San Lucas 23:21 - Koreguaje

²¹ Jã'aja'ñe i'kaʉna asa na'a rʉa cuijʉ i'kaasome repana. —¡Kurususẽ'verona jẽ'jo nʉkojʉ̃'ʉ jã'ʉre! ¡Kurususẽ'verona jẽ'jo nʉkojʉ̃'ʉ jã'ʉre! —Jã'aja'ñe i'kajʉ cuiasome repana.

San Lucas 23:21 Iomraidhean Croise

San Marcos 15:13

Chikʉna repana pãi rʉa cuijʉ i'kaasome. —¡Kurususẽ'verona jẽ'jo nʉko vẽasõjʉ̃'ʉ jã'ʉre! —chiniasome.

San Lucas 23:20

Pãipi jã'aja'ñe i'kajʉ cuirena repaʉ Pilato Jesuni etora chini jo'e i'kaasomʉ. “¿Ikʉre Jesure etomaneja'ñe chʉ'ʉ? Cu'ache cho'omanesi'kʉa'mʉ ikʉ”, chiniasomʉ.

San Lucas 23:22

Cuijʉ jã'aja'ñe i'karena repaʉ Pilato ka'chañoã i'kasi'kʉta'ni jo'e i'kaasomʉ repanare pãi. —¿Ʉ̃quere ikʉ Jesús cu'ache cho'oʉ? Repaʉ cu'ache cho'osi'ere asa masira chini sẽnite'esi'kʉa'mʉ chʉ'ʉ. Jã'ajekʉna ikʉre vanisoche chʉ̃'ʉcu'amʉ. Ikʉre rupʉ suĩ'sueche'te chʉ̃'ʉja'mʉ chʉ'ʉ. Suĩ'sue pi'nirena etoja'mʉ chʉ'ʉ ikʉre —chiniasomʉ Pilato repanare.

San Lucas 23:23

Jã'aja'ñe i'kaʉna asa na'a rʉa cuijʉ, “Kurususẽ'verona jẽ'jo nʉkojʉ̃'ʉ repaʉ'te”, chiniasome repana. Rʉarepa cuijʉ i'kajʉna repana chiiche chʉ̃'ʉasomʉ repaʉ.

San Juan 19:15

Chikʉna cuijʉ i'kasinaa'me repana. —Sa vanisõjʉ̃'ʉ jã'ʉre. Sa vanisõjʉ̃'ʉ jã'ʉre. Kurususẽ'verona jẽ'jo nʉkojʉ̃'ʉ jã'ʉre —chiisinaa'me repana. Chitena i'kasi'kʉa'mʉ repaʉ. —¿Mʉsanʉkonare chʉ̃'ʉkʉ'te kurususẽ'verona jẽ'jo nʉko vẽasõjʉ̃'ʉ chiiche mʉsanʉkona? —chiisi'kʉa'mʉ. Chikʉna judío phairipãi chʉ̃'ʉna i'kasinaa'me. —Césachi'aa'mʉ pãi ũcuanʉkore chʉ̃'ʉkʉ —chiisinaa'me.

Los Hechos 13:28

Repaʉ'te Jesure cu'ache cho'omanesi'kʉreta'ni, vanisoche'te chʉ̃'ʉa'kʉ chini pãi chʉ̃'ʉkʉ'te, Pilato'te rʉa i'kaasome repana.