San Lucas 24:25 - Koreguaje

²⁵ Jã'aja'ñe kʉarena asa i'kaasomʉ repaʉ. —Dios chʉ'o kʉasina tocha jo'kasi'e masime mʉsanʉkona. Jã'ata'ni rũhiñe cuasamanajejʉ repana tocha jo'kasi'e masi cuasama'me mʉsanʉkona.

San Lucas 24:25 Iomraidhean Croise

San Mateo 26:24

Chʉ'ʉre Dios Raosi'kʉre, Repaʉ chʉ'o aperʉmʉ tocha jo'kasi'e kʉache ũcuarepa cu'ache ti'jñeja'mʉ. Jã'ata'ni chʉ'ʉni vanisõa'jʉ chini jo'kasi'kʉre na'a rʉa cu'ache ti'jñeja'mʉ. Repaʉji aineemaneru na'a re'ora'amʉ repaʉ'te —chiisi'kʉa'mʉ repaʉ.

San Marcos 16:14

Jã'a cho'ocuhasirʉmʉ repaʉ neena oncerepana ãu ãitona Jesús peosichejapi rani ñoasomʉ repanare. Repaʉ chekʉnare vajʉrani ñosi'ere ũcuanapi kʉajʉna asa jachasinajejʉna repanare rʉa i'kaasomʉ repaʉ. —¿Je'se pa'iʉna repana kʉasi'e cuasamanere mʉsanʉkona? —chiniasomʉ.

San Marcos 7:18

Sẽtena ija'che i'kaasomʉ repaʉ: —¿Mʉsanʉkona ũcuaja'che chʉ'ʉ i'kasi'e asavesʉche? Pãiʉ ãu ũcuaʉache'te ãni cʉtapʉna mevo jmamakarʉ paa sẽjosõmʉ. Rekocho kakamaʉna repaʉ rekochota'ni cu'ache cho'oma'mʉ —chiniasomʉ Jesús. Jã'aja'ñe i'kakʉ, “Ãu ũcuaʉache ãire'omʉ pãi”, chiniasomʉ Jesús.

San Marcos 9:19

Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ repaʉ.

San Lucas 24:24

Kʉarena asa chʉkʉna'te ja'me pa'ina repacoje sani ñato romi kʉasi'e ũcuarepa paniasomʉ. Tãcojñosi'kʉ Jesús peoasomʉ —chiniasome repana Jesure Emaús vʉ'ejoopo saina.

San Juan 5:39

Ija'che cuasame mʉsanʉkona: “Dios chʉ'o tocha jo'kasi'ere che'cheni Dios pa'icheja saiche masijanaa'me mai”, chini cuasajʉ rʉa che'cheme mʉsanʉkona. Repa tocha jo'kasi'e chʉ'ʉ pa'iche'te kʉamʉ.

1 Corintios 15:3

Dios chʉ'ʉre che'chosi'ere chʉ'o kʉasi'kʉa'mʉ chʉ'ʉ mʉsanʉkonare. “Iere kʉama'to vesʉme ina”, chini cuasakʉ charo ija'che kʉasi'kʉa'mʉ chʉ'ʉ mʉsanʉkonare: Cristo mai cu'ache cho'oche'te ro'ikaiʉ kurususẽ'verona jũnisoasomʉ. Aperʉmʉ tocha jo'kasi'e Dios chʉ'o na'a pa'isirʉmʉ Jesús cho'ocojñojañere kʉamʉ. Repa kʉasi'e cho'ocojñocuhaasomʉ Repaʉ.