanesina ũcuaja'che asame chura. Jũnisõsina ũcuaja'che vajʉrani jo'e pa'ime. Chʉova'na pa'iva'na chʉ'ʉ chʉ'vache'te Dios Repaʉ'te cuasanare chẽa paakʉ vati toa uuche ʉ̃seche'te asajʉ pa'ime.

San Juan 1:41

Ũcuarʉmʉ Andrés na'mi sani repaʉ majaa'chʉni Simonre ku'e jñaa i'kaasomʉ. —Cristo'te tijñasinaa'me chʉkʉna —chiniasomʉ repaʉ. (“Cristo” chini “Pãi ũcuanʉkore chʉ̃'ʉa'kʉ chini Dios Raosi'kʉa'mʉ” chiimʉ griego chʉ'o.)

San Juan 12:46

Chʉ'ʉ Miañeja'ñe Pa'ikʉ chejana raisi'kʉa'mʉ, pãi chʉ'ʉre cuasanapi chijacheja pa'ina pa'icheja'che cu'ache pa'imanea'jʉ chini.

San Juan 3:34

Repaʉ Jesús Dios Raosi'kʉjekʉ Dios chʉ'ore kʉamʉ. Dios Repaʉ Mamakʉ'te Jesure Repaʉ Rekocho'te ʉ̃sema'ñe ĩsisi'kʉa'mʉ, ũcuaʉni si'arʉmʉ ja'me pa'iʉ peore re'oja'che cho'okaaʉ chini.

Los Hechos 10:38

Diopi Jesure Nazaret vʉ'ejoopo cakʉre Repaʉ Rekocho'te raosi'kʉa'mʉ, Ũcuarekochoji ja'me pa'iʉna pãire re'oja'che cho'okaaʉ chini. Dios Rekochoji chʉ̃'ʉkʉna Repaʉ Jesús si'achejña ku'iʉ pãire re'oja'che cho'okaiʉ pa'isi'kʉa'mʉ. Vatire paajʉ jũ'inare vasokaisi'kʉa'mʉ Repaʉ. Jã'aja'ñe cho'okʉ pa'isi'kʉa'mʉ Jesús, Diopi Repaʉni ja'me pa'iʉna. Jã'a asasinaa'me mʉsanʉkona.

Los Hechos 26:18

Mʉ'ʉpi sani repanani chʉ'ʉ chʉ'ore chʉ'vakʉna asa chẽa cu'ache cho'oche'te ũhaso chʉ'ʉni cuasajʉ jovorena, repanare vati ai paanare tʉa paakʉ, repana cu'ache cho'oche'te tʉ'neso repana rekoñoãre care'vaʉna Dios chʉ̃'ʉñe'te cho'ojʉ paapʉ chini saoja'mʉ chʉ'ʉ mʉ'ʉre”, chiisi'kʉa'mʉ Jesús chʉ'ʉre.

Los Hechos 4:26

Pãi chʉ̃'ʉna Dioni jachajʉ Repaʉ'te cavajachere cutume. Diopi Repaʉ Neekʉni raoʉna repaʉ cho'oche'te ʉ̃señu chini chi'ite'eme repana. Jã'aja'ñe chiimʉ repaʉ David tocha jo'kasi'e.

Los Hechos 4:27

Ja'kʉ, ijoopo vʉ'ejoopo pa'ina pãi chʉ̃'ʉna Herodena'me Poncio Pilato, irʉmʉ jã'aja'ñe cho'ocuhasinaa'me. Ichejana judío peonana'me judíopãi chi'i cutusinaa'me repana mʉ'ʉ Chẽa Raosi'kʉni, Jesuni, Re'okʉni cu'ache cho'oñu chini.

Colosenses 1:13

Mai vati chẽa paacojñonajejʉ cu'ache pa'ijʉ chijachejaja'che pa'isinare tʉa Dios Repaʉ Mamakʉni Repaʉ rʉa cuasakʉni maini jo'kasi'kʉa'mʉ, maipi Ũcuaʉ chʉ̃'ʉñe'te cho'ojʉ paapʉ chini.

Santiago 2:5

Chʉ'ʉ majapãijava'na, masi asajʉ̃'ʉ ie: Pãi icheja cheja pa'irʉmʉ chʉova'na pa'iva'nare repanapi Ũcuaʉni masi cuasajʉ, Repaʉ, “Chʉ'ʉre chiinare iere ĩsija'mʉ chʉ'ʉ”, chiisi'ere ĩsiʉna koo Repaʉ pa'ichejana sani Ũcuaʉna'me re'oja'che paapʉ chini chẽamʉ Dios.

1 San Pedro 2:9

Maita'ni Repaʉ chẽa paacojñonajejʉ Dios pãijejʉ, re'ovãjʉ pa'ijʉ, phairipãi Diore sẽekaicheja'che pãi ũcuanʉkore sẽekaijʉ pa'inaa'me. Maire chijachejaja'che cu'ache pa'isinare chẽa paamʉ Repaʉ, maipi miañeja'ñe re'oja'che pa'ijʉ Repaʉ Masiʉ pa'iche'te chekʉnani kʉajʉ paapʉ chini.