San Lucas 3:14 - Koreguaje

¹⁴ Sõtaopãi ũcuaja'che sẽniasome repaʉ'te. —¿Ʉ̃quere chʉkʉna cho'ojanaa'ñe? —chiniasome. Chitena i'kaasomʉ repaʉ. —Kuri ʉakʉna pãi paache'te cho'o kʉko tʉamanejʉ̃'ʉ. Ũcuachi'a kurire kʉko tʉasoñu chini cu'ache cho'omanani, “Cu'ache cho'osinaa'me mʉsanʉkona”, chiimanejʉ̃'ʉ. Cho'oche ro'ichi'a koojʉ pojojʉ pa'ijʉ̃'ʉ. Na'a rʉa kooche chiimanejʉ̃'ʉ —chiniasomʉ Juan repanare sõtaopãi.

San Lucas 3:14 Iomraidhean Croise

San Mateo 8:5

Repaʉ Jesús Capernaum vʉ'ejoopo sani tĩ'asirʉmʉ Romapãiʉ sõtao cienrepanare chʉ̃'ʉkʉ repaʉ pa'ichejana rani cho'okaaʉ chini ija'che chiiʉ sẽesi'kʉa'mʉ repaʉ'te: —Pãi Ũcuanʉkore Paakʉ, chʉ'ʉre cho'oche cho'okaiva'ʉ jũ'iʉ repaʉ ca'nivʉ ru'tusõsiva'ʉ ũhimʉ. Ũcuachi'a repaʉ ca'nivʉ peore rʉa asiche asikʉasomʉ —chiisi'kʉa'mʉ repaʉ.

San Lucas 19:8

Ũcuarʉmʉ repaʉ Zaqueo repaʉ vʉ'ere pa'iʉ vʉni nʉkakʉ i'kaasomʉ Jesure. —Ñakʉ, Pãi Ũcuanʉkore Paakʉ. Chura chʉ'ʉ paache cu'amajñarʉã chʉova'na pa'iva'nani joopo rupʉ ĩsija'mʉ chʉ'ʉ. Ũcuaja'che chʉ'ʉ jorekʉ chekʉnare na'a cajejaiche sẽni koosinʉko kuri ũcuaka'chapañoã jo'e ũcuajanʉko jovo co'choja'mʉ chʉ'ʉ repanare —chiniasomʉ repaʉ.

San Lucas 3:10

Chikʉna, —Jã'a pa'ito, ¿ʉ̃quere cho'ojanaa'ñe chʉkʉna? —chiniasome repana.

San Lucas 3:13

Chitena i'kaasomʉ repaʉ. —Pãi chʉ̃'ʉna mʉsanʉkonare chʉ̃'ʉsinʉkorʉchi'a kuri sẽni koojʉ pa'ijʉ̃'ʉ. Na'a cajejaiche sẽni koomanejʉ̃'ʉ —chiniasomʉ repaʉ.

Los Hechos 10:7

Ũcuarʉmʉ Cornelio ángelpi i'ka pi'ni sanisoʉna ʉmʉpãi te'eka'chapanare repaʉ'te cho'oche cho'okainare soniasomʉ. Ũcuachi'a sõtao'te Diore cuasakʉ'te te'eʉ'te soni raoasomʉ repaʉ.

Filipenses 2:15

Mʉsanʉkonapi jã'aja'ñe pa'ito pãi mʉsanʉkonare ña, “Cu'ache cho'ome ina”, chiimanejanaa'me re'oja'chechi'a pa'ijʉna. Ũcuachi'a Dios chĩi pa'iche pa'ijʉ, pãi si'ache rʉa tĩiñe cu'ache cho'ona pa'icheja pa'inata'ni jmamakarʉjẽ'e cu'achejẽ'e cho'oma'ñe re'oja'che pa'ijʉ̃'ʉ. Repanare chijachejaja'che cu'ache pa'inani re'oja'che pa'inapi ja'me pa'ijʉ chijachejare ma'jñoko miañeja'ñe re'oja'che cho'o ñojʉ pa'ijʉ̃'ʉ.

Filipenses 4:11

Chʉ'ʉ chiicheji karakʉna jã'aja'ñe i'kama'mʉ. Si'arʉmʉ pojokʉ pa'iche che'chesi'kʉjekʉ chʉ'ʉni ũcuaʉache ti'jñeto pojokʉ pa'imʉ chʉ'ʉ.

Tito 2:3

Ũcuaja'che romi ainare ija'che che'chojʉ̃'ʉ: “Re'oja'che pa'ijʉ Dioni cuasajʉ pa'ijʉ̃'ʉ. Chekʉna pa'iche ñani cu'ache cutumanejʉ̃'ʉ. Cono jũ'ima'ñe pa'ijʉ̃'ʉ. Re'oja'che cho'ojʉ pa'ijʉ̃'ʉ, mʉsanʉkona pa'iche'te chekʉnapi ña chẽa paapʉ.

El Apocalipsis 12:10

Ũcuarʉmʉ chʉ'o i'kache cʉnaʉmʉpi ʉjachʉ'o ija'che i'kache'te asasi'kʉa'mʉ chʉ'ʉ: Vati ai, Diore cuasanani re'oja'chere ʉ̃sekʉ cacʉ'ora chini umucusena'me ñami Dioni ke'rekʉ Repaʉ'te cuasanani cu'ache i'kakʉ pa'imʉ. Repaʉ'te cuasanare jã'aja'ñe i'kakʉ'te Dios chejana eto raosi'kʉa'mʉ. Jã'aja'ñe cho'osi'kʉ Dios Repaʉ neenare Repaʉ pa'ichejana saja'mʉ, ai sani paapʉ chini. Ũcuachi'a Repaʉ peore masiche cho'o ñokʉ'mʉ Repaʉ. Ũcuachi'a pãi ũcuanʉko Repaʉ chʉ̃'ʉñe cho'ojʉ pa'ijanaa'me.