San Lucas 3:1 - Koreguaje

¹ Reparʉmʉ Tiberiopi pãi ũcuanʉkore chʉ̃'ʉasomʉ. Repaʉ Tiberio quincerepaʉ̃sʉrʉmʉ chʉ̃'ʉrʉmʉna Poncio Pilato ũcuaja'che Judea cheja pa'inani chʉ̃'ʉasomʉ. Herodes ũcuaja'che Galilea cheja pa'inani chʉ̃'ʉasomʉ. Felipe ũcuaja'che Herodes cho'jeʉ Iturea cheja pa'inana'me Traconite cheja pa'inare chʉ̃'ʉasomʉ. Lisanias ũcuaja'che Abilinia cheja pa'inani chʉ̃'ʉasomʉ.

San Lucas 3:1 Iomraidhean Croise

San Mateo 14:1

Ũcuarʉmʉna Herodes Galilea cheja pa'inare chʉ̃'ʉkʉ Jesús cho'oche asaasomʉ.

San Mateo 14:3

Aperʉmʉ repaʉ Herodes repaʉ cho'jeʉ Felipe rʉ̃joni Herodíani tʉa paakʉna Juan asa, “Dios ʉ̃seche'te cu'ache cho'omʉ mʉ'ʉ”, chiiʉ chʉ'vaasomʉ repaʉ'te. Jã'aja'ñe chʉ'vakʉna Herodes asa pe'rukʉ repaʉ'te Juanre chẽa cʉnameji quẽo cu'ache cho'onare chẽa cuaovʉ'ena sa cuaoa'jʉ chini chʉ̃'ʉasomʉ.

San Mateo 14:6

Ũcuarʉmʉ Herodes repaʉ'te jñaasiumucusejarʉmʉjekʉna fiesta cho'ora chini pãi jainʉkore soni rao chi'iasomʉ. Fiesta'te cho'ojʉna Herodías mamako pãi jainʉko ñajʉ'te eta te'eo ujacha'iasomo. Jã'aja'ñe cho'okona ña Herodes rʉa pojoasomʉ repao'te.

San Mateo 22:17

Jã'ajekʉna mʉ'ʉni chʉ'o sẽniasañu chiime chʉkʉna, mʉ'ʉ cuasakʉ i'kache'te asa masiñu chini. Romapãi chʉ̃'ʉkʉji Césapi, chʉkʉna pa'iche ro'ire sẽeto, ¿ro'ijanaa'ñe chʉkʉna repaʉ'te? Jã'apãani, ¿ro'imanejanaa'ñe? ¿Je'se cuasakʉ mʉ'ʉ? —chiisinaa'me repana.

San Mateo 27:2

Cutu pi'ni Jesure vẽe Romapãi chʉ̃'ʉkʉni Pilatoni sa jo'kaasome repana.

San Marcos 6:17

Aperʉmʉ repaʉ Herodes repaʉ cho'jeʉ Felipe rʉ̃joni Herodíani tʉa veja paakʉna Juan asa, “Mʉche'ʉ paako'te tʉa paakʉ Dios ʉ̃seche'te cu'ache cho'omʉ mʉ'ʉ”, chiiʉ chʉ'vaasomʉ repaʉ'te. Jã'aja'ñe chʉ'vakʉna Herodes asa pe'rukʉ repaʉ'te Juanre chẽa cʉnameji quẽo pãi chẽavʉ'ena sa cuaoa'jʉ chini chʉ̃'ʉasomʉ.

San Marcos 6:21

Ũcuarʉmʉ Juanre vanisorʉmʉ churata'ni tĩ'aasomʉ Herodía'te. Herodes repaʉ'te jñaasiumucusejarʉmʉjekʉna ãure ãura chini repaʉ'te ja'me chʉ̃'ʉnana'me sõtaopãi chʉ̃'ʉnana'me pa'ipãi Galilea cheja canare soniasomʉ.

San Lucas 13:31

Ũcuarʉmʉ fariseopãi Jesure ija'che kʉaasome: —Herodes mʉ'ʉre vanisora chiimʉ. Icheja pa'imanejʉ̃'ʉ mʉ'ʉ. Tĩichejana saijʉ̃'ʉ —chiniasome.

San Lucas 2:1

Jã'arʉmʉ Augusto pãi ũcuanʉkore chʉ̃'ʉkʉ paniasomʉ. Chekʉ Cirenio ũcuaja'che Siria cheja canani chʉ̃'ʉasomʉ reparʉmʉ. Augusto repaʉ paanare ũcuanʉkore chʉ̃'ʉasomʉ repana mamire tocharena kuẽkuera chini. Pãi kuẽkueche'te chʉ̃'ʉʉna repana aipãi pa'isijoopona saiche paniasomʉ repanare, mamire tochañu chini.

San Lucas 23:24

Repana sẽeñe cho'ora chiniasomʉ Pilato.

San Lucas 3:19

Na'a pa'isirʉmʉ Herodes, pãi chʉ̃'ʉkʉji cho'jeʉ Felipe rʉ̃joni Herodíani tʉa paaasomʉ. Tʉa paakʉna Juan asa chʉ'vate'easomʉ repaʉ'te, ũcuachi'a cheke cu'ache cho'osi'ere asani.

San Lucas 9:7

Ũcuarʉmʉ chekʉna pãi Jesús pa'iche'te cutujʉ, “Diopi vasoʉna Juan jũnisoʉna tãcojñosi'kʉpi jo'e vajʉrani pa'imʉ”, chiniasome. Chekʉnata'ni, “Aperʉmʉ Dios chʉ'o kʉasi'kʉpi Elíapi jo'e vajʉrani pa'imʉ jã'ʉ”, chiniasome. Chekʉnata'ni, “Aperʉmʉ Dios chʉ'o kʉasinapi te'eʉ vajʉrani pa'imʉ jã'ʉ”, chiniasome. Reparʉmʉ Herodes, pãi jainʉkore chʉ̃'ʉkʉ Jesús cho'oche'te pãipi kʉajʉna asaasomʉ, pãi Jesure cutusi'e ũcuaja'che. Asa, “¿Je'se paakʉ ie?”, chini rʉa cuasaasomʉ repaʉ.

Los Hechos 23:26

Chʉ'ʉ, sõtao ai, Claudio Lisiapi, ie chʉ'o tocha saomʉ mʉ'ʉre, rʉa masikʉni, Gobernador Félix. ¿Pa'ikʉ mʉ'ʉ?

Los Hechos 24:27

Te'eka'chapaʉ̃sʉrʉmʉ pa'isirʉmʉna Félipi etasoʉna chekʉpi chʉ̃'ʉasomʉ repacheja Porcio Festoji. Repaʉ etarʉmʉ Félix judíopãipi repaʉni pojoa'jʉ chini Pablo'te pãi chẽavʉ'ena ũcua jo'kaasomʉ.

Los Hechos 26:30

Chikʉna repaʉ Rey vʉni nʉkaasomʉ, Festona'me, Berenice, repavʉ'e chi'i ñu'isina peore.

Los Hechos 4:27

Ja'kʉ, ijoopo vʉ'ejoopo pa'ina pãi chʉ̃'ʉna Herodena'me Poncio Pilato, irʉmʉ jã'aja'ñe cho'ocuhasinaa'me. Ichejana judío peonana'me judíopãi chi'i cutusinaa'me repana mʉ'ʉ Chẽa Raosi'kʉni, Jesuni, Re'okʉni cu'ache cho'oñu chini.