San Lucas 21:20 - Koreguaje

²⁰ ’Ũcuachi'a cheja si'api'rarʉmʉ ija'che cho'ojanaa'me pãi: Pãire vañu chini Jerusalén vʉ'ejoopona rani rũhiso'koro nʉkajanaa'me sõtaopãi. Sõtaopãipi jã'aja'ñe cho'ojʉna ñani, “Ijoopo vʉ'ejoopo ñañasõcuhaja'mʉ”, chini masijanaa'me mʉsanʉkona.

San Lucas 21:20 Iomraidhean Croise

San Mateo 24:15

’Dios chʉ'o aperʉmʉ kʉasi'kʉ Daniel tocha jo'kasi'e ija'che chiimʉ: Na'a pa'isirʉmʉ pãi Dios cuheche'te rupʉ tʉ̃osi'kʉni Dios vʉ'ena sa nʉko, “Dioa'mʉ ikʉ. Pojojʉ̃'ʉ ikʉre”, chiijanaa'me, chiimʉ. Repa tochasi'ere ña masijanaa'me mʉsanʉkona.

San Marcos 13:14

’Dios chʉ'o aperʉmʉ kʉasi'kʉ Daniel tocha jo'kasi'e ija'che chiimʉ: Na'a pa'isirʉmʉ pãi Dios cuheche'te rupʉ tʉ̃osi'kʉni Dios vʉ'ena sa nʉko, “Dioa'mʉ ikʉ. Pojojʉ̃'ʉ ikʉre”, chiijanaa'me, chiimʉ. Repa tochasi'ere ñani masijanaa'me mʉsanʉkona. Pãipi jã'aja'ñe cho'ojʉna ñani Judea cheja pa'ina aikũjñana vʉ'vʉ katisõa'jʉ.

San Lucas 19:43

Mʉsanʉkonare cu'ache ti'jñerʉmʉ tĩ'acuhaja'mʉ. Mʉsanʉkonare cuhena ijoopona rani si'acajoopo rʉ'tʉna pachu cha'opi rũhiso'koro ñekua timu ũcuachejñapi pachu mʉni kakajanaa'me. Mʉsanʉkonapi vajʉchʉjʉ eta vʉ'vʉsõñu chiito ʉ̃sejʉ ijoopo ñañosõjanaa'me repana. Ñañosõsirʉmʉ vʉ'ña je'nasi'pʉã catapʉã te'epʉjẽ'e chekʉpʉna'me sʉ'imaneja'mʉ. Mʉsanʉkonare ainana'me chĩiva'nare vanisõjanaa'me repana. Chʉ'ʉni Dios Raosi'kʉni cuhejʉna cu'ache ti'jñeja'mʉ mʉsanʉkonare. Chʉ'ʉre cuheche ro'ia'me jã'a —chiniasomʉ Jesús repanare.

San Lucas 21:7

Chikʉna asa repaʉ'te chʉ'o sẽniasaasome repana. —Masiʉ, mʉ'ʉ kʉasi'e, ¿jeerʉmʉ cho'ojachea'che? Reparʉmʉ tĩ'añe, ¿je'se masijanaa'ñe chʉkʉna? —chiniasome repana.

Hebreos 11:30

Ũcuachi'a repana Israelpãi Diore cuasanajejʉ Ũcuaʉji chʉ̃'ʉʉna Jericó vʉ'ejoopo sieterepaumucujña repajoopo pa'iche rũhiso'koro pachu kutena repajoopo je'na pachusiso'koro Ũcuaʉji cho'okaiʉna ñaña tãnisoasomʉ.

Hebreos 12:1

Jã'ajekʉna cʉnaʉmʉ pa'ina rʉa jainʉko ñajʉna Dios chiiche re'oja'che jo'kasoma'ñe cho'ojʉ pañu mai. Vʉ'vʉna na'a na'mi vʉ'vʉñu chini repana cãjiñe ũha vʉ'vʉsome. Mai ũcuaja'che maire cho'oʉachechi'a cho'ojʉna maini Dios chiiche'te cho'ovesato na'mi vʉ'vʉna cho'ocheja'che maire cho'oʉache ũhasoñu, Dios chiiche'te cho'oñu chini. Ũcuachi'a vʉ'vʉjʉ cãve tãima'ñe vʉ'vʉñu chini sẽ'sevʉ ju'ikãña tĩ'te jo'ka vʉ'sajana vʉ'vʉcheja'che maire cu'ache cho'oʉache'te jo'kaso re'oja'che cho'oche kokana pañu mai.