San Lucas 18:14 - Koreguaje

¹⁴ Kʉacuha jo'e i'kaasomʉ repaʉ. —Asarepajʉ̃'ʉ mʉsanʉkona. Sẽni pi'ni eta repana vʉ'ñana co'iasome repana. Kuri kookaikʉji ũcuaʉji meñe, “Cu'ache pa'ikʉ'mʉ chʉ'ʉ”, chiiʉ Dioni sẽkʉna repaʉ cu'ache cho'osi'e tʉnosõkani, “Cu'ache cho'osi'e ro'iche peomʉ ikʉre”, chiniasomʉ Dios. Chekʉreta'ni repaʉji, “Re'oja'chechi'a cho'okʉ'mʉ chʉ'ʉ”, chikʉna repaʉ cu'ache cho'osi'e tʉnokaimaneasomʉ Dios. “Repaʉ cu'ache cho'oche kʉamanesi'e ro'iche pa'imʉ ikʉre”, chiniasomʉ Dios. Pãi te'ena, cu'ache cho'onata'ni, “Re'onaa'me chʉkʉna”, chiime, chekʉnapi asa, “Re'onaa'me jã'ana”, chiapʉ chini. Repana cu'ache cho'oche'te Dioni kʉamapʉna repana cu'ache cho'oche tʉnokaima'mʉ Dios. Diopi ñato cu'anaa'me repana. Jã'ata'ni chekʉna pãi, “Cu'ache cho'okʉ'mʉ chʉ'ʉ”, chini cuasa Dioni kʉajʉna repana cu'ache cho'oche tʉnokaimʉ Dios, repanani oiʉ. Diopi ñato re'onaa'me repana, cu'ache cho'oche tʉnosõcojñosinajejʉ —chiniasomʉ Jesús repanare.

San Lucas 18:14 Iomraidhean Croise

San Mateo 23:12

Ija'chea'me: Pãi ũcuanapi meñe, “Chekʉnare na'a rʉa masime chʉkʉna”, chiijʉ cuasanare, “Rʉa vesʉnaa'me ina”, chiija'mʉ Dios. Jã'ata'ni repanapi meñe, “Chekʉnare na'a rʉa vesʉnaa'me chʉkʉna”, chiijʉ cuasanare, “Rʉa masinaa'me ina”, chiija'mʉ Dios —chiisi'kʉa'mʉ Jesús.

San Mateo 5:3

—Pãi Diore masi cuasamanata'ni Repaʉ'te masi cuasañu chiito Diopi paakʉ cho'okaija'mʉ repanare. Ũcuaʉji cho'okaiʉna Repaʉni masi cuasajʉ jũnisõsirʉmʉ Repaʉ pa'ichejare ai sani pa'ijanaa'me repana.

San Lucas 1:52

Ʉ̃sekʉ chekʉnare, masijʉ pãi chʉ̃'ʉnare cuhekʉ chʉova'na pa'iva'nani saño pãi chʉ̃'ʉñe jo'kaasomʉ Dios.

San Lucas 10:29

Jã'aja'ñe i'kaʉna asa, pãipi repaʉni ña, “Ũcuarepa cho'okʉ'mʉ ikʉ”, chiijʉ cuasaa'jʉ chini Jesure jo'e sẽniasomʉ repaʉ. —¿Neea'ñe chʉ'ʉre kueñe pa'ina? —chiniasomʉ repaʉ.

San Lucas 14:11

“Chekʉnare pãi na'a rʉa masime chʉkʉna”, chiijʉ cuasame pãi te'ena. Jã'aja'ñe cuasanare, “Rʉa vesʉnaa'me ina”, chiija'mʉ Dios, asa kʉkʉa'jʉ chini. Jã'ata'ni pãi chekʉna, “Chekʉnare pãi na'a rʉa vesʉnaa'me chʉkʉna”, chiijʉ cuasame. Jã'aja'ñe cuasanare, “Rʉa masinaa'me ina”, chiija'mʉ Dios, asa pojoa'jʉ chini —chiniasomʉ Jesús repanare.

