40 Chini repanare jʉ̃jñana'me cũ'a ñoasomʉ repaʉ.
Chʉ'ʉa'mʉ. Ñajʉ̃'ʉ chʉ'ʉ jʉ̃jñana'me cũ'a. Chẽse ña masijʉ̃'ʉ chʉ'ʉre. Jũ'isi'kʉ rekocho ca'nivʉjẽ'e peomʉ. Chʉ'ʉta'ni ca'nivʉna'me tara paamʉ. Ñame mʉsanʉkona chʉ'ʉ paache —chiniasomʉ Jesús repanare.
Ñokʉna ña pojonata'ni repaʉ'te jachaasome repana. “¿Ikʉ chʉ'o ũcuarepare i'kakʉ?”, chini cuasaasome repana. Jã'aja'ñe cuasajʉna i'kaasomʉ repaʉ. —¿Mʉsanʉkona icheja ãiñe peoche? —chiniasomʉ repaʉ.
Chini repaʉ jʉ̃jñana'me me'jupo totasicoje ñosi'kʉa'mʉ repaʉ chʉkʉna'te. Ñokʉna ña, “Maire Paakʉ'mʉ ikʉ”, chini pojosinaa'me chʉkʉna.
Chini repaʉ'te Tomare i'kasi'kʉa'mʉ. —Chʉ'ʉ jʉ̃jña jẽ'josicojñana mʉ'ʉ mʉoñoji cuacha ñajʉ̃'ʉ. Ũcuachi'a chʉ'ʉ me'jupo totacojñosicoje mʉ'ʉ jʉ̃tʉpi suãni ña jachama'ñe cuasajʉ̃'ʉ chʉ'ʉre. Ũcuaʉ'mʉ chʉ'ʉ —chiisi'kʉa'mʉ repaʉ.