San Lucas 22:39 - Koreguaje

³⁹ I'ka pi'ni Jesús eta Olivo aikũtina repaʉ si'arʉmʉ sani pa'ikũtina saniasomʉ. Saiʉna repaʉ neena ja'me saniasome.

San Lucas 22:39 Iomraidhean Croise

San Mateo 21:1

Ũcuarʉmʉ chʉkʉna Jesuna'me saijʉ Jerusalén kueñe cajoopo Olivo aikũti pa'ijoopona Betfagé vʉ'ejoopona tĩ'asinaa'me. Ũcuarʉmʉ Jesús chʉkʉna'te repaʉ neenare te'eka'chapanarechi'a saopi'rakʉ ija'che chʉ̃'ʉsi'kʉa'mʉ: —Jeejoopona kueñe cajoopona saijʉ̃'ʉ mʉsanʉkona. Sani ũcuachejana burrava'ore quẽo sʉosiva'ore chĩina'me rʉ̃iva'oni jñaajanaa'me mʉsanʉkona. Jñaa repava'nare jose ichejana rakaijʉ̃'ʉ.

San Mateo 26:30

Ũcuarʉmʉ chʉkʉna Jesuna'me Dioni pojojʉ uja pi'ni Olivo aikũtina saisinaa'me.

San Marcos 11:11

Jã'aja'ñe cho'ojʉna Jesús Jerusalén vʉ'ejoopo tĩ'a Dios vʉ'ena kaka pa'iʉ na'isokʉna peore si'ache repakã'jño ña pi'ni eta Betania vʉ'ejoopona co'iasomʉ, repaʉ neena docerepanana'me.

San Marcos 11:19

Jã'aja'ñe cho'ocuha Jesús na'ito repaʉ neenana'me repajoopoji saniasome.

San Marcos 13:3

Jã'aja'ñe i'kacuha Jesús repaʉ neenana'me Olivo aikũti Dios vʉ'e ti'jñeñe cakũtina mʉni pʉʉ ñuniasome. Pʉʉ ñu'ijʉ Pedro, Santiago, Juan, Andrena'me repaʉ'te Jesure te'eʉ'te chʉ'ore sẽniasome.

San Marcos 14:26

Ũcuarʉmʉ Jesús repaʉ neenana'me Dioni pojojʉ uja pi'ni Olivo aikũtina saniasome.

San Lucas 21:37

Reparʉmʉ Jesús si'aumucujña Dios vʉ'e kaka che'choasomʉ. Si'ana'iroã Olivo aikũtina mʉni si'añami paniasomʉ repaʉ.