San Lucas 16:15

Sojʉna Jesús ija'che i'kaasomʉ repanare: —Pãi re'ona cho'ocheja'che sẽ'sevʉchi'a re'oja'che cho'onaa'me mʉsanʉkona, chekʉnapi ña, “Re'onaa'me ina”, chiapʉ chini. Jã'ata'ni Dios mʉsanʉkona rekoñoã cu'ache cuasache ñakʉ'mʉ. Jã'aja'ñe pa'inare ñani pojoma'kʉa'mʉ Dios. Jã'aja'ñe pa'iche rʉa cuhemʉ Repaʉ. Pãita'ni jã'aja'ñe pa'inare ñani pojome —chiniasomʉ Jesús repanare.

Romanos 3:20

Maire pãi re'oja'che cho'oche si'ache chʉ̃'ʉsi'kʉa'mʉ Dios Moisés tochasi'ere ña mai cu'ache pa'iche'te masia'jʉ chini. Maipi Repaʉ aperʉmʉ chʉ̃'ʉsi'ere cho'ojʉ cu'ache cho'osi'e ro'iche peoa'jʉ chini jo'kamanesi'kʉa'mʉ Repaʉ. Jã'ajekʉna Diopi, “Re'onaa'me ina”, chiaʉ chini, Repaʉ aperʉmʉ chʉ̃'ʉsi'ere cho'oni, cho'ote'eme pãi.

Romanos 4:5

Jã'ata'ni Dioni cuasajʉ re'oja'che cho'onare Ũcuaʉji repanani, “Re'onajejʉna ro'iche peomʉ inare”, chiaʉ chini cho'oma'me repana. Cu'ache cho'ojʉ Repaʉ'te cuhesinareta'ni re'oja'che cho'onare cuasacheja'che cuasakʉ rupʉ cho'okaimʉ Dios Repaʉ'te cuasanare. Repana re'oja'che cho'osi'e ro'ima'ñea'me.

Romanos 5:1

Jã'ajekʉna maire Jesucristo'te cuasanare Diopi re'oja'chechi'a cho'onare cuasacheja'che cuasakʉna Ũcuaʉna'me re'oja'che pa'ime mai. Jesucristoji paakʉna pe'ruma'mʉ Repaʉ maire.

Romanos 8:33

Diopi maini cu'ache cho'omanare cuasacheja'che cuasakʉna maire Repaʉ chẽasinajejʉna chekʉna mai pa'iche ña cuhejʉ cu'ache i'kacheta'ni asamaneja'mʉ Repaʉ.

Gálatas 2:16

Jã'ata'ni ie masime mai: Diopi ñato Repaʉji chʉ̃'ʉʉna Moisés tocha jo'kasi'e cho'ona pãi te'eʉjẽ'e re'okʉ peojʉasome. Jesucristo'te cuasanachi'aasome re'ona, Repaʉji ñato. Pãi ũcuaʉanare re'oja'chechi'a cho'ona pa'iʉato Jesucristoni cuasajʉ jovoche pa'imʉ. Jã'ajekʉna mai judíopãi Repaʉ chʉ̃'ʉ jo'kasi'e cho'ojʉ aineesinata'ni Jesucristo'te cuasajʉ jovosinaa'me, Diopi mai cu'ache cho'oche'te tʉnosokani jo'e cuasamaʉ, ‘Re'onaa'me ina’, chiaʉ chini. Repaʉ aperʉmʉ chʉ̃'ʉ jo'kasi'e cho'onareta'ni te'eʉ'terejẽ'e, ‘Re'onaa'me ina’, chiima'kʉa'mʉ Repaʉ, repare peore cho'omapʉna.

Santiago 4:10

“Vesʉnaa'me chʉkʉna”, chini cuasa Dioni cuasajʉ pa'ijʉ̃'ʉ. Jã'aja'ñe cho'oto na'a rʉa masinare carʉñoja'mʉ Dios mʉsanʉkonare.

Santiago 4:6

Jã'ajekʉna Repaʉ maire si'arʉmʉ na'a rʉa cho'okaiʉ pa'imʉ. Dios chʉ'o pa'ikorovʉ tocha jo'kasi'e ija'che kʉamʉ: “Pa'imasinajejʉ Diore chiimanaa'me chʉkʉna”, chiijʉ cuasana cho'oche ʉ̃semʉ Dios. Jã'ata'ni, “Pa'ivesʉnaa'me chʉkʉna”, chiijʉ cuasanare re'oja'che cho'okaimʉ Repaʉ, chiimʉ.