San Lucas 23:16 - Koreguaje

¹⁶ Jã'ajekʉna ikʉre rupʉ suĩ'sueche'te chʉ̃'ʉja'mʉ chʉ'ʉ. Suĩ'sue pi'ni etoja'mʉ chʉ'ʉ ikʉre —chiniasomʉ Pilato repanare.

San Lucas 23:16 Iomraidhean Croise

San Mateo 27:26

Jã'aja'ñe i'karena asa Pilato repana chiiche cho'okʉ Barrabani etoasomʉ. Jesureta'ni suĩ'sueche'te chʉ̃'ʉasomʉ repaʉ. Suĩ'sue pi'nirena repaʉ neenani sõtaopãire Jesure jo'kaasomʉ repaʉ, sa kurususẽ'verona jẽ'jo nʉkoa'jʉ chini.

San Marcos 15:15

Jã'aja'ñe i'kajʉna asa Pilato repana chiiche'te cho'ora chini Barrabani etoasomʉ. Jesureta'ni suĩ'sueche'te chʉ̃'ʉasomʉ repaʉ. Suĩ'sue pi'nirena repaʉ neenani sõtaopãire Jesure jo'kaasomʉ, sa kurususẽ'verona jẽ'jo nʉkoa'jʉ chini.

San Lucas 23:17

Pilato te'eʉ̃sʉrʉmʉ pa'iche pascuarʉmʉ tĩ'ato chẽacojñosi'kʉre te'eʉ'te etoasomʉ, pãi etojʉ̃'ʉ chiisi'kʉni. Reparʉmʉ tĩ'aʉna jã'aja'ñe cho'oche paniasomʉ Pilato'te.

San Lucas 23:22

Cuijʉ jã'aja'ñe i'karena repaʉ Pilato ka'chañoã i'kasi'kʉta'ni jo'e i'kaasomʉ repanare pãi. —¿Ʉ̃quere ikʉ Jesús cu'ache cho'oʉ? Repaʉ cu'ache cho'osi'ere asa masira chini sẽnite'esi'kʉa'mʉ chʉ'ʉ. Jã'ajekʉna ikʉre vanisoche chʉ̃'ʉcu'amʉ. Ikʉre rupʉ suĩ'sueche'te chʉ̃'ʉja'mʉ chʉ'ʉ. Suĩ'sue pi'nirena etoja'mʉ chʉ'ʉ ikʉre —chiniasomʉ Pilato repanare.

San Lucas 6:37

Ũcuarʉmʉ Jesús jo'e ija'che i'kaasomʉ repanare: —Chekʉna cu'ache cho'oche ñani, “Cu'ache pa'inaa'me mʉsanʉkona”, chiijʉ ke'remanejʉ̃'ʉ. Jã'aja'ñe ke'rema'to Dios ũcuaja'che mʉsanʉkona cu'ache cho'oche ñakʉta'ni i'kamaneja'mʉ. Ũcuachi'a mʉsanʉkonapi chekʉna cu'ache cho'oche'te ñani, “Cu'ache cho'osi'e ro'i, ro'iche pa'imʉ mʉsanʉkonare”, chiijʉ ke'remanejʉ̃'ʉ repanare. Jã'aja'ñe i'kama'to Dios ũcuaja'che mʉsanʉkona cu'ache cho'oche ñakʉta'ni, “Cu'ache cho'osi'e ro'i, ro'iche pa'imʉ mʉsanʉkonare”, chiimaneja'mʉ. Ũcuachi'a chekʉna cu'ache cho'oche ñani jo'e cuasamanejʉ̃'ʉ repana cho'osi'e. Jo'e cuasama'to Dios ũcuaja'che mʉsanʉkona cu'ache cho'oche ñakʉta'ni jo'e cuasamaneja'mʉ mʉsanʉkona cho'osi'e.

Los Hechos 16:37

“Saijʉ̃'ʉ”, chiitota'ni saima'ñe pa'iʉ pãi chẽanare ija'che i'kaasomʉ Pablo: —Chʉkʉna cu'ache cho'omanesinaa'me. Jã'ata'ni repana pãi ñajʉ'te suĩ'sueche chʉ̃'ʉsinaa'me chʉkʉna'te. Chʉkʉna Romapãia'me. Chʉkʉna'te Romapãire jã'aja'ñe cho'oto cu'amʉ. Suĩ'sue pi'ni pãi chẽavʉ'ena cuaosinaa'me repana chʉkʉna'te. Chura chekʉnarejẽ'e jñauma'ñe rope'e saosoñu chiime repana chʉkʉna'te. Cu'amʉ jã'a. Ũcuanapi chʉkʉna'te chẽa cuaosinapi rani etoa'jʉ, chiime chʉkʉna —chiniasomʉ Pablo repanare.