San Lucas 3:10 - Koreguaje

¹⁰ Chikʉna, —Jã'a pa'ito, ¿ʉ̃quere cho'ojanaa'ñe chʉkʉna? —chiniasome repana.

San Lucas 3:10 Iomraidhean Croise

San Lucas 3:12

I'katona pãi chʉ̃'ʉnare kuri kookaina Juanni raniasome, okoro'vecojñoñu chini. Rani repaʉ'te ija'che sẽniasome repana: —Masiʉ, chʉkʉna, ¿ʉ̃quere cho'ojanaa'ñe? —chiniasome.

San Lucas 3:14

Sõtaopãi ũcuaja'che sẽniasome repaʉ'te. —¿Ʉ̃quere chʉkʉna cho'ojanaa'ñe? —chiniasome. Chitena i'kaasomʉ repaʉ. —Kuri ʉakʉna pãi paache'te cho'o kʉko tʉamanejʉ̃'ʉ. Ũcuachi'a kurire kʉko tʉasoñu chini cu'ache cho'omanani, “Cu'ache cho'osinaa'me mʉsanʉkona”, chiimanejʉ̃'ʉ. Cho'oche ro'ichi'a koojʉ pojojʉ pa'ijʉ̃'ʉ. Na'a rʉa kooche chiimanejʉ̃'ʉ —chiniasomʉ Juan repanare sõtaopãi.

San Lucas 3:8

Mʉsanʉkona cu'ache cho'oche'te ũhaso re'oja'che pa'ijʉ Dios chʉ̃'ʉñe'te cho'ojʉ pa'ijʉ̃'ʉ. Mʉsanʉkonapi re'oja'che pa'ito chekʉnapi ñani, “Ina cu'ache cho'oche ũhasosinajejʉ re'oja'che pa'ime”, chiijanaa'me mʉsanʉkonare. Ija'che cuasacosome mʉsanʉkona: “Abraham jojosinaa'me mai. Jã'ajekʉna Dios maire cu'ache cho'omaneja'mʉ”, chiijʉ cuasacosome mʉsanʉkona. Jã'aja'ñe cuasamanejʉ̃'ʉ mʉsanʉkona. Diore Repaʉni cho'oʉato ira'karʉã catara'karʉãpi Abraham jojosinare chekʉnare cho'ore'omʉ, Repaʉ chʉ̃'ʉñe cho'ojanare.

Los Hechos 16:30

Ũcuarʉmʉ repanare etua sẽniasaasomʉ repaʉ. —¿Je'se cho'oja'che chʉ'ʉ Diopi chʉ'ʉni vati toa saomanea'kʉ chini? Kʉajʉ̃'ʉ chʉ'ʉre —chiniasomʉ repaʉ.

Los Hechos 2:37

Repaʉ i'kasi'ere asarena rʉa sʉmaneasomʉ repanare. Sʉma'ñe asa repaʉ'te ija'che i'kajʉ sẽniasaasome repana chekʉnare oncerepanare ũcuachi'a: —Chʉkʉna majapãi, jã'a pa'ito, ¿je'se cho'ojanaa'ñe chʉkʉna? —chiniasome repana.

Los Hechos 2:38

Chitena, repaʉ Pedro jo'e i'kaasomʉ. —Mʉsanʉkona cu'ache cho'oche'te ũcuanʉko jo'kasõ Dios chʉ̃'ʉñe'te cho'ojʉ pa'ijʉ̃'ʉ. Cu'are jo'kasõ re'oja'che pa'ijʉ okoro'vecojñojʉ̃'ʉ, “Jesucristo'te cuasanaa'me chʉkʉna”, chiijʉ. Jã'aja'ñe cho'oru Dios mʉsanʉkonare cu'ache cho'osi'e tʉ'nesõkaija'mʉ. Tʉ'nesõ Ũcuaʉ Rekocho'te ĩsija'mʉ Repaʉ mʉsanʉkonare, ai ja'me paaʉ chini.

Los Hechos 9:6

Chikʉna Saulo kʉkʉcajejani kurukurukʉ ija'che i'kaasomʉ: —Chʉ'ʉre Paakʉ, ¿ʉ̃quere cho'oa'kʉ chiikʉ mʉ'ʉ chʉ'ʉre? —chiniasomʉ. Chikʉna, —Vʉni vʉ'ejoopona kakajʉ̃'ʉ. Jã'achejana kaka mʉ'ʉ cho'ojache asaja'mʉ mʉ'ʉ —chiniasomʉ Jesucristo Saulo'te